Angtawtha 2:24 - Caekäcai Kangthae (Lemi)

²⁴ Tungaila Säthaw ma Isu bung kädü thung üng mätha haile tyng vi dy. Äni bung mätang te thung üng aelawi hai te vi. Kädü mi lä äni tea mäkhing haw y te phüng-a vi.

Asang Khongso New Testament

²⁴ To-e Sithaw mah anih to duekhaih thung hoitoah angthawksak let moa duekhaih ih tharahhaih thung hoitoah a loihsak boah, kawmawtiah anih loa duekhaih ih mah patawn thai ai boah.

Angtawtha 2:24 ပူးပေါင်းရင်းမြစ်များ

Mathai 27:63

Äni ce ma “Ingkung ä, honi khimi kaeling lä hing te thüng-a ‘Kai lä ämäthung käni aetha haile vi ai’ näkha näte kai ce lä sämai jaw ö te vi.

Johan 10:18

Kai ma üng aely hai y dylä ämi la Kai bung bädü haw y. Kai ma üng aely hai ea ni Kai bung bädü haw te kae. Kai lä Kai ma üng hing saite aepy he aenae awng te vi. Kai ma tea hing haile hethang aenae la awng. Hini kätyng sa hethang Pä-ai ma Kai tea py te vi dy” näkha näpa.

Johan 10:35

Caekäcai-a thui te phüng na, tätang vi näte kai ce lä mäny vi. Säthaw ma äma üng lo angthang thai saite na tea säthaw na” näkha thui te vi.

Johan 12:39

Khimi ce lä ätephüng-a yng haw y mei näte buisaw Isaia ma thui te vi.

Johan 20:9

Isu lä dü te üng aetha he kae näte Caekäcai-a tärü saite tea äni ce lä mäny ö y vi rawng.

Angtawtha 1:16

“By jä-ai na ä, Isu bung ne saite khimi na tea lang mätü saite lä Judae Iskriota vi. Caekäcai ping thung-a, Judae phüng thui rüng te kätyng cungrü hai te vi dy. Honi losai lä jangni-a Muilaw Käcai ma Davidae sanphrang tea thui hai pa te vi.

Angtawtha 13:30

Tungaila Säthaw ma Isu bung kädükhaw üng mätha haile tyng hai pa vi dy.

Angtawtha 13:37

Tungaila Säthaw ma dü te üng aetha haile pa hai saite Isu üng ätabung lä honi kätyng rawng pa te y vi.

Angtawtha 17:31

Ätephüng-a mei nädylä, Säthaw ma re saite Areng hai-a, älawngpre üng khimi angxynlyng na tea kätüng-a, tärae cei saite kätü lä khai pa pyng te vi dy. Honi kätyng sa hethang, Isu bung kädü thung üng mätha haile te hai-a, khimi angxynlyng na tea sasi mätü te vi dy” näkha näpa.

Angtawtha 2:32

“Honi Isu bung Säthaw ma aetha hai tyng pa vi dy näte kai ce lä nung khe kha khimi ce tea thui haw ö te vi.

Angtawtha 3:15

Nang ce ma hing hai saite kung bung lä bädü ö vi. Tungaila Säthaw ma Isu bung lä kädü thung üng mätha haile pa vi. Kai ni lä ämi hai nung khe hawi te vi kha hini kätyng nang ce tea thui haw te dy.

Angtawtha 3:26

Säthaw lä äma üng mawsawng bung älawngpre-a mätaw ea nang ce tähang kähawi dang hethang angcü-a ma nang ce thung-a, tyng hai pa te vi. Nang ce hawi y saite lolang üng aekö haile hethang tähang kähawi py te vi.”

Angtawtha 4:10

Nang ce hai Isrelae khimi angxynlyng na te mäny hai he ngai te lä, nang ce ma thinglang qawng-a bädü saite Nazare märü üng Isu Khrista üng haidae hai-a hini aedaw saite khimi bung känaw käsaw hawi sa pa te vi. Nang ce ma bädü saite Isu bung lä Säthaw ma mätha haile tyng pa te vi dy.

Angtawtha 5:30

Nang ce ma thinglang qawng-a Isu bung täheng kha bädü te vi. Mä-ai kangsi na üng Säthaw ma lä äni bung kädü thung üng mätha haile tyng pa vi dy.

Pawlae ma Rom märü üng kangkawng tähang tärü saite cae 10:9

Nang üng täbawng hai-a, “Isu lä Areng vi” näkha thui ea Säthaw lä äni bung dü saite thung üng mäning haile te vi näte tea nang ce üng bälung thung-a yng dylä, Säthaw lä nang ce tea aeqang vi ai.

Pawlae ma Rom märü üng kangkawng tähang tärü saite cae 14:9

Tukätephüng-a Khrista lä hing saite hai dü saite khimi na üng Areng lawng hethang dü kha hing haile tyng pa te vi dy.

Pawlae ma Rom märü üng kangkawng tähang tärü saite cae 4:24

Mä-ai üng Areng Isu bung kädü thung üng mäning haile saite Säthaw tea yng saite phüng-a, Säthaw lä cüng vi näkha mäthi ai näsaite lä mä-ai tähang la tärü te by vi dy.

Pawlae ma Rom märü üng kangkawng tähang tärü saite cae 6:4

Mä-ai lä baptismae la te hai-a Khrista hai mangtä dü kha äni hai mangtä ö te vi. Tukätephüng-a Khrista lä Äpä-ai üng phung-ang hai-a dü te üng hai hing haile tyng te kätyng mä-ai la hing saite kangthae-a hing haw ö te by vi dy.

