Angtawtha 1:9 - Caekäcai Kangthae (Lemi)

⁹ Älo thui pyng ea angtawtha na üng ämi känung-a Säthaw ma äni bung Känipre mang-a nähaija pa vi dy. Tämai ma khu kha angtawtha na lä äni bung nung ö y vi dy.

Asang Khongso New Testament

⁹ Hi lok thuih pacoengah a khet o nathuemah van ah lak ah oh, moa tamai mah a vingh khoep moa hnuh o thaih ai boah.

Angtawtha 1:9 ပူးပေါင်းရင်းမြစ်များ

Marka 16:19

Areng Isu lä hokä äkähui na tea thui pyng dylä, Säthaw ma äni bung Känipre mang-a nähaija pa vi dy. Tukha Isu lä Säthaw üng bangtang mang-a aety pa vi dy.

Luka 21:27

Honi kätü-a lä Kai, Khimi üng Cäpaw, lä haidae hai phung-ang hai khö angnüng thung mang ly te khimi ce ma nung ö vi ai.

Johan 6:62

Kai, Khimi üng Cäpaw, lä awng vai saite mityng-a paw te nang ce nung dylä makä aedawng ö ai mei.

Angtawtha 1:11

Äni ce ma “Kalile khimi ce ä, ätephüng-a aedaw kha käni mang-a kheng ö te vi mei. Känipre-a paw saite Isu bung nung te kätyng äni lä äbaeni cäqa haile vi ai” näkha thui pa.

1 Thesalon 4:17

Tupyng-a vaihi hing saite mä-ai lä yng kha dü pyng saite khimi na hai mangtä Areng hai aeting hethang khösang üng khö angnüng thung-a mä-ai angxynlyng na bung lä Säthaw ma nähai tähang ja ö ai. Honi kätü üng hai, mä-ai lä Areng hai mangtä awng jawjaw ö ai.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.

Lokphong 11:12

Tupyng-a buisaw lawng netä lä, “Hi-a paw hawi lawi” näkha käni mang üng hai änini tea thui saite ätüng käleng thai hawi vi dy. Tukha änini lä khö angnüng thung mang khösang-a paw hawi te tea änini üng täre na ma nung ö vi dy.

Lokphong 14:4

Honi khimi na lä nawngmädi na hai täkübäjang sa ö y saite na vi. Äni ce lä äma ce tea pawprae y hethang sädi khai ö te vi. Äni ce lä Beram Caw ly saite mityng qütä-a hui ö vi. Äni ce bung Säthaw lä khimi ceng angxynlyng na thung üng kätho haile pa ö te vi dy. Äni ce lä Säthaw hai Beram Caw hai aesui saite na vi. Äni ce lä angcü üng ae saite cawbi cawthai na Säthaw hai Beram Caw tea a pyng saite na kätyng vi dy.