2 Timote 4:8 - Caekäcai Kangthae (Lemi)

⁸ Kai lä kawng te hai äni üng lo tängai te phüng-a vaihi Säthaw ma kai tähang ävang käting khai rüng pa vi dy. Khimi angxynlyng na tea kätüng-a tärae cei saite Areng lä äma ly haile te honi Käni-a lä kai tea hini ävang käting py ai. Kai ma qaitä tea py hethang kae y. Äma ly haile te kätü tea aethang khai te hai aering saite khimi angxynlyng na tea la ävang käting py pa ö by ai.

Asang Khongso New Testament

⁸ Vaihi loa katoeng ah lokcaekkung Angraeng Sithaw mah katoeng ah suek ih kaminawk hanah ato Ni ah kai ang paek hanih pazawkhaih langrae mah ang zing boah. Ato loa kai han khueh aiah angmah amtuenghaih hanih amlunghaih hoiah ka zing kaminawk boiboih hanah doeh ni.

2 Timote 4:8 ပူးပေါင်းရင်းမြစ်များ

Mathai 24:36

“Honi kätü hai käni lä mani tyng ai mei näte ämi la mäny y. Känipre üng angtawtha na la mäny y. Äcäpaw la mäny y. Pä-ai lawngtä xyng ni mäny haw te kae vi.

Mathai 7:22

Säthaw ma khimi angxynlyng na tea tärae cei te kätü-a, khimipui na ma ‘Areng ä, Areng ä, Nang üng Ämüng hai-a Säthaw üng Angthang kai ce lä thui ö vi dy. Nang üng Ämüng hai kai ce lä kamarae na awng mang-a sa te hai khimi ce te üng angra na tea mätho vi dy’ näkha thui ö vi ai.

Luka 10:12

Kai lo tängai ö. Säthaw lä khimi ce tea tärae cei saite käni-a honi märü lä Sodom märü qawng-a cang y dengpy vi ai rawng” näpa.

Pawlae ma Rom märü üng kangkawng tähang tärü saite cae 2:5

Tungaila nang lä bälung tangkö kha ae-ui y. Tukätephüng-a Säthaw üng kädawtho phi saite hai kätüng khaw tärae cei saite mätü te käni-a lä Äni ma nang tea tengxyng y dengpy ai.

Pawlae ma Rom märü üng kangkawng tähang tärü saite cae 8:23

Säthaw üng sa saite qaitä hangsung te cang y, Säthaw lä äma angcü üng lasawng kätyng Muilaw Käcai mä-ai tea py kha mä-ai la reng ö te by vi. Säthaw lä mä-ai bung äma üng caw nade na-a mäthi kha äma üng älo aedo te kätyng mä-ai üng ätabung kangthae py hethang mä-ai lä aering ö te vi.

1 Korin 2:9

Tungaila Caekäcai thung-a, “Säthaw tea bälung aevaw saite khimi na tähang cangxei saite na jangni üng hai ma Äni lä sa rüng pyng vi dy. Honi na tea lä ämi la nung y kha honi na phüng ämi la thai ö y dy. Honi phüng ämi la dawng vai ö y vi dy” näkha tärü te vi.

1 Korin 3:13

Isu Khrista ly haile te kätü-a, äni lä Säthaw ma py saite kälu tea, mä-ai lä kähawi-a sa mei, sa y mei näte mätü king vi ai. Honi käni-a, Khrista lä khimi qütä na üng kälu tea mai hai mäcae kha honi kälu lä ävang ting mei, ting y mei näte mätü vi ai.

1 Korin 9:25

Aepreng saite thung-a qa saite khimi na lä äma ce tea mityng qütä-a aeküng ö. Äni ce lä bäja hethang hai pra saite ävang dang hethang aethawsa ö te vi. Tungaila mä-ai lä dungtäsa awng jawjaw saite ävang dang hethang aethawsa ö te vi.

2 Korin 5:2

Mä-ai lä hini taipung-a tänaetä awng te thüng-a, Känipre üng ing-a awng hethang aedawng kha anghawtho y te hai thui ö te vi.

Filipi 3:11

Tukä ea ni Säthaw ma kai bung kädü thung üng mätha haile tyng ai näkha kai lä aedawng te vi.

Kolosa 1:5

Lo mitang khaw te Angthang Kähawi lä nang ce tea kangmang-a tyng te phüng-a, honi Angthang Kähawi üng py te aethang khai saite phüng tea nang ce lä thai ö te phüng-a, kai ni lä anghawtho hawi dy. Tukätephüng-a khösang mang-a nang ce tähang khai saite aethang khai te tea nang ma ce üng yng saite hai, bälung aevaw saite lä tyng te vi dy.

1 Thesalon 1:10

Tukha nang ce lä Säthaw ma kädü thung üng mätha haile pa saite Äcäpaw Isu Khrista lä Känipre mang üng cäqa haile tyng ai te tea aering hethang phüng khimi qütä ma thui ö vi dy. Isu Khrista ly haile tea lä Säthaw üng kädawtho saite thung üng mä-ai bung Äni ma aelawi hai pa vi ai.

1 Thesalon 5:4

Tungaila yng saite kangby jä-ai na ä, nang ce lä käving hai aesui ö te y. Tukätephüng-a theru kätyng Isu ly te käni-a, nang ce lä cangxei ö y ai.

2 Thesalon 2:8

Honi pyng-a Ubädi tea elekhei sa saite Kung lä tho ai. Tungaila Areng Isu ly haile be te kätü-a lä, särilo haetä hai Ubädi tea elekhei sa saite Kung tea täphra vi ai. Tukha Isu lä phung-ang hai ly kha Ubädi tea elekhei sa saite Kung tea haidae awng y king hethang sa pa vi ai.

