Angtawtha 2:39 - Caekäcai Kangthae (Lemi)

³⁹ Säthaw ma hini aedo saite lo lä, nang ce hai nang ma ce üng nade na tähang py te vi. Hini aedo saite lo lä, kähanglaw-a awng saite nang ce angxynlyng na tähang vi. Mä-ai üng Säthaw ma ka saite khimi angxynlyng na tähang vi.”

Asang Khongso New Testament

³⁹ Kawmawtiah Sithaw ih lok amaihhaih ih loa nangcae hoi nangmahcae ih canawk han hoi, Sithaw hoiah ka hla paraiah kaom kaminawk han hoi, aicae ih Angraeng Sithaw mah kawk ih kami boiboih hanah ni,” tiah a thuih.

Angtawtha 2:39 ပူးပေါင်းရင်းမြစ်များ

Angtawtha 10:45

Khimi ceng kälang na la Muilaw Käcai üng lasawng na dang pa vi te phüng-a, Peterae hai mangtä ly saite käyng Judae khimi na ma lä, cangxei ö phi pa vi dy.

Angtawtha 14:27

Antioh märü-a änini tyng te kätü-a, änini lä Yng saite khimi na bung aekäcö hai kha äma ni hai-a Säthaw ma sa saite kälu na läsy, ceng kälang khimi na yng hethang Säthaw ma kätü kähawi py te phüng-a läsy, änini ma thui hawi pa haile king te vi dy.

Angtawtha 15:14

Simon ma Säthaw lä angcü-a ceng kälang khimi na thung üng phütä khimi na bung äma üng khimi-a aelawng hai hethang re te hai-a, äni ce bung re vi näte phüng thui mäcai pyng te vi dy.

Angtawtha 15:3

Kangkawng üng khimi na lä äni ce bung tha pa ö vi. Äni ce lä Phonecia khö hai Samari khö na tea cäqeng ea ceng kälang khimi na Säthaw tea yng kha khimi kangthae aelawng te phüng na thui pa ö dy. Hini angthang phüng-a, kangby jä-ai angxynlyng na lä anghawtho ö phi pa vi dy.

Angtawtha 15:8

Khimi ce üng bälung mäny saite Säthaw lä Muilaw Käcai bung mä-ai tea py te kätyng, ceng kälang khimi na tea py pa te hai-a äni ce tea bälung aevaw te phüng mätü pa te vi dy.

Pawlae ma Rom märü üng kangkawng tähang tärü saite cae 11:29

Säthaw lä ämi tea re mei, ämi tea tähang kähawi py mei näte phüng äni üng bälung lä aemäqa te y vi.

Pawlae ma Rom märü üng kangkawng tähang tärü saite cae 8:30

Tudylä Säthaw lä ka hethang äma aedawng rüng saite na bung ka pa te vi dy. Äni ma ka saite khimi ce tea lä khimi käcüng na-a mäthi kha äma üng phung-ang la äni ce tea py pa vi dy.

Pawlae ma Rom märü üng kangkawng tähang tärü saite cae 9:24

Mä-ai lä äni üng re saite khimi vi. Äni lä mä-ai bung re te kätü-a Judae ceng thung üng khimi na qaitä tea kae y, ceng kälang na thung üng tea la re te by vi.

Pawlae ma Rom märü üng kangkawng tähang tärü saite cae 9:4

Äni ce lä Säthaw üng re saite khimi vi. Säthaw lä Isrelae khimi na tea äma üng caw nade na-a lawng hai kha äma üng phung-ang tea mätü pa vi dy. Säthaw lä äni ce hai aenai saite na sa kha äni ce tea Ubädi py pa vi dy. Äni ce lä Säthaw tea cäphaw tätang hethang mäny kha Säthaw üng älo aedo saite na dang ö vi dy.

1 Korin 7:14

Ätephüng-a mei nädylä, yng y saite nawngpaw lä, äma üng yng saite nawngpui hai-a Säthaw maw-a cai hai te vi. Honi kätyng yng y saite nawngpui lä äma üng yng saite nawngpaw hai-a Säthaw maw-a ca hai te vi. Hokä dylä, änini üng caw nade na lä Säthaw maw-a cai hai ö te vi. Hokä y dylä änini üng caw nade na lä Säthaw bung mäny y saite na kätyng vi ai. Tungaila änini üng caw nade na lä Säthaw maw-a cai hai tätang ö te vi.

