3 Johan 1:11 - Caekäcai Kangthae (Lemi)

¹¹ Kai üng bälung aevaw saite äpy ä, hawi y sa saite khimi na üng kätyng täthei-a lä aetu hang. Tungaila kähawi sa saite khimi kätyng täthei-a lä aetu ba. Kähawi sa saite lawngtä lä Säthaw üng caw nade vi. Kähawi y sa saite lawngtä lä Säthaw bung mäny te y.

Asang Khongso New Testament

¹¹ Ka palung ih ampuinawk, kahoih ai hmuen to kuu la o hmah aloa kahoih hmuen to kuu la oah. Ami doeh hmuen kahoih ka sah loa Sithaw kami ah oh moa ami doeh hmuen kahoih ai ka sahnawk boih loa Sithaw to hnuh o ai.

3 Johan 1:11 ပူးပေါင်းရင်းမြစ်များ

Johan 10:27

Kai üng beram na lä Kai üng ätüng tängai vi. Kai lä äni ce bung mäny kha äni ce la Kai leithung hui ö te vi.

Johan 12:26

Kai üng mawsawng sa he ngai dylä kai leithung hui hethang kae. Kai awng te mityng-a lä kai üng mawsawng la awng by ai. Kai üng mawsawng na tea lä, Kai üng Pä-ai ma tämö mäsang vi ai.

Johan 3:20

Hunghö sa saite khimi angxynlyng na lä kaevang tea esäre ö te vi. Äma ce üng hawi y sa te na aetüng y hethang äni ce lä kaevang teng-a ly he ngai y.

1 Korin 11:1

Kai lä Khrista tea aetu nae-a khai te kätyng, nang ce la kai tea aetu nae kätyng khai ö.

1 Korin 4:16

Tukätephüng-a kai kätyng täthei nang ce la sa ö hethang kai lä nang ce tea aesi aebai hethang ngai te vi.

Ephesi 5:1

Nang ce lä Säthaw ma bälung aevaw bärai saite äma üng caw nade na vi te phüng-a, äma kätyng täthei-a awng hethang aethawsa ö.

Filipi 3:17

Kai üng kangby jä-ai na ä, nang ce lä kai kätyng täthei-a sa ö jawjaw jo. Kai ce mätü te täthei hui saite na tea lä kähawi-a kheng ö khü.

1 Thesalon 1:6

Nang ce lä Areng Isu hai kai ce ma sa te täthei-a sa ö te vi dy. Nang ce lä tengxyng y mätang bälai te aeting ngaila, Muilaw Käcai te üng anghawtho saite hai-a Angthang Kähawi tea yng ö te vi dy.

1 Thesalon 2:14

Yng saite kangby jä-ai na ä, nang ce lä Judae khö-a Säthaw üng kangkawng na, Isu Khrista üng khimi na täthei-a awng ö te vi dy. Nang ce tea lä nang ma ce pre üng khimi na ma mätangca-a sakälö khü ö te vi. Hini kätyng-a Judae khimi na ma Judae khö-a Säthaw üng kangkawng na tea sakälö khü ö pyng te by vi.

2 Timote 3:10

Tungaila khimi ce tea kai ma mätu saite na nang lä kähawi-a mäny te vi. Nang lä kai üng awng saite na, mawlang tähang kaedawng saite, yng saite, änawngsa saite, bälung aevaw saite hai mätang bälaica pyng saite angxynlyng na mäny te vi dy.

Hebrai 6:12

Kai ce lä nang ce tea aethawli hai hethang ngai te y lyng. Khrista tea yng kha khung saite khimi na kätyng awng hai hethang hai Säthaw üng aedo saite lo na tea dang hai ö hethang ngai te vi.

1 Piter 3:11

Nang ce lä käsi sa jawjaw y käla kähawi sa ö hethang kae. Nang ce lä lawng lawngtä awngneng hethang aethawsa he kae.

1 Piter 3:13

Nang ce ma kähawi sa hethang ngai dylä, ämi la nang ce tea mätang bälai saite py y lyng.

1 Johan 2:29

Khrista lä cüng vi näsaite tea nang ce lä mäny ö vi. Tukätephüng-a kätüng-a sa saite khimi angxynlyng na lä äni üng caw nade na näte nang ce lä mäny ö haw te vi.

1 Johan 3:10

Tukätephüng-a Säthaw üng caw nade na hai Setan angra üng caw nade na näte tea lä hini kätyng-a mäny haw ö vi. Kätüng sa y saite khimi na, yng saite rawijae na tea bälung aevaw y saite na lä Säthaw üng caw nade na y lyng.

1 Johan 4:1

Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.