Angtawtha 1:16 - Caekäcai Kangthae (Lemi)

¹⁶ “By jä-ai na ä, Isu bung ne saite khimi na tea lang mätü saite lä Judae Iskriota vi. Caekäcai ping thung-a, Judae phüng thui rüng te kätyng cungrü hai te vi dy. Honi losai lä jangni-a Muilaw Käcai ma Davidae sanphrang tea thui hai pa te vi.

Asang Khongso New Testament

¹⁶ “Naukzanawk, Jesuh ka naehkungnawk zaehoikung Judas kawng David pakhaa ah Cai Pakhra mah thuihcoek ih Cabu kacai thungah tarik ih to acung han oh.

Angtawtha 1:16 ပူးပေါင်းရင်းမြစ်များ

Mathai 26:14

Tupyng-a äkähui lawng hawlai netä thung üng Judae Iskriota lä mäthykung käleng na tea ly pa dy.

Mathai 26:47

Hokä Isu ma thui te thüng-a äkähui lawng hawlai netä na thung üng Judae Iskriota lä tyng pa vi dy. Äni hai mangtä aekei sawngseng thingbyng, na süng saite khimipui na la qa by. Honi khimi ce lä mäthykung käleng na hai mätawngky na ma mätaw ö saite khimi na vi.

Mathai 26:54

Tungaila Caekäcai ma thui te kätyng lä kai tea cungrü hai hethang kae te vi” näkha näpa.

Mathai 26:56

Tungaila hini na lä Caekäcai thung-a buisaw na ma tärü rüng saite lo na cungrü hai hethang vi” näkha näpa. Tupyng-a äkähui angxynlyng na lä Isu bung khaisö kha aehui pa öng pa dy.

Marka 12:36

Sanphrang Davidae lä Muilaw Käcai hai thui te vi. Äni ma, ‘Kai üng Areng tea Säthaw ma thui te vi. Nang üng täre na bung nang üng kho bäde täkui-a kai ma khai y rytä lä, kai üng bangtang mang-a aety ba’ näkha nä vi.

Marka 14:43

Hokä Isu ma thui te thüng-a äkähui lawng hawlai netä na thung üng Judae Iskriota lä tyng pa vi dy. Äni hai mangtä aekei sawngseng, thingbyng na süng saite khimipui na la qa by. Honi khimi ce lä mäthykung käleng na, Ubädi särae na hai mätawngky na ma mätaw ö saite khimi na vi.

Luka 22:47

Isu ma äkähui na tea älo thui te thüng-a, khimi kanghö lä tyng pa dy. Tukha äkähui lawng hawlai netä thung üng Judae Iskriota näsaite khimi lawngtä lä äni ce tea lolang mätü pa vi. Äni lä Isu teng-a ly kha mänang pa vi dy.

Johan 10:35

Caekäcai-a thui te phüng na, tätang vi näte kai ce lä mäny vi. Säthaw ma äma üng lo angthang thai saite na tea säthaw na” näkha thui te vi.

Johan 13:18

“Nang ce angxynlyng phüng tea kai lä thui te y. Re pyng saite khimi na bung kai lä mäny vi. Tungaila Caekäcai thung-a awng te lä ‘Kai hai bö mangtä ca saite khimi lä kai tea äkho hai mäthui a’ näkha tärü saite kätyng tyng khaw vi ai” näpa.

Johan 17:12

Kai lä äni ce hai mangtä awng te thüng-a, äni ce bung Nang üng ämüng haidae hai aekung hai pa te vi. Säthaw ma pra hai hethang khimi lawngtä y dylä, ämi lawngtä la pra y lyng. Caekäcai thung-a tärü te lä cungrü hai te dy.

Johan 19:36

Caekäcai cungrü hai hethang tähang-a, hini na tyng te vi dy. Caekäcai thung-a lä “Äni üng ähu haetä la aekhy hang sy” näkha tärü te vi.

Angtawtha 1:20

“Davidae sanphrang ma Sam ae-awi cae-u thung-a. ‘Äni üng ing lä khimi deqang sy. Honi ing-a ämi la awng hang sy. Äni üng mätawngky kälu la khimi kälang na lasy’ näkha tärü vi.

Angtawtha 13:15

Mosi üng Ubädi hai buisaw na tärü te cae na phai pyng ea lä, ingkäcai mätawngky na ma äni ce tea “By jä-ai na ä, khimi ce tea aethaw py hethang awng dylä, vaihi älo thui ö” näkha khimi bung mätaw kha äni ce tea thui hai pa dy.