1 Timote 6:19

Hini kätyng äni ce lä äma ce üng mawlang tähang vyngsai na mätung ö ai. Hini na lä äma ce üng hing hai hethang cakhi saite langdüng vi. Tudylä äni ce lä hing saite tätang dang haw ö vi ai.

2 Timote 1:10

Vaihi Säthaw lä hini tähang kähawi mä-ai tea caiping-a täphawng hai pyng te vi dy. Mä-ai üng Aeqangkung Isu Khrista lä hi älawngpre-a ly kha mä-ai bung aeqang te phüng tea mätü te vi. Äni lä kädü mi tea täphra kha dungtäsa hing hethang Angthang Kähawi hai-a mä-ai tea täphawng te vi dy.

2 Timote 1:12

Tukätephüng-a kai lä thawng thung-a mätang bälai saite na aeting jawjaw vi. Tungaila kai lä aejae y lyng. Ätephüng-a mei nädylä kai ma yng saite Khrista bung kai lä mäny te phüng-a vi. Khrista lä äma ly haile te Käni khytä kai tea a saite Angthang Kähawi tea aedung hai haw ai näte kai lä ae-y khü te vi.

2 Timote 1:18

Tärae cei saite Käni-a lä Areng ma Onesiphora tea lä bäheng sy. Ephesi märü-a äni lä kai tea makä tangtä säbawng mei näte nang lä kähawi-a mäny khe te vi.

2 Timote 2:5

Honi kätyng-a, khimi lawngtä lä aehui te pawi-a qa dylä, honi aehui saite pawi üng älang na tängai y dylä, äni lä bäja saite ävang käting dang haw y lyng.

2 Timote 4:1

Säthaw hai Isu Khrista üng maw-a, kai lä nang tea mäci te dy. Isu Khrista lä Sanphrang kätyng pre pyng hethang ly haile tyng te kätü-a lä, hing saite khimi na hai dü saite hai khimi na tea tärae cei ai.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Hebrai 12:11

Mä-ai tea pring te kätü-a, mä-ai lä bälungsi hai ö te vi. Anghaw la tho haw ö y lyng. Tungaila ämaw mang üng pring te tea khung saite khimi na tea lä cüng saite hai awngneng saite dang ö te vi dy.

Hebrai 9:28

Honi kätyng täthei Khrista lä khimi awng mang te na üng hunghö na tea mäcai hethang äma tea äma löci mawi kätyng-a qengtä aesa pa vi dy. Äni lä äbaeni tyng haile tyng vi ai. Honi kätü-a äni lä khimi ce üng hunghö na hai aesui kha äte la sa pa y dy lyng. Tungaila äni tea aering saite na bung lä äni ma aeqang pa vi ai mang.

Jako 1:12

Khimi lawngtä lä the saite hai käny saite aeting te kätü-a, äni üng yng saite cakhi dylä, äni lä anghawtho haw vi. Ätephüng-a mei nädylä Säthaw ma honi na tea bäja pyng saite khimi bung lä ävang käting dungtäsa hing saite py ai. Säthaw lä äma tea bälung aevaw saite khimi na tea lä ävang käting dungtäsa hing saite py hethang älo aedo te vi.

1 Piter 1:4

Säthaw ma mä-ai tähang lä Känipre ingthawng khai pa te vi dy. Honi lä pra haw y, täphra haw y, la ja haw y.

1 Piter 5:4

Beram rui te kung kälengky Khrista ly haile te kätü-a, nang ce lä phung-ang leng bärai saite ävang käting dang ö ai. Hini üng ang saite lä manila aemai y vi ai.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.

Lokphong 19:11

Tupyng-a Känipre aepä-awng te tea kai lä nung kha ho-a lä Cäphö Kanglung metä awng vi. Honi qawng-a aedang saite üng ämüng lä Yng cakhi saite hai lo mitang vi. Äni üng tärae cei te hai täre tea aety saite na lä tüngkhaw vi.

Lokphong 2:10

Nang ce üng mätang bälai tyng hethang awng saite tea lä ri ö hang. Tängai ö. Setan angra ma nang ce thung üng phütä na tea lä thawng thung-a kädephae te hai-a käny ö ai. Nang ce lä käni hawtä mätang bälai saite aeting ö ai. Dü te khytä yng te ca ö khi ba. Tudylä nang ce tea dungtäsa hing saite sanphrang üng lökhu kätyng ävang käting kai ma py ai.

Lokphong 22:20

Hini na tea thui saite Kung lä, “Qae y tea ma kai ly tätang ai” nä vi. Hini kätyng sy. Areng Isu ä, ly lawi mai ba.

Lokphong 4:10

Honi hing saite na lä Säthaw tea bälaw saite qütä, mätawngky lawng kuisy bälitä ma areng aety nae qawng-a aety saite dungtäsa hing saite Kung üng maw-a khokhö didü ea aebo kha cäphaw ö vi dy. Äni ce lä areng aety nae maw-a äma ce üng Areng lökhu na khai ö vi dy.

Lokphong 4:4

Aety nae kälang kuisy bälitä lä honi Areng aety nae tea sävenglü vi dy. Hini aety nae na qawng-a lä mätawngky lawng kuisy bälitä lä aety ö qi vi dy. Äni ce lä kä-o kanglung na aelawng kha äni ce üng älö-a lä sui lökhu na aekhu ö qi vi.