Angtawtha 13:1 - Caekäcai Kangthae (Lemi)

¹ Antioh kangkawng thung-a lä buisaw na hai särae na awng vi. Äni ce lä Banaba, khimi kangnung näsaite Simon, Sarene khö üng Lucia, Herodae hai mangtä ryng saite Manen hai Sawlae ce vi.

Asang Khongso New Testament

¹ Antiok vang ih Khrihca kangkom thungah tahma hoi patukkung thoemto a oh. Atonawk loa Barnabas, (kamnum naa pae o ih) Simeon, (Sairin vang ih) Lusias, (Acozah ukkung angraeng Herod hoiah ka qoeng nawn ampui) Manaen hoi Saul cae hae ni.

Angtawtha 13:1 ပူးပေါင်းရင်းမြစ်များ

Mathai 27:32

Äni ce lä Jerusalem märü-a tho ö te kätü-a Sarene märü üng Simon näsaite hai aeting kha reisae na ma aethaw paitae hai äni bung ka kha Isu üng thinglang tea aepö hai pa dy.

Luka 3:1

Honi kätü-a Taiberia näsaite Sica sanphrang Rom pre angxynlyng na tea pyng te lä säning hawlai bangawtä awng vi dy. Mätawngky Pontia Pilata lä Judae khö-a pyng kha sanphrang Herodae lä Kalile khö tea pyng te by vi. Herodae üng kangby Philip lä Iturea khö hai Trakoniti khö känetä tea pyng te by vi. Mätawngky Lasania lä Abilene khö tea pyng te by.

Angtawtha 11:30

Hikä bälung aedü kha thui saite lo kätyng lä säbawng hethang tangkae na tea Banaba ni Sawlae te mang hai-a, Jerusalem märü üng kangkawng mätawngky na tea py pa vi dy.

Angtawtha 12:25

Banaba ni Sawlae lä äma ce sa he awng saite kälu na sa khüng pyng ea Johan Marka bung ka ea Jerusalem märü-a ly kha Antioh märü-a vawi ö vi dy.

Angtawtha 13:9

Tupyng-a Pawlae näsaite Sawlae lä Muilaw Käcai hai kawi kha angra buisaw Elima tea kheng khü pa vi.

Angtawtha 15:32

Buisaw Judae hai Saila ni lä äni ce tea kätü käsa-a aethaw py pa kha yng te cakhi hai rae vi dy.

Angtawtha 15:35

Pawlae hai Banaba ni lä Antioh märü-a awng ea Areng Isu üng Angthang Kähawi khimi awng mang saite na hai mangtä mätu kha thui ö vi dy.

Angtawtha 19:6

Pawlae ma äni ce üng älö-a äkö thyng pa ea lä, Muilaw Käcai lä äni ce tea tyng pa vi dy. Tukha äni ce lä Muilaw Käcai ma aepe hai saite älo cawngkhang na aepe ö vi dy. Säthaw üng Angthang Kähawi na la thui pa ö by vi dy.

Angtawtha 21:9

Äni tea nawngpaw nang y saite cänung lawng bälitä awng vi. Honi äcänung na lä buisaw lo aepae haw saite na vi.

Angtawtha 4:36

Josefae näsaite khimi lawngtä la awng vi. Äni lä Levi ceng kaesui vi kha Saipära angrai sälawng üng ly te vi. Angtawtha na ma äni tea Banaba näkha ämüng kangthae mäthi pa dy. (Banaba näsaite ämüng üng phüng lä khimi ce tea aethaw py saite khimi näte vi.) Banaba lä äma üng lai jaw kha angtawtha na maw-a phawisae khai pa vi dy.

Angtawtha 9:1

Honi kätü-a Sawlae lä Areng Isu tea Yng saite khimi na bung bädü hethang kätei te lo thui tütü pa te vi rawng. Äni lä mäthykung kälengky tea ly kha,

Pawlae ma Rom märü üng kangkawng tähang tärü saite cae 16:21

Kai üng kälu sa saite kangby jä-ai Timothe hai Judae ceng thung üng Lucia, Jason, Sosipater na ma nang ce tea cibai sa te lo thui ö dy.

1 Korin 11:4

Nawngmäcaw lawngtä lä äma üng älö aekhu ea aetang kha buisaw lo na thui dylä, äni lä Khrista tea mäthi y te vi.

1 Korin 13:2

Kai lä buisaw lo thui haw te läsy, Säthaw üng ho saite lo angxynlyng na tea mänykaw te läsy, bälunghae saite angxynlyng na awng te läsy, me anghung na tea mäthuija haw te khytä yng te awng ngaila, kai üng kangby jä-ai na tea bälung aevaw y dylä, kai lä aetütü kae.

1 Korin 13:8

Bälung aevaw saite khimi lä dungtäsa bälung aevaw haw te vi. Tungaila buisaw lo thuikaw saite na, mäny haw y saite lo thuikaw saite na hai mänykaw saite angxynlyng na lä khimi ce ma tawng ö y vi ai dy.

1 Korin 14:29

Buisaw lo na tea khimi lawng netä y dylä, lawng thungtä thui ö sy. Khimi kälang na ma hini buisaw lo na hai thui saite lä Muilaw Käcai hai thui mei, thui y mei, näte dawng ö khü sy.

1 Korin 14:32

Buisaw lo thui haw saite khimi lä äma üng sakaw saite tea aepä-üng hethang kae.

1 Korin 9:6

Ca saite tähang tangkae awng hethang Banaba hai kai ni ma qaitä lä kai ma ni üng äkö na hai-a sa te vi mei.

Galati 2:13

Yng saite Judae kälang na la Peterae hai mangtä sa tämang ö te by vi dy. Äni ce üng sa tämang saite thung-a, Banaba mäteng ma qa pö ma te by vi.

Galati 2:9

Jaeko, Peterae hai Johan ce lä kangkawng üng mätawngky käleng na vi näkha khimi ce lä dawng ö te vi. Äni ce lä Säthaw ma kai ce tea py saite tähang kähawi phüng thai te kätü-a, kai ce lä äni ce üng kangby jä-ai na kae näte khimi qütä ma mäny hethang lä Banaba hai kai ni tea äni ce lä cibai sa ö vi dy. Kai ce lä ceng kälang na thung-a kälu sa hethang hai äni ce la Judae na thung-a kälu sa hethang näte phüng-a, kai ce hai äni ce lä bälung mangtä aedü ö vi dy.

Ephesi 4:11

Hini Areng lä äma üng kangkawng na tea sakaw saite cawngkhang na py pa te vi. Äni lä khimi phütä na tea angtawtha na-a lawng hethang sakaw saite na py kha kälang phütä na tea lä buisaw na-a lawng hethang sakaw saite na py pa te by vi. Phütä na tea lä Angthang Kähawi thui hethang sakaw saite na py pa te vi. Kälang phütä na tea lä yng saite na bung rui kha mätu hethang sakaw saite na py pa vi dy.

Filipi 4:22

Hi-a awng saite Säthaw üng khimi angxynlyng na ma nang ce tea cibai sa te lo na thui ö by. Sica sanphrang ing-a awng saite mawsawng na ma la tengxyng y cibai sa te lo na thui ö by vi dy.

1 Thesalon 5:20

Buisaw na üng lo na tea lä mäthi y käla awng ö hang ba.