Angtawtha 15:4 - Caekäcai Kangthae (Lemi)

⁴ Jerusalem märü-a äni ce tyng te kätü-a, kangkawng üng Yng saite khimi na hai mangtä angtawtha na, kangkawng üng mätawngky na ma äni ce bung lady pyng-a, äma ce tea Säthaw ma äni ce hai-a sa saite phüng angxynlyng na thui pa ö king vi dy.

Asang Khongso New Testament

⁴ Jerusalem ah to a phak o na-ah khrihca kangkom, kawkpatoehnawk hoi kacoetanawk mah dawt pae o moa anihcae ranghoiah Sithaw mah a sak ihnawk boih to a thuih pae o.

Angtawtha 15:4 ပူးပေါင်းရင်းမြစ်များ

Mathai 10:40

“Nang ce bung lady saite khimi la kai bung lady te kätyng by kae dy. Kai bung lady saite khimi lä kai tea ma qaitä lady te cang y kai bung mätaw saite Säthaw tea lady te by kae dy.

Angtawtha 11:30

Hikä bälung aedü kha thui saite lo kätyng lä säbawng hethang tangkae na tea Banaba ni Sawlae te mang hai-a, Jerusalem märü üng kangkawng mätawngky na tea py pa vi dy.

Angtawtha 14:27

Antioh märü-a änini tyng te kätü-a, änini lä Yng saite khimi na bung aekäcö hai kha äma ni hai-a Säthaw ma sa saite kälu na läsy, ceng kälang khimi na yng hethang Säthaw ma kätü kähawi py te phüng-a läsy, änini ma thui hawi pa haile king te vi dy.

Angtawtha 15:12

Banaba ni Pawlae lä äma ni mang hai-a ceng kälang khimi na säla-a awng tea Säthaw ma sa saite cangxei te na hai kamarae angxynlyng na phüng thui te thüng-a, aekäcö saite khimipui na lä sitäri-a tängai kha awng pa ö vi dy.

Angtawtha 15:2

Tukätephüng-a Pawlae hai Banaba ni lä honi khimi ce hai älo aedüng kha tengxyng y ae-e ö vi dy. Tupyng-a Pawlae ni Banaba hai Antioh märü üng Yng saite khimi phütä na bung mangtä hikä ae-e saite phüng, aedüng hai hethang Jerusalem märü üng kangkawng na ma mätawngky na hai angtawtha na tea mätaw ö vi dy.

Angtawtha 15:22

Tupyng-a angtawtha na hai, kangkawng üng mätawngky na kangkawng üng khimi angxynlyng na lä äma ce thung üng khimi na phütä re kha Pawlae ni Banaba hai mangtä Antioh märü-a mätaw he aedawng ö vi. Äni ce lä Yng saite khimi na ma tämö khai saite Basaba näsaite Judae hai Saila ni bung re pa ö vi dy.

Angtawtha 15:3

Kangkawng üng khimi na lä äni ce bung tha pa ö vi. Äni ce lä Phonecia khö hai Samari khö na tea cäqeng ea ceng kälang khimi na Säthaw tea yng kha khimi kangthae aelawng te phüng na thui pa ö dy. Hini angthang phüng-a, kangby jä-ai angxynlyng na lä anghawtho ö phi pa vi dy.

Angtawtha 15:6

Angtawtha na hai kangkawng thung üng mätawngky na lä hini phüng aedawng hethang aekäcö ö vi dy.

Angtawtha 16:4

Äni ce lä märü haetä pyng-a haetä cäqeng kha ly ö te kätü-a Jerusalem märü-a awng saite angtawtha na hai kangkawng üng mätawngky na ma Yng saite khimi na tängai hethang tähang Ubädi älo thui mäcai pa ö vi.

Angtawtha 18:27

Apolo lä Käri pre-a ly hethang ngai ea lä, Ephesi märü üng kangby jä-ai na ma äni tea aethaw py pa vi. Käri pre üng khimi na tea äni bung lady hethang cae tärü te hai-a säbawng pa dy. Äni lä ha-a tyng ea Säthaw üng tähang kähawi hai-a, yng saite na tea awng mang-a säbawng pa dy.

Angtawtha 21:17

Jerusalem märü-a kai ce tyng ea kangby jä-ai na lä kawng te hai lady ö dy.

Angtawtha 21:19

Pawlae lä honi khimi ce tea kawng bärai sa dy. Tupyng-a ceng kälang na tea Säthaw lä Pawlae te mang hai-a, sa pa saite kälu na phüng äni ce tea thui king pa vi dy.

Pawlae ma Rom märü üng kangkawng tähang tärü saite cae 15:18

Kai hai-a Khrista lä makä sa mei näte xyngtä kai lä thui vawng te vi. Ceng kälang na lä Säthaw üng lo tängai hai hethang kai üng thui saite lo, kai üng sa saite kälu na, kamarae na üng haidae hai cangxei saite na tea Säthaw üng Muilaw Käcai hai-a sa saite na vi dy. Tukätephüng-a Jerusalem märü üng hai aetawng kha Ilirikum khö-a tyng saite mityng qütä-a Khrista üng Angthang Kähawi tea kai lä thui king te vi dy.

Pawlae ma Rom märü üng kangkawng tähang tärü saite cae 15:7

Tukätephüng-a Khrista lä nang ce bung lady te kätyng nang ma ce tingtawi lady ö. Tudylä khimi ce lä Säthaw tea bälaw ö ai.

1 Korin 15:10

Tungaila Säthaw üng tähang kähawi phüng-a, kai lä äni üng angtawtha-a lawng te vi dy. Kai tea Säthaw ma py saite tähang kähawi lä aetütü-a lawng te y vi. Kai lä angtawtha kälang na qawng-a aethaw saky te vi. Tungaila kai ma sa te y lyng. Säthaw üng tähang kähawi lä kai hai mangtä awng te phüng vi.

2 Korin 5:19

Khrista hai-a hini älawngpre üng khimi angxynlyng na tea äma üng täre na üng hai äma üng rawijae na-a lawng hethang Säthaw ma mäqa te phüng kai ce lä thui ö te vi. Säthaw lä khimi ce üng hunghö na tea dawng te y vi dy. Hini phüng tea mä-ai lä thui hethang kae.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

Kolosa 4:10

Kai hai mangtä thawng thung-a pä-ung saite Aristaku ma nang ce tea cibai sa te lo thui by mang ba. Banaba üng kangby lawng saite Marka la nang ce tea cibai sa te lo thui by. Äni üng angthang tärü te cae tea nang ce lä dang ö dy. Nang ce tea änini tyng dylä lady ö ba.

2 Johan 1:10

Khimi lawngtä lä Khrista üng mätu saite kätyng y käla kälang mätu lae saite na hai nang ce tea tyng dylä honi khimi bung lä nang ce üng ing-a mäkung hang. Äni bung la yng saite äpy kätyng lady hang ba.