Angtawtha 13:38

Kai üng kangby jä-ai na ä, tängai ö. Honi Isu sa te phüng-a, Säthaw ma nang ce üng hunghö bälawi haw saite phüng na, kai lä nang ce tea mäny hai hethang ngai te vi.

Angtawtha 15:13

Äni ce thui pyng te kätü-a lä, Jaeko ma “Kangby jä-ai na ä, kai üng älo tängai ö kae-e.

Angtawtha 15:7

Kätü käqae-a aedüng pyng ea lä, Peterae ma aetha kha “Kangby jä-ai na ä, Säthaw lä jangni üng hai ma ceng kälang khimi na yng haw hethang, Angthang Kähawi thui hai hethang kai bung nang ce thung üng re te vi näte nang ce lä mäny ö te vi dy.

Angtawtha 2:23

Säthaw lä äma üng aedawng te aely kängai saite te phüng-a, Isu bung nang ce tea a te vi dy. Tukha nang ce lä khimi kähawi y na hai äni bung thinglang qawng-a sengmu hai täheng kha bädü pa ö te vi.

Angtawtha 2:37

Peterae thui saite na khimi ce ma thai te kätü-a lä, äni ce lä bälung hawi y phi ö pa vi dy. Peterae hai angtawtha kälang na tea “Rawijae na ä, kai ce lä makä sa ai dy mei” näpa.

Angtawtha 22:1

Pawlae ma “Kangby jä-ai na hai Ä-ai na ä, vaihi kai thui he ngai saite älo tea tängai ö re ba. Kai lä sa tämang te awng y näte thui mäcai he ngai vi” näpa.

Angtawtha 23:1

Pawlae lä Sanhendrin kawngci na tea kheng bädiki ea “Kangby jä-ai na ä, kai lä vaini khytä Säthaw üng maw-a, caiping te bälung kaedawng hai-a awng kha kälu sa te vi” näpa.

Angtawtha 23:6

Tupyng-a Pawlae lä Sanhendrin kawngci thung-a phütä lä Sadukai na hai kälang phütä lä Pharisai na näte mäny ea lä “Kangby jä-ai na ä, kai lä Pharisai vi. Pharisai üng cäpaw la vi. Dü saite na aetha haile tyng ai näte lä kai üng aethang khai saite vi. Tukätephüng-a vaihi kai lä älo cei hethang aeting saite khimi vi” näkha näpa.

Angtawtha 28:17

Käni thungtä qae pyng ea Pawlae ma Judae mätawngky na bung kähyng vi dy. Äni ce lä aekäcö qu ea Pawlae ma “Kangby jä-ai na ä, kai lä mä-ai üng khimi na tea hai, kangsi na üng reitae tea äte haetä la sa tämang te awng y. Tungaila Judae khimi na lä Jerusalem märü-a kai bung ne kha Rom khimi na tea a ö te vi dy.

Angtawtha 28:25

Pawlae thui pyng te kätü-a Judae khimi na lä äma ce tingtawi ae-e kha vawi ö vi dy. Pawlae kangkhüng-a thui saite älo lä, “Buisaw Isaia hai nang ma ce üng kangsi na tea Muilaw Käcai ma thui te lä tätang khaw vi.

Angtawtha 7:2

Stephen ma “By jä-ai hai, Ä-ai ce ä, tängai ö. Mä-ai üng pä-ai Abraham lä Haran märü-a, awng y te kälang-a, Mesopotamia pre-a awng te thüng-a ma, phung-ang hai awng saite Säthaw lä äni maw-a aetüng te vi dy.

1 Piter 1:11

Äni ce lä yng saite na bung Säthaw aeqang ai näte kätü mäny hethang aethawsa kha aetu ö te vi dy. Äni ce thung-a awng saite Khrista üng Muilaw lä äma üng mätang bälai saite hai phung-ang phüng thui rüng pa te vi dy. Honi lä Muilaw Käcai ma äni ce tea thui saite kätü vi dy.

2 Piter 1:21

Ämi buisaw la äma üng aely kängai kätyng thui te y. Honi jüng-a Muilaw Käcai ma äni ce tea pyng kha Säthaw üng thui hai hethang ngai saite lo na tea äni ce lä thui ö te vi dy.

2 Piter 2:21

Äni ce lä älang käcüng tea mäny y dylä, hawiky te vi. Säthaw üng älang mäny pyng-a, äma üng äkähui na ma mätu saite caiping te särilo käcai khaisö haile vi dylä, äni ce lä tähang siky ö te vi.