Angtawtha 2:4 - Caekäcai Kangthae (Lemi)

⁴ Tukha Muilaw Käcai ma äni ce angxynlyng tea rui hai pa vi dy. Muilaw Käcai ma älo aepe hai te kätyng-a, äni ce lä älo amäjy cawngkhang na hai aepe ö vi dy.

Asang Khongso New Testament

⁴ Anihcae loa Cai Pakhra hoiah koi o moa Cai Pakhra mah thuih thai hanah a paek o ih batih toengah lok kalah to apaeh o boih.

Angtawtha 2:4 ပူးပေါင်းရင်းမြစ်များ

Mathai 10:19

Nang ce bung ne saite kätü-a äte thui ai mei, makä älo tho ai mei näte bälung mawng ö y ma. Honi kätü-a nang ce tea thui hethang Säthaw ma älo py ai mang.

Marka 16:17

Yng saite khimi na lä cangxei saite kamarae na mätü haw ö ai. Äni ce lä kai üng ämüng thui kha angra na bung mätho ö vi ai. Äni ce lä älo kangthae na aepe ö vi ai.

Luka 1:15

Areng maw-a äni lä aely lengky saite khimi aelawng vi ai. Äni lä Cäpje tui hai ra na nei he kae y ai. Äni tea lä aepeng te üng hai Säthaw ma Muilaw Käcai kawi hai jawjaw pa vi ai.

Luka 1:41

Maeri thui te tüng Elizabe ma thai te kätü-a lä äma äjo thung üng äby lä aetae pa vi. Tukha Elizabe lä Muilaw Käcai hai kawi pa vi dy.

Luka 1:67

Äby üng pä-ai Zakhari lä Muilaw Käcai kawi kha buisaw lo thui dy.

Luka 12:12

Honi kätü-a nang ce üng thui hethang aeteng saite lo na lä Muilaw Käcai ma mätu ai mang” näpa.

Luka 21:15

Ätephüng-a mei nädylä nang ce tea nang ma ce üng bälungkae-i na ma e haw y hethang kai ma bälungkähae hai älo na py ai mang.

Luka 4:1

Isu lä Muilaw Käcai hai kawi kha Jordan tävaw üngta vawi haile ea Muilaw Käcai ma äni bung daithung kärang-a nähai pa vi.

Johan 14:26

Pä-ai lä kai üng ämüng hai-a, nang ce tähang mätaw saite säbawng te Kung, Muilaw Käcai lä, nang ce tea angxynlyng na mätu pa ai. Kai thui pyng te na sädi dang hai ai mang.

Johan 20:22

Hokä thui pyng ea Isu lä äkähui na tea mö kha “Nang ce lä Muilaw Käcai bung bälung thung-a mäkung ö lawi.

Angtawtha 1:5

Baptismae Johan lä tui hai baptismae py dy. Tungaila käni qae y tea Säthaw ma Muilaw Käcai hai baptismae py vi ai” näpa.

Angtawtha 1:8

Tungaila Muilaw Käcai nang ce tea tyng te kätü-a, nang ce lä haidae na dang kha Jerusalem märü, Judae khö angxynlyng hai Samari khö, khöteng täki khytä, khimi ce tea kai üng angthang thui ö ai” näpa.

Angtawtha 10:46

Ätephüng-a mei nädylä khimi ceng kälang na lä Muilaw Käcai ma aepe hai saite älo cawngkhang hai Säthaw tea bälaw ö te phüng-a vi. Tukha Peterae ma äni ce lä

Angtawtha 10:47

“Kai ce kätyng Muilaw Käcai dang saite khimi na by vi. Tukätephüng-a ämi ma lä baptismae la hethang ämi la mäkhang haw y vi ai” näkha näpa.

Angtawtha 11:15

Tupyng-a kai lä älo aepe te aetawng angcü-a, Muilaw Käcai lä kai ce tea tyng te kätyng äni ce qawng-a la tyng ö te by vi.

Angtawtha 11:24

Banaba lä khimi mitang pa vi kha Muilaw Käcai kawi te hai-a yng saite la cakhi te vi. Tukha khimi awng mang te na Areng Isu tea yng hethang tähang-a, äni lä säbawng bärai pa vi dy.

