3 Johan 1:8 - Caekäcai Kangthae (Lemi)

⁸ Tukätephüng-a mä-ai Khristen na ma honi khimi na tea lä säbawng ö hethang kae. Hokä dylä mä-ai lä lo mitang thui saite kälu-a mangtä qa ö te by vi.

Asang Khongso New Testament

⁸ Topongah anihcae ih loktang lok thungah toksak hae tok ka sah haih bomkung ah oh hanah aicae Khrihcanawk mah doeh hibatih kaminawk hae loa abom han oh.

3 Johan 1:8 ပူးပေါင်းရင်းမြစ်များ

Mathai 10:14

Märü haetä, vang haetä üng khimi na ma nang ce bung lady y dylä, nang ce üng lo tängai y dylä, äni ce te üng tho te kätü-a nang ma ce üng khodi na täkhy pa öng. Hini lä Säthaw ma tärae cei ai näte sämai nae vi.

Mathai 10:40

“Nang ce bung lady saite khimi la kai bung lady te kätyng by kae dy. Kai bung lady saite khimi lä kai tea ma qaitä lady te cang y kai bung mätaw saite Säthaw tea lady te by kae dy.

Luka 11:7

Äni üng rawijae ma ‘Kai tea xhu hang. Ing kätho la aekhae pyng te vi dy. Kai üng caw na la i pang ö vi dy. Tukätephüng-a kai lä aetha kha nang tähang äte raca la py haw y dy’ näkha thui vi ai.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

2 Korin 8:23

Tita lä kai üng kängby jä-ai kähawi vi. Äni lä nang ce tea säbawng hethang kai hai mangtä kälu sa te vi. Äni hai mangtä hui saite kängby jä-ai kälang lawng netä lä kangkawng na üng khimi na ma re kha mätaw hawi saite vi. Äni ce lä Khrista üng phung-ang tähang kälu sa ö te vi.

Filipi 4:3

Honi qawng-a cang y, kai üng ae-yky saite äpy ä, nang la honi nawngmädi ni tea säbawng pa jo ba. Änini lä khimi ce tea Angthang Kähawi thui hethang tähang kai hai mangtä aethawsa bärai hawi saite ni vi. Klement hai kai hai mangtä kälu sa saite äpy kälang na la qa ö by vi. Dungtäsa hing saite na üng ämüng tärü saite Säthaw üng cae-u thung-a äni ce üng ämüng la qa ö te vi.

Kolosa 4:11

Justus näkha mäthi saite Isu la nang ce tea cibai sa te lo thui by. Äni ce lawng thungtä lä Säthaw üng kälu tea kai hai mangtä sa saite Judae khimi na vi. Äni ce phüng-a kai lä aethaw dang bärai te vi.

1 Thesalon 3:2

Hi-a kai ce awng te thüng-a, mä-ai üng kangby Timothe bung nang ce tea kai ce lä mätaw te vi dy. Äni lä Khrista üng Angthang Kähawi thui tea kai ce hai mangtä Säthaw üng kälu sa te vi. Nang ce üng yng saite na tea säbawng hethang hai aethaw py hethang äni bung kai ce ma mätaw te vi.

Filemon 1:2

Mä-ai üng ticaw kätyng awng saite Aphi hai mä-ai hai mangtä täre tea aety saite Akhipa hai nang üng ing-a aekäcö saite Khristen kangkawng tea la kai ni cae tärü te vi dy.

Filemon 1:24

Kai hai kälu sa saite äpy na Marka, Aristaku, Dema hai Luka ce ma la nang tea aedawng ö te by vi.

3 Johan 1:10

Tukätephüng-a kai ly te kätü-a, äni üng sa saite na lä kangkawng üng khimi na üng maw-a kai ma thui mäcai ai mang. Äni lä kai ce üng phüng na tea käsi prawng kha thui te vi. Honi qawng-a cang y, äni lä Khristen äpy na tyng te kätü-a la, lady y. Lady hethang ngai saite khimi na tea la mäkhang pa te vi. Äni ce bung la kangkawng üng mäthoja pa ö te vi.

3 Johan 1:7

Äni ce lä Khrista üng mawsawng sa hethang khölawng tho ö vi dy. Säthaw bung mäny y te khimi na te üng säbawng saite dang hethang äte la mäkai ö te y.

3 Johan 1:9

Kai lä nang ce märü-a awng saite Khristen kangkawng tea cae tärü vai vi dy. Tungaila Diotrephes lä kai üng thui saite lo tea tängai te y. Äni lä äma qaitä kangkawng üng mätawngky sa hethang ngai te vi.