Angtawtha 11:30 - Caekäcai Kangthae (Lemi)

³⁰ Hikä bälung aedü kha thui saite lo kätyng lä säbawng hethang tangkae na tea Banaba ni Sawlae te mang hai-a, Jerusalem märü üng kangkawng mätawngky na tea py pa vi dy.

Asang Khongso New Testament

³⁰ Totitoah a sak o pacoengah abomhaih tangka to Barnabas hoi Saul ban ah Khrihca kangkom kacoetanawk khaeah to a pat o.

Angtawtha 11:30 ပူးပေါင်းရင်းမြစ်များ

Angtawtha 12:1

Honi kätü-a Herodae sanphrang lä kangkawng üng phütä khimi ce bung ne kha sakälö khü hethang aetawng pa vi dy.

Angtawtha 12:25

Banaba ni Sawlae lä äma ce sa he awng saite kälu na sa khüng pyng ea Johan Marka bung ka ea Jerusalem märü-a ly kha Antioh märü-a vawi ö vi dy.

Angtawtha 14:23

Pawlae hai Banaba ni lä kangkawng qütä-a mätawngky na bung re kha khai pa dy. Tukha böjae kha aetang ea äni ce yng saite Areng ma rui hethang aetang pa.

Angtawtha 15:2

Tukätephüng-a Pawlae hai Banaba ni lä honi khimi ce hai älo aedüng kha tengxyng y ae-e ö vi dy. Tupyng-a Pawlae ni Banaba hai Antioh märü üng Yng saite khimi phütä na bung mangtä hikä ae-e saite phüng, aedüng hai hethang Jerusalem märü üng kangkawng na ma mätawngky na hai angtawtha na tea mätaw ö vi dy.

Angtawtha 15:23

Äni ce hai mangtä cae tha pa ö dy. Honi cae lä “Jerusalem märü-a awng saite angtawtha na hai kangkawng üng mätawngky na ma tärü te vi. “Kai ce lä Khrista hai-a nang ce üng kangby jä-ai na vi. Kai ce lä Antioh märü, Siria pre, Kiliki khö üng ceng kälang käyng na tea cae tärü kha cibai sa dy.

Angtawtha 15:4

Jerusalem märü-a äni ce tyng te kätü-a, kangkawng üng Yng saite khimi na hai mangtä angtawtha na, kangkawng üng mätawngky na ma äni ce bung lady pyng-a, äma ce tea Säthaw ma äni ce hai-a sa saite phüng angxynlyng na thui pa ö king vi dy.

Angtawtha 15:6

Angtawtha na hai kangkawng thung üng mätawngky na lä hini phüng aedawng hethang aekäcö ö vi dy.

Angtawtha 16:4

Äni ce lä märü haetä pyng-a haetä cäqeng kha ly ö te kätü-a Jerusalem märü-a awng saite angtawtha na hai kangkawng üng mätawngky na ma Yng saite khimi na tängai hethang tähang Ubädi älo thui mäcai pa ö vi.

Angtawtha 20:17

Pawlae lä Ephesi märü üng kangkawng mätawngky na hai aeting hethang ngai te phüng-a, Mile märü üng Ephesi märü-a, khimi lawngtä bung mätaw pa vi.

Angtawtha 21:18

Kädang mang-a Pawlae lä kai ce hai mangtä Jaeko hai aeting hethang ly vi. Kangkawng üng mätawngky angxynlyng na lä honi mityng-a awng ö vi.

Angtawtha 4:36

Josefae näsaite khimi lawngtä la awng vi. Äni lä Levi ceng kaesui vi kha Saipära angrai sälawng üng ly te vi. Angtawtha na ma äni tea Banaba näkha ämüng kangthae mäthi pa dy. (Banaba näsaite ämüng üng phüng lä khimi ce tea aethaw py saite khimi näte vi.) Banaba lä äma üng lai jaw kha angtawtha na maw-a phawisae khai pa vi dy.

1 Timote 4:14

Nang lä Muilaw Käcai ma py te sa kaw saite tea aedawng ba. Kangkawng üng mätawngky na ma nang qawng-a äkö thyng kha aetang ea Säthaw lä buisaw na üng lo hai-a, nang tea lä Muilaw Käcai üng sa kaw saite py pyng te vi dy.

1 Timote 5:17

Kangkawng tea kähawi-a rui saite mätawngky na tea yng saite na lä tämö khai ea bälung aepy bärai te hai tangkae phawisae na hai säbawng ö hethang kae. Äni ce lä Säthaw üng angthang mätu ea thui te phüng-a, äni ce tea lä tämö khai hethang aeteng te vi.

1 Timote 5:19

Khimi lawngtä lä kangkawng mätawngky tea hunghö sa näkha cy dylä, tängai ö hang. Khimi lawng ne, lawng thungtä ma äni tea hunghö sa näkha thui xang ea ni tängai ö kae ba.

Titas 1:5

Kai, Pawlae, lä nang tea täru te lo kätyng Kreti üng märü qütä-a mätawngky na khai hethang hai kai ma sa khüng y saite kälu tea sa haw hethang phüng-a, kai lä nang bung khai te vi dy.

Jako 5:14

Nang ce thung-a lawng lawngtä lä känaw käsaw awng mei. Äni lä kangkawng üng mätawngky na bung ka kha känaw käsaw awng saite khimi tea Areng üng ämüng hai-a situi kälo ea äni ce ma aetang pa ö vi.

1 Piter 5:1

Kai ma khekhe lä kangkawng üng mätawngky vi kha nang ce thung üng kangkawng mätawngky na tea mäci te vi. Kai lä Khrista üng mätang bälai saite na tea nung khe kha thui te vi. Säthaw ma Khrista üng phung-ang täphawng te kätü-a, hini phung-ang thung-a kai lä qa vi ai.

2 Johan 1:1

Kai, Khristen Kangkawng üng mätawngky, lä Säthaw ma re saite nawngmädi käleng hai äma üng caw nade na, nang ce tea cae tärü te vi. Kai lä nang ce angxynlyng na tea bälung aevaw tätang te vi. Kai ma qaitä nang ce tea bälung aevaw te cang y, lo mitang tea mäny saite khimi angxynlyng na ma la nang ce tea lä bälung aevaw ö te by. Ätephüng-a mei nädylä lo mitang lä mä-ai thung-a awng kha mä-ai hai mangtä dungtäsa awng jawjaw ö ai te phüng-a vi.

3 Johan 1:1

Kai, Khristen Kangkawng üng Mätawngky, lä kai üng bälung aevaw tätang saite yng saite äpy Kaju tea cae tärü te vi.