Angtawtha 13:52

Antioh märü üng Yng saite khimi na lä Muilaw Käcai kawi te hai anghawtho kha awng ö jawjaw vi dy.

Angtawtha 13:9

Tupyng-a Pawlae näsaite Sawlae lä Muilaw Käcai hai kawi kha angra buisaw Elima tea kheng khü pa vi.

Angtawtha 15:8

Khimi ce üng bälung mäny saite Säthaw lä Muilaw Käcai bung mä-ai tea py te kätyng, ceng kälang khimi na tea py pa te hai-a äni ce tea bälung aevaw te phüng mätü pa te vi dy.

Angtawtha 19:6

Pawlae ma äni ce üng älö-a äkö thyng pa ea lä, Muilaw Käcai lä äni ce tea tyng pa vi dy. Tukha äni ce lä Muilaw Käcai ma aepe hai saite älo cawngkhang na aepe ö vi dy. Säthaw üng Angthang Kähawi na la thui pa ö by vi dy.

Angtawtha 2:11

Mä-ai thung-a Judae khimi na lä awng te by vi. Judae na üng Säthaw tea cäphaw saite ceng kälang na la awng by vi. Kreti näsaite angrai sälawng qawng üng khimi na hai Arabia pre üng awng saite khimi na la awng ö te vi. Tungaila Säthaw üng cangxei saite phüng äni ce thui saite lä mä-ai ma ce üng lo na hai thai ö te vi” näkha aethui ö dy.

Angtawtha 2:3

Äni ce lä mai bälai kätyng aetüng te nung ö vi. Honi na lä aetäprei kha käyng na lawng lawngtä üng qawng-a tyng pa ö vi dy.

Angtawtha 4:31

Äni ce aetang pyng ea äni ce awng saite mityng aehüng pa vi. Äni ce angxynlyng Muilaw Käcai hai kawi kha Säthaw üng älo thui vawng ö phi vi dy.

Angtawtha 4:8

Tukha Peterae lä Muilaw Käcai kawi te lolang mätü pa te hai äni ce tea “Judae na üng mätawngky na ä, ämi üng ämüng hai sa hawi te mei.

Angtawtha 6:3

By jä-ai na ä, nang ce thung üng khimi lawng säritä bung re ö lawi. Äni ce lä Muilaw Käcai kawi te hai, bälung cüng te hai, khimi ce ma äni ce tea tämö khai saite na-a lawng hethang kae. Hini kälu sa hethang äni ce tea kai ce ma py pa ai mang.

Angtawtha 6:5

Angtawtha üng thui te lo lä Yng saite khimi angxynlyng na ma ngai ö bawi te vi. Tukha äni ce lä Stephen bung re ö vi dy. Stephen lä yng te aethaw leng bärai kha Muilaw Käcai hai kawi saite khimi vi. Tupyng-a Philip, Proko, Nikano, Timon, Pamena, Nikola ce bung re ö dy. Nikola lä Judae khimi y vi. Äni lä Antioh märü üng Judae khimi na üng yng te tea ngai saite khimi lawngtä vi.

Angtawtha 6:8

Stephen lä Säthaw üng tähang kähawi tea käcung-a, dang te hai haidae dang te khimi vi. Tukha cangxei te hai kamarae na khimi ce maw-a, sa pa saite lawngtä vi.

Angtawtha 7:55

Tukä ea la Stephen lä Muilaw Käcai hai kawi kha käni mang-a kheng te kätü-a, Säthaw üng phung-ang hai, Säthaw üng bangtang mang-a, Isu aedaw te bung nung pa vi.

Angtawtha 8:17

Peterae ni Johan ma äni ce üng älö-a, äkö thyng saite kätü-a, äni ce lä Muilaw Käcai dang pa ö vi dy.

Angtawtha 9:17

Tupyng-a Anania lä Sawlae awng saite ing-a ly kha Sawlae tea äkö thyng pa ea “Kangby ä, lolang-a nang tea aetüng pa saite Areng Isu ma kai bung nang tea mätaw te vi dy. Nang üng ämi aevang haile hethang tähang hai, Muilaw Käcai kawi hethang kai bung nang tea mätaw te vi dy” näkha näpa.

