Angtawtha 13:23 - Caekäcai Kangthae (Lemi)

²³ Säthaw lä Davidae üng kaesui thung mang üng Isu bung Isrelae khimi na tähang Aeqangkung-a mätaw pa vi dy. Jangni-a Säthaw lä hini kätyng sa ai näte Davidae hai mä-ai üng kangsi na tea älo aedo pa vi dy.

Asang Khongso New Testament

²³ Sithaw mah lok amaih batiah Israel kaminawk hanah Pahlongkung paek ih loa David catawn thungih Jesuh hae ni.

Angtawtha 13:23 ပူးပေါင်းရင်းမြစ်များ

Mathai 1:1

Hini lä Isu Khrista üng ärui äceng phüng tärü te cae vi. Isu lä sanphrang Davidae üng kaesui kaebeng vi. Sanphrang Davidae lä Abraham üng kaesui vi.

Mathai 1:21

Äni lä cäpaw lawngtä aepeng ai. Nang lä Äni tea ‘Isu’ näkha ämüng mäthi ba. Ätephüng-a mei nädylä Äni lä Äma üng khimi na bung hunghö thung üng aeqang vi ai” näkha näpa.

Mathai 21:9

Isu üng leithung leimaw mang-a hui saite khimi bawi na ma lä “Sanphrang Davidae Cäpaw tea Hosana näkha bälaw ö si. Areng üng ämüng hai ly saite lawngtä tea Säthaw ma tähang kähawi py sy. Aesangky saite Säthaw tea Hosana näkha bälaw ö si” näkha ätüng käleng hai-a pa ö vi dy.

Luka 1:69

Säthaw lä mä-ai tea aethaw awng saite Aeqangkung bung mätaw pa vi. Äni lä Säthaw üng mawsawng Davidae sanphrang ceng thung mang tho saite vi.

Johan 4:42

Äni ce ma Samari nawngmädi tea “Vaihi kai ce Isu tea yng te lä nang üng älo phüng-a la y. Isu üng älo kai ce ma thai khe te phüng-a kae. Hini lawngtä lä älawngpre üng Aeqangkung tätang näte kai ce lä mäny dy” näpa.

Johan 7:42

Caekäcai thung-a lä Mesia lä Davidae ceng thung üng vi. Davidae awng saite Bethlehem märü-a aepeng ai näkha awng te vi” näpa

Angtawtha 13:32

Kai ce lä nang ce tea Angthang Kähawi thui hethang hi-a tyng dy. Säthaw ma mä-ai üng kangsi na tea py saite älo aedo te kätyng äni lä mä-ai tähang vaihi ma cungrü hai vi dy. Säthaw lä Isu bung kädükhaw üng aetha hai ea älo aedo saite cungrü hai te vi dy. Äbaeni üng Sam cae-u thung-a tärü te lä, ‘Nang lä Kai üng Cäpaw vi. Vaini Kai lä nang üng Pä-ai-a aelawng vi dy.’

Angtawtha 2:30

Tungaila äni lä buisaw lawngtä vi kha Säthaw lä äni üng älo aedo te tea mäny vi. Säthaw lä Davidae üng kaesui lawngtä bung Davidae kätyng-a, sanphrang sa hai vi ai näte äma lä mäny te vi.

Angtawtha 3:26

Säthaw lä äma üng mawsawng bung älawngpre-a mätaw ea nang ce tähang kähawi dang hethang angcü-a ma nang ce thung-a, tyng hai pa te vi. Nang ce hawi y saite lolang üng aekö haile hethang tähang kähawi py te vi.”

Angtawtha 4:12

Honi Isu ma qaitä ni khimi ce bung aeqang haw te kae. Älawng qawng-a awng saite khimi na tähang Säthaw lä Isu lawngtä xyng bung mätaw te vi” näkha Peterae ma thui pa.

Pawlae ma Rom märü üng kangkawng tähang tärü saite cae 1:3

Hini Angthang Kähawi lä Säthaw üng Cäpaw, mä-ai üng Areng Isu Khrista üng phüng vi. Äni lä khimi-a aelawng kha Davidae kaesui kaebeng thung üng vi.

Pawlae ma Rom märü üng kangkawng tähang tärü saite cae 11:26

Hini kätyng Säthaw lä Isrelae khimi angxynlyng na tea aeqang vi ai. Caekäcai thung-a lä, “Aeqang saite Kung lä Zaion märü üng ly ai. Äni lä Jaeko üng kaesui kaebeng üng hawi y saite angxynlyng na tea lä bälawi vi ai.

Titas 1:4

Mä-ai üng yng saite sangrung hai-a kai üng cäpaw tätang kätyng awng saite Tita tea kai lä hini cae tärü te vi. Mä-ai üng Pä-ai Säthaw hai mä-ai üng Aeqangkung Isu Khrista ma nang tea tähang kähawi, bäheng saite hai awngneng saite py sy.

2 Piter 1:1

Hini cae lä Isu Khrista üng mawsawng hai angtawtha lawng saite, kai, Simon Peterae, te üng vi. Kai lä Säthaw hai mä-ai üng Aeqangkung Isu Khrista üng cüng saite hai-a kai ce kätyng yng te ävang käting dang saite na tea cae tärü te vi.

2 Piter 1:11

Säthaw lä nang ce tea mä-ai üng Aeqangkung Areng Isu Khrista üng dungtäsa pre thung-a kähawi-a lady vi ai.

2 Piter 2:20

Äni ce lä mä-ai üng Aeqangkung Areng Isu Khrista bung mäny te hai-a, hini älawngpre üng täphra saite käsi üng aelawi pyng-a, äni ce üng hini käsi dawng-a aemang kha pyng pa haile vi dylä, angcü üng Khrista tea yng y te kälang üng kätü qawng-a siky ö vi ai.

2 Piter 3:18

Tudylä mä-ai üng Aeqangkung Areng Isu Khrista üng tähang kähawi tea mänykaw rae kha äni bung mäny rae hethang aethawsa ö. Areng tea phung-ang käleng lä vai üng hai dungtäsa awng jawjaw sy. Amen.

2 Piter 3:2

Kai lä jangni-a Säthaw üng buisaw käcai na ma thui pyng saite lo na hai-a nang ce üng angtawtha na hai mä-ai üng Aeqangkung Areng Isu Khrista ma nang ce tea py saite särilo tea aedawng haile tyng hethang ngai hai te vi.

1 Johan 4:14

Mä-ai üng Pä-ai Säthaw lä hunghö ma pyng saite khimi qütä tähang Äcäpaw bung Aeqangkung kätyng hini älawngpre-a mätaw saite tea nung kha mä-ai lä thui ö te vi.

Judae 1:25

Mä-ai üng Areng Isu Khrista hai-a, mä-ai üng aeqang saite Kung lawngtä xyng awng te Säthaw lä jangni üng hai, vaini üng hai ämaw mang-a la, phung-ang hai, pyng saite hai, haidae hai aenae lä awng jawjaw sy. Amen.

Lokphong 22:16

“Kai, Isu, lä kangkawng na thung-a awng saite nang ce tea hini na thui hai hethang Kai ma üng Känipre angtawtha bung mätaw vi dy. Kai lä sanphrang Davidae amäjy thung üng vi. Ang bärai saite Kädang Tengpaw la vi.”