Ephesi 1:18

Äni lä lo mitang tea nang ce mänykaw hethang säbawng ai näte kai lä aetang te by vi. Tudylä nang ce bung ka te kätü-a, aedo kha aethang khai saite tea nang ce lä mäny ö ai. Äma üng khimi na tea py hethang älo aedo saite tähang kähawi käleng na nang ce mäny ö by hethang kai lä aetang te vi.

Ephesi 2:12

Jangni-a nang ce lä Khrista hai aesui ö te y. Nang ce ceng kälang na lä Isrelae khimi thung-a qa ö te y vi. Säthaw ma Isrelae khimi na hai mangtä älo aenai saite na thung-a nang ce lä qa ö y vi. Tukätephüng-a nang ce lä Säthaw tea mäny y te hai aethang khai te awng y käla ma hini älawngpre-a awng ö te vi.

Ephesi 4:4

Mä-ai yng saite na lä khimi lawngtä üng ätabung kaesui kaebeng kätyng vi. Mä-ai üng bälung thung-a aeta saite Muilaw Käcai lä lawngtä kae. Hini kätyng Säthaw lä nang ce bung ka te kätü-a, aethang khai saite haetä py te kae.

2 Thesalon 1:11

Tukätephüng-a kai ce lä nang ce tähang aetang jawjaw ö te vi. Säthaw lä nang ce tea ka saite hai kaeteng khaw-a awng haw hethang säbawng he kai ce lä aetang pa ö te vi. Nang ce üng yng te hai ngai saite kälu kähawi na sa haw hethang haidae na äni ma nang ce tea py sy.

2 Timote 1:9

Säthaw lä mä-ai bung aeqang kha käcai-a hing hethang ka te vi dy. Äni lä mä-ai üng kähawi sa saite na phüng-a ka te y lyng. Äma ma üng mawlang kaedawng hai tähang kähawi phüng-a vi. Älawng sa y te kälang-a ma, Säthaw lä äma üng tähang kähawi mä-ai tea mätü hethang Isu Khrista bung mätaw te hai-a sa rüng te vi dy.

Hebrai 3:1

Säthaw ma re saite yng te kangby jä-ai na ä, Areng Isu üng äphüng aedawng ö lawi. Äni bung lä mä-ai üng thui te yng saite üng Mäthykung Kälengky lawng hethang Säthaw ma mätaw te vi dy.

Hebrai 9:15

Tukätephüng-a Khrista lä Säthaw hai khimi ce säla-a kangthae aenai saite vi. Tudylä Säthaw ma ka saite khimi angxynlyng na lä Säthaw üng aedo saite dungtäsa tähang kähawi tea dang haw ö te vi. Khrista lä angcü üng aenai saite täkui-a hunghö sa saite khimi na bung bälawi hethang dü pa te vi dy te phüng-a, honi kätyng lawng te vi dy.

1 Piter 5:10

Nang ce lä tänaetä mätang bälai pyng-a, tähang kähawi angxynlyng na üng Säthaw lä nang ce tea yng te cakhi hai kha aethaw awng hai ea cungrü hai ö vi ai. Äni lä Isu Khrista hai-a äma üng dungtäsa phung-ang thung-a qa hethang nang ce bung re te vi dy.

2 Piter 1:10

Tukätephüng-a, yng saite kangby jä-ai na ä, nang ce lä Säthaw üng ka saite hai re saite na cakhi hethang aethawsa rae sa rae ö. Nang ce hini kätyng sa dylä, nang ce lä yng saite tea manila khaisö ö y vi ai.

2 Piter 1:3

Mä-ai lä Säthaw üng aely kängai-a hing haw hethang äma üng haidae hai angxynlyng na mä-ai tea py vi dy. Äni üng phung-ang hai hawi saite hai-a mä-ai bung re saite Säthaw tea mäny te hai-a honi angxynlyng na mä-ai lä dang ö te vi dy.

Lokphong 17:14

Äni ce lä Beram caw tea täre aety ö ai. Tungaila Beram caw ma lä äni ce tea bäja vi ai. Ätephüng-a mei nädylä äni lä areng na üng Areng hai sanphrang na üng Sanphrang lawng te phüng-a vi. Äni üng ka saite, re saite, yng khü saite äkähui na lä äni hai mangtä awng ö ai” näkha näpa.

Lokphong 19:9

Tupyng-a Känipre angtawtha ma kai tea, “Beram caw üng aepawng saite pawi-a ly hethang hyng rüng saite khimi na lä tähang hawi, näkha tärü ba” nä vi. Känipre angtawtha ma, “Hini na lä Säthaw üng lo mitang na vi” näkha thui be vi dy.