Pawlae ma Rom märü üng kangkawng tähang tärü saite cae 15:13

Nang ce tea aethang khai saite py te Säthaw lä nang ce üng yng te hai-a nang ce tea anghawtho saite angxynlyng hai awngneng saite na py sy. Muilaw Käcai üng haidae hai-a nang ce üng aethang khai saite lä leng rae haw vi dy.

1 Korin 12:10

Muilaw Käcai ma khimi lawngtä tea cangxei saite na sa hethang haidae py vi dy. Kälang lawngtä tea lä buisaw lo thuikaw saite py vi. Kälang tea lä äni ma Muilaw Käcai üng haidae hai-a khimi lawngtä ma kälu sa te, y dylä Setan üng haidae hai-a kälu sa te tea mäny haw hethang sakaw saite py vi dy. Khimi lawngtä tea lä äni ma mäny haw y saite lo cawngkhang aepe hethang thuikaw saite py, äkälang lawngtä tea lä äni ma khimi ce thaikaw haw hethang mäny haw y saite lo cawngkhang aepe tea thui mäcai haile kaw saite py vi dy.

1 Korin 13:1

Kai lä älawngpre khimi angxynlyng na üng älo na hai Känipre angtawtha na üng älo na aepe haw ngaila, kai üng kangby jä-ai na tea bälung aevaw y dylä, kai üng älo na lä mawng, y dylä qala the te tüng kätyng kae vi.

1 Korin 13:8

Bälung aevaw saite khimi lä dungtäsa bälung aevaw haw te vi. Tungaila buisaw lo thuikaw saite na, mäny haw y saite lo thuikaw saite na hai mänykaw saite angxynlyng na lä khimi ce ma tawng ö y vi ai dy.

1 Korin 14:18

Kai lä nang ce angxynlyng qawng-a mäny haw y saite lo na aepeky te phüng-a, Säthaw tea bälaw te vi.

1 Korin 14:5

Kai lä nang ce angxynlyng tea mäny haw y saite lo cawngkhang aepekaw hai hethang ngai te vi. Tungaila nang ce lä hini qawng-a cang y buisaw lo thuikaw hethang kai lä ngai hai te vi. Ätephüng-a mei nädylä buisaw lo thui saite lä mäny haw y saite lo cawngkhang na aepe te qawng-a aely lengky vi. Hokä y dylä mäny haw y saite lo na aepe saite khimi lawngtä lä thui mäcai kha kangkawng tea säbawng haw te vi.

Ephesi 3:19

Khrista üng bälung aevaw saite lä leng bärai te phüng-a, khimi ce lä thaikaw haw king ö y lyng. Tungaila nang ce lä äni üng bälung aevaw saite tea mänykaw ö hethang kai lä aetang te vi dy. Tudylä Säthaw äma üng aeme aeqa saite na lä nang ce üng bälung thung-a awng kha cungrü haw ö vi ai.

Ephesi 5:18

Nang ce üng aeme aeqa te tea pra hai saite jö na tea lä nei ngae ö hang. Honi jüng-a Muilaw Käcai üng haidae lä nang ce tea pyng jawjaw sy.

Ephesi 6:18

Kätü qütä-a Muilaw Käcai üng bähawi te kätyng aetang ö ba. Nang ce tähang äte angxynlyng na säbawng hethang Säthaw tea aetang ö ba. Hini kätyng sa haw hethang nang ce lä canglailing-a awng ö. Säthaw üng khimi angxynlyng na tähang aethawsi y käla ma aetang ö jawjaw pa ba.

1 Piter 1:12

Äni ce üng kälu lä äma ce tähang y käla, nang ce tähang vi näte Säthaw ma hini buisaw na tea täphawng pa te vi dy. Känipre üng mätaw saite Muilaw Käcai üng haidae hai-a, Angthang Kähawi thui saite angtawtha na te mang hai vaihi nang ce lä thai pyng saite phüng na, äni ce lä thui ö te vi dy. Hini phüng na tea lä Känipre üng angtawtha na mäteng ma mäny hethang ngai ö te by vi.

2 Piter 1:21

Ämi buisaw la äma üng aely kängai kätyng thui te y. Honi jüng-a Muilaw Käcai ma äni ce tea pyng kha Säthaw üng thui hai hethang ngai saite lo na tea äni ce lä thui ö te vi dy.