Angtawtha 18:5 - Caekäcai Kangthae (Lemi)

⁵ Saila hai Timothe ni lä Makedonia khö üng tyng te kätü-a, Pawlae lä Angthang Kähawi kätü qütä thui jawjaw kha Areng Isu lä Mesia vi näte phüng Judae khimi na tea kähawi-a thui mäcai pa ö vi dy.

Asang Khongso New Testament

⁵ Silas hoi Timote hnit to Masidonia prae hoitoah ang phak hoi na-ah Paul mah angmah ih atue bum boih to tamtanglok thuihhaih bangah a patoh moa Jesuh loa Messiah ni tito Judah kaminawk khaeah kamnoek ta-ah a thuih pae.

Angtawtha 18:5 ပူးပေါင်းရင်းမြစ်များ

Luka 12:50

Tungaila kai lä ri he hawi saite baptismae la ai rawng. Honi khüng te khytä kai lä bälung mätang phi vi dy.

Luka 16:28

Kai üng kangby na lawng bangawtä awng vi rawng. Lazarae bung äni ce tea hini mätangbälai phi saite mityng-a tyng y by hethang kähawi-a thui hai khü pa jo e’ näpa.

Johan 1:41

Äni la äjä-ai Simon bung mäqang mang kha “Mesia hai kai ni aeting vi dy” näkha näpa. (Mesia näsaite älo lä “Khrista” näte vi.)

Johan 10:24

Tukha Judae khimi na lä Isu tea säveng ea “Nang lä kai ce tea kätüng khaw-a thui hethang majetä aering ai rawng mei. Nang lä Mesia dylä, kai ce tea cüngpra-a thui by ä,” näkha näpa.

Johan 15:27

Nang ce la Kai üng phüng na thui ö vi ai. Ätephüng-a mei na dylä, angcü üng hai Kai hai mangtä awng te phüng-a vi.”

Johan 3:28

Kai lä Mesia y vi. Äni üng maw-a mätaw saite lawngtä kae. Kai ma thui te nang ce thai kha thui haw te kae.

Angtawtha 10:42

Kai ce ma nung khe saite hini na khimi ce tea thui hethang mätaw te vi. Säthaw ma Isu bung hing saite hai, dü saite khimi na tea tärae cei kha Areng-a awng hai hethang re pa te phüng-a, mä-ai lä honi phüng thui hethang kae te vi.

Angtawtha 15:22

Tupyng-a angtawtha na hai, kangkawng üng mätawngky na kangkawng üng khimi angxynlyng na lä äma ce thung üng khimi na phütä re kha Pawlae ni Banaba hai mangtä Antioh märü-a mätaw he aedawng ö vi. Äni ce lä Yng saite khimi na ma tämö khai saite Basaba näsaite Judae hai Saila ni bung re pa ö vi dy.

Angtawtha 16:1

Tupyng-a Pawlae lä Debe märü hai Lutara märü-a tyng vi dy. Lutara märü-a Timothe näsaite Yng saite khimi lawngtä awng vi. Äni üng änä-awi lä yng saite Judae nawngmädi vi. Tungaila äpä-ai lä Käri khimi lawngtä vi.

Angtawtha 16:12

Honi märü üng hai Philipi märü-a ly ö dy. Philipi märü lä Makedonia khö üng aely leng saite märü kaehaetä vi. Rom aecörae mätawngky na awng te mityng la vi. Honi märü-a kai ce lä käni bäraw y-a awng ö te vi.

Angtawtha 16:9

Pawlae lä honi kärung üng äsämai thung-a Makedonia khö üng khimi lawngtä lä aedaw kha äni hai älo aepe te kai lä nung vi. Makedonia khimi na ma “Makedonia khö-a aekae kha säbawng kü” näkha mäkai pa.

Angtawtha 17:3

Pawlae lä Caekäcai phüng thui mäcai kha Mesia mätangbälai ea dü te üng aetha te phüng mätu vi dy. Pawlae ma “Kai ma nang ce tea thui saite Isu lä Mesia vi” näkha näpa.

Angtawtha 18:28

Khimipui na maw-a aedüng aethui bärai ea Judae khimi na tämang vi näte mätü pa vi dy. Ätephüng-a mei nädylä, äni ma Isu lä Mesia vi näte Caekäcai na hai-a mätü pa te vi.

