Angtawtha 12:7 - Caekäcai Kangthae (Lemi)

⁷ Säthaw üng angtawtha lä Peterae üng äteng-a, qengtäma tyng kha thawng thung-a aevang hai pheng pa vi dy. Säthaw üng angtawtha ma Peterae üng mäna-a täkhaw kha “Aetha dawde lawi” näkha i bälaw pa vi. Tukha Peterae äkö caecei üng singqy rui na lä aela king pa vi dy.

Asang Khongso New Testament

⁷ Poek ai puiah Angraeng ih vanmi longto loa toah to angdoet moa thongim akhaan thung to aang phaeng. Vanmi mah Piter ih palaeng ah to ahuenh pae, anglawtsak moa, “Angthawk mue mue!” tiah a naa. Vaipang ta-ah Piter ban pongih sumqui to angkhram pae roeprap.

Angtawtha 12:7 ပူးပေါင်းရင်းမြစ်များ

Mathai 2:13

Bälung kähae na ly pyng ea Josefae lä Säthaw üng angtawtha lawngtä bung aemang thung-a nung vi. Säthaw üng angtawtha ma “Aetha lawi äby ni änä-awi bung nähai ea Aikuta pre-a aehui hai lawi. Kai üng lo thai y rytä ho-a awng ö re. Sanphrang Herodae lä nade bung bädü hethang mäqang vi ai” näkha näpa.

Luka 2:9

Säthaw üng angtawtha lawngtä lä äni ce tea aetüng pa vi. Tukha Areng üng phung-ang lä äni ce äteng äpa-a aevang pheng kha äni ce lä ri ö phi vi dy.

Luka 24:4

Hini phüng äni ce dawng tämangtü te thüng-a lä kä-o angphung-a aelawng saite khimi lawng netä lä äni ce teng-a aedaw praw pa vi.

Angtawtha 10:30

Konelia ma “Jandüng aetawi käni bälitä käni anghung pyng üng naeri thungtä üng vaihi kätyng kätü-a, kai lä ing-a aetang kha awng te kae vi. Hokä ea aecang phrung saite kä-o aelawng saite khimi lawngtä lä kai üng maw-a aedaw praw vi dy.

Angtawtha 12:23

Sanphrang lä äma tea khimi ce ma bälaw hethang mäkhang te y vi. Säthaw üng phung-ang khimi ce tea bälaw hai pa y te phüng-a, qengtäma Säthaw üng angtawtha ma äni tea kälung ca hai kha dü pa vi dy.

Angtawtha 12:6

Peterae bung Herodae ma khimi ce üng maw-a mätho kha älo cei saite käni tyng y te kälang üng kärung thung-a, Peterae lä reisae lawng netä säla-a i kha awng pa vi. Äni bung singqy rui känetä hai, mäkhing kha khai pa vi. Thawng thung üng thokhae kung-a la reisae na ty hai ö pa vi.

Angtawtha 12:8

Säthaw üng angtawtha ma “Nang ma üng khabai aemäkhing kha kho painai aecö lawi” näpa. Peterae lä honi thui te kätyng sa pa vi dy. Tupyng-a Säthaw üng angtawtha ma “Känih aekhu kha kai leithung hui lawi” näkha näpa.

Angtawtha 16:26

Qengtäma älawng-a lä tengxyng y pangtälü naw kha thawng üng aenyng nae lä aehüng pa by vi. Thawng kätho angxynlyng na la aepä-awng praw pa bawi vi. Thawng thung-a awng saite angxynlyng na üng äkö caecei üng singqy rui aela king pa vi dy.

Angtawtha 2:24

Tungaila Säthaw ma Isu bung kädü thung üng mätha haile tyng vi dy. Äni bung mätang te thung üng aelawi hai te vi. Kädü mi lä äni tea mäkhing haw y te phüng-a vi.

Angtawtha 5:19

Tukha kärung thung-a Säthaw üng angtawtha ma lä thawng ing kätho pä-awng ea angtawtha na bung ärang mang-a nähai pa ö vi.

Angtawtha 9:3

Äni lä khölawng tho kha Damasaka märü teng-a tyng te kätü-a, käni mang üng kaevang haetä lä qengtäma äni üng äteng-a, aevang pheng praw pa vi dy.

Ephesi 5:14

Ätephüng-a mei nädylä, kaevang lä äte angxynlyng na tea täphawng king pa te vi. Tukätephüng-a khimi ce ma ae-awi hai thui ö te lä, “I saite ä, i aelaw lawi. Dü saite ä, aetha lawi. Khrista üng kaevang lä nang tea aevang vi ai” näkha nä vi.

Hebrai 1:14

Känipre üng angtawtha na lä mawsawng na xyng lawng te kae vi. Äni ce lä Säthaw üng aeqang saite na tea säbawng hai hethang mätaw saite na kae.

Lokphong 18:1

Honi pyng-a Känipre angtawtha kälang lä Känipre mang üng cäqa te kai lä nung vi dy. Äni lä tengxyng y aenae awng vi. Äni üng phung-ang lä älawngpre angxynlyng na tea aevang hai vi dy.