Pawlae ma Rom märü üng kangkawng tähang tärü saite cae 8:11

Isu bung kädü thung mätha haile tyng saite Säthaw üng Muilaw lä nang ce thung-a awng te vi. Honi kätyng Khrista tea dü saite üng mätha haile tyng saite Areng lä nang ce thung-a awng saite äni üng Muilaw hai-a dü haw saite nang ce üng ätabung tea la hing hai vi ai.

Pawlae ma Rom märü üng kangkawng tähang tärü saite cae 8:34

Äni ce tea ämi ma dengpy ai mei. Isu Khrista lä mä-ai tea dengpy y lyng. Äni lä mä-ai tähang dü hai pa te cang y, Säthaw lä äni bung kädü thung üng mätha tyng pa te vi dy. Vaihi äni lä Säthaw üng bangtang mang-a awng kha mä-ai tähang Säthaw tea aetang pa te vi.

1 Korin 15:12

Kai ce thui saite angthang lä Säthaw ma kädü üng mäning haile saite Khrista üng angthang vi. Tukätephüng-a nang ce thung üng ämi lawngtä la “Dü saite thung üng hing haile saite lä awng te y” näkha thui haw y lyng.

1 Korin 15:15

Hini qawng-a cang y, mä-ai lä Säthaw phüng kaeling kaemae thui saite na lawng ö te vi. Ätephüng-a mei nädylä mä-ai lä Säthaw ma Khrista bung dü saite thung üng mäning haile vi dy näkha mä-ai lä thui ö te vi. Dü saite khimi na hing haile y näte lo tätang khaw vi dylä, Säthaw ma Khrista bung la mäning haile tyng y by lyng.

1 Korin 15:20

Tungaila Säthaw ma Khrista bung dü saite üng mäning haile tyng vi dy näte lä tätang khaw vi. Äni lä Säthaw ma dü saite üng mäning te khimi ce thung-a angcüky üng äthai kätyng lawng te vi.

1 Korin 15:4

Caekäcai thung-a tärü te kätyng, äni bung ö pyng-a, Säthaw ma ämäthung käni-a la mäning haile tyng pa te vi dy.

1 Korin 6:14

Säthaw ma Areng Isu bung kädü thung üng mäning haile tyng vi dy. Mä-ai bung la äma üng haidae hai-a mäning haile tyng by vi ai.

2 Korin 4:14

Areng Isu bung mäning haile tyng pa saite Säthaw ma Isu hai bungtä kai ce bung mäning haile tyng by ai näte kai ce lä mäny ö te vi. Äni lä nang ce hai kai ce bung äni üng maw-a ka vi ai.

Galati 1:1

Hini lä kai, Pawlae, ma tärü te cae vi. Kai lä angtawtha lawngtä vi. Kai bung lä khimi ce üng aenae hai khimi ce ma angtawtha hethang mätaw te y. Isu Khrista hai kädü thung üng äma bung mätha haile pa saite mä-ai üng Pä-ai Säthaw ma kai bung lä mätaw te kae vi.

Ephesi 1:20

Hini haidae käleng hai-a Säthaw lä Khrista bung kädü thung üng mäning haile kha Känipre äma üng bangtang mang-a aety hai pa vi dy.

Kolosa 2:12

Nang ce lä baptismae la te kätü-a, nang ce üng hunghö sa he ngai saite tea Khrista hai mangtä ö pyng te kätyng awng haw vi dy. Äni bung kädü thung üng mätha kha hing hai pa saite Säthaw üng phung-ang tea nang ce lä yng te phüng-a, Khrista hai mangtä dü saite thung üng nang ce la hing haile ö te by vi dy.

1 Thesalon 1:10

Tukha nang ce lä Säthaw ma kädü thung üng mätha haile pa saite Äcäpaw Isu Khrista lä Känipre mang üng cäqa haile tyng ai te tea aering hethang phüng khimi qütä ma thui ö vi dy. Isu Khrista ly haile tea lä Säthaw üng kädawtho saite thung üng mä-ai bung Äni ma aelawi hai pa vi ai.

Hebrai 13:20

Awngneng py saite Säthaw lä beram rui te Kung käleng lawng saite mä-ai üng Areng Isu tea dü te üng mäning haile tyng pa vi dy. Honi lä Isu Khrista üng äthi hai-a sa te vi. Honi äthi lä dungtäsa aenai saite äsäny vi.

Hebrai 2:14

Honi caw nade na lä äthi hai ängang awng saite khimi na vi te phüng-a, Isu lä honi na kätyng äthi ängang awng saite khimi-a aelawng khe te by vi dy. Äni üng dü saite hai-a Setan angra üng haidae tea täphra haw te vi dy. Honi Setan angra tea lä khimi ce bung bädü hai hethang haidae awng vi.

1 Piter 1:21

Nang ce lä Khrista hai-a Säthaw tea yng ö te vi. Säthaw ma Khrista bung lä kädü thung üng mätha haile tyng kha äni tea phung-ang py pa vi dy. Tukätephüng-a nang ce lä Säthaw tea yng kha aethang khai tätang ö te vi.

Lokphong 1:18

Kai lä Hing saite Kung vi. Kai lä dü pyng te ngaila, vaihi kai lä dungtäsa hing te vi. Dü saite hai Angqaw khaw pyng saite aenae lä kai tea awng te vi.