Angtawtha 2:36

“Tudylä Isrelae khimi na ä, nang ce ma thinglang qawng-a täheng saite Isu bung Säthaw ma Areng hai Mesia-a bälawng dy näte, nang ce angxynlyng tea mäny he ngai hai te vi” näkha ätüng käleng hai-a thui pa dy.

Angtawtha 20:21

Aedawng mäkhüng ea Säthaw tea aekö haile hethang hai mä-ai üng Areng Isu tea yng hethang, kai lä Judae khimi na hai Käri khimi na tea la kähawi-a thui pa te vi.

Angtawtha 20:23

Tungaila Muilaw Käcai ma ‘Thawng thung-a pä-ung te hai mätangca saite na nang lä aeting vi ai’ näkha märü qütä-a thui rüng kha sädi py saite kai lä mäny vi.

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Angtawtha 4:20

Kai ni lä nung saite hai thai saite phüng thui y käla awng haw y lyng” näkha äni ce tea thui hawi pa vi dy.

Angtawtha 9:22

Tungaila Sawlae lä aethaw awng te hai, Areng Isu lä Mesia tätang vi näte phüng khüsälü-a, thui pa te thai ea lä, Damasaka märü üng awng saite Judae khimi na lä cangxei ö vi dy.

2 Korin 1:19

Saila, Timothe hai kai ma khekhe lä nang ce tea Säthaw üng Cäpaw Isu Khrista üng Angthang thui te vi dy. Säthaw üng Cäpaw Isu Khrista lä, “Älawng vi” “Älawng y” näkha qengtä-a ma thui te y. Säthaw lä äni hai-a “Älawng vi” näkha thui jawjaw te vi.

2 Korin 11:9

Kai lä nang ce hai mangtä awng te thüng-a, kai hae haetä aely ngai te kätü-a lä nang ce thung üng ämi tea la bälungbi hai te y lyng. Makedonia khö üng tyng saite yng te kängby jä-ai na ma kai aely ngai saite angxynlyng na säbawng ö te vi dy. Kai lä nang ce tea äte manila bälungbi hai hethang awng vai te y näte kai lä ae-y te vi. Vaimaw mang-a la hini kätyng awng by ai näte kai lä ae-y te vi.

2 Korin 5:14

Khrista lä khimi qütä tähang dü pa te phüng-a, khimi angxynlyng na lä äni hai mangtä dü vi dy näte mä-ai lä mäny ö khü te vi dy. Tukätephüng-a mä-ai tea lä Khrista üng bälung aevaw saite ma pyng te vi.

Filipi 1:23

Kai lä bälung kaedawng känetä awng vi dy. Kai lä vaihi hing te tea lä khaisö kha Khrista hai mangtä awng hethang ngai te vi. Hini kätyng kai tähang lä hawiky te vi.

1 Thesalon 3:2

Hi-a kai ce awng te thüng-a, mä-ai üng kangby Timothe bung nang ce tea kai ce lä mätaw te vi dy. Äni lä Khrista üng Angthang Kähawi thui tea kai ce hai mangtä Säthaw üng kälu sa te vi. Nang ce üng yng saite na tea säbawng hethang hai aethaw py hethang äni bung kai ce ma mätaw te vi.

1 Thesalon 3:6

Timothe lä nang ce te üng hai vaihi ma kai ce tea tyng haile vi dy. Äni lä nang ce üng bälung aevaw saite hai yng saite phüng angthang na kai ce tea thui pyng te vi dy. Kai ce la nang ce hai aeting hethang tengxyng y ngai te kätyng, nang ce ma kai ce üng ämaw aedawng ö phi jawjaw te phüng na äni lä thui pyng te vi dy.

1 Piter 5:12

Kai lä yng khü saite Khristen kangby jä-ai kätyng mäthi saite Saila ma säbawng te hai-a, hini cae kädawi nang ce tea tärü te vi dy. Kai lä nang ce tea aethaw py hethang tärü te vi. Hini lä Säthaw üng tähang kähawi tätang vi näkha kai lä thui he ngai te vi. Nang ce lä hini tähang kähawi tea yng khü ö ba.