2 Timote 4:5 - Caekäcai Kangthae (Lemi)

⁵ Tungaila, Timothe ä, nang ma tea nang ma kätü qütä aeküng hethang kae. Mätang bälai te kätü-a, nang lä änawngsa ba. Angthang Kähawi thui ba. Säthaw ma py saite kälu angxynlyng na tea nang lä sa king ba.

Asang Khongso New Testament

⁵ To-e nang loa kawbatih ahmuenh hoi atue na-ah doeh nangmah hoi nangmah to anguk rat thaih hanah zom ah; patang khanghaih to pauep ah, Tamthang Kahoih taphong ih tok sah ah, Sithaw ih tamtoeh batih toengah toksak hanih paek ih boih to sah king ah.

2 Timote 4:5 ပူးပေါင်းရင်းမြစ်များ

Mathai 25:16

Sui phawisae sang bangtä dang saite mawsawng lä kaepai sa hai praw kha sui phawisae sang bangtä aepu hai rae pa dy.

Marka 13:34

Hini lä khölawng hanglaw-a ly ja saite khimi lawngtä hai aetawng vi. Äni lä äma üng ing bung äma üng mawsawng käleng na tea a pa. Sa hethang kälu haetä ta mawsawng na tea py qi pa dy. Hawngkhae ty saite kung tea lä kähawi-a aering hethang älo täru khi pa dy.

Marka 13:37

Nang ce tea kai thui te kätyng, khimi angxynlyng na tea la thui te by kae dy. Kähawi-a aering ö ba” näkha näpa.

Luka 12:37

Ingkung tyng haile te kätü-a äni üng mawsawng na lä i y käla aering te ingkung ma nung dylä honi mawsawng na lä tähang hawi ö dy. Tängai ö. Ingkung lä äma üng mawsawng lawngtä tea nitha na mäna hai kha äni üng mawsawng na tea bö aw hai ea bö mäcaw pa vi ai.

Angtawtha 21:8

Kädang mang-a lä, khölawng tho kha Kesari märü-a tyng ea kai ce lä Angthang Kähawi thui pa saite Philip ing-a aehae ö vi. Jangni-a Jerusalem kangkawng thung-a, lömai na tea säbawng hethang khimi lawng täjaetä re ea Philip la qa by vi.

Ephesi 4:11

Hini Areng lä äma üng kangkawng na tea sakaw saite cawngkhang na py pa te vi. Äni lä khimi phütä na tea angtawtha na-a lawng hethang sakaw saite na py kha kälang phütä na tea lä buisaw na-a lawng hethang sakaw saite na py pa te by vi. Phütä na tea lä Angthang Kähawi thui hethang sakaw saite na py pa te vi. Kälang phütä na tea lä yng saite na bung rui kha mätu hethang sakaw saite na py pa vi dy.

Ephesi 4:12

Khrista ma hini kätyng sakaw saite na py te lä Säthaw üng khimi na tea äma tähang kälu sa hethang aerü rüng hai te vi. Tudylä Khrista üng ätabung lawng saite Säthaw üng kangkawng angxynlyng na lä aethaw awng kha ryng ö rae vi ai.

Kolosa 1:25

Säthaw lä kai bung äma üng lo cungrü hai hethang, nang ce tea äma üng Angthang Kähawi thui hai hethang mätaw te vi. Tukätephüng-a kai lä kangkawng üng mawsawng lawng te vi dy.

Kolosa 4:17

Nang ce ma Akhipa tea, “Areng ma ae-y kha sa hethang py saite kälu tea lä khüng king rung khytä sa he kae” näkha thui pa ö ba.

1 Thesalon 5:6

Tukätephüng-a mä-ai lä khimi kälang na kätyng i rawng ö hang lawi. Hini jüng-a, mä-ai lä mä-ai ma tea bälung aepä-üng kha canglailing-a awng ö si.

1 Timote 4:12

Nang lä khösäning na te phüng-a, ämi ma la mäthi y te awng hang sy ba. Nang lä älo aepe saite, hing saite, khimi kälang na tea bälung aevaw saite, yng saite, sa tämang y käla awng saite hai yng saite khimi na tähang aetu hai nae lawng sy ba.

1 Timote 4:15

Hini kai tärü saite na aethaw aela kha sa ba. Honi na tea nang lä tängai khü ba. Tudylä khimi qütä ma nang üng ryng saite yng te tea nung haw ai.

2 Timote 1:8

Tukätephüng-a mä-ai üng Areng Isu phüng khimi ce tea thui hethang aejae hang ba. Äni üng tähang thawng thung-a pä-ung saite kai tähang la aejae hang. Angthang Kähawi tähang mätang bälaica saite thung-a kai hai mangtä mätang hethang awng rüng ba. Säthaw lä nang tea haidae py ai mang.

2 Timote 2:10

Tukätephüng-a Säthaw ma re saite khimi na üng yng hethang tähang kai lä mätang bälai te angxynlyng na tea khung jawjaw te vi. Honi hai-a khimi ce lä Isu Khrista tea yng kha dungtäsa phung-ang hai aeqang saite dang haw ö ai.

2 Timote 2:3

Nang lä Isu Khrista üng reisae kähawi lawngtä kätyng kai ce hai mangtä mätang bälai hai jo ba.

2 Timote 4:17

Tungaila Areng Isu lä kai äteng-a mangtä awng hai kha aethaw py te vi dy. Tukätephüng-a Khrista üng Angthang Kähawi tea honi mityng-a awng saite ceng kälang khimi angxynlyng na thai hethang kai lä thui king haw vi dy. Khrista ma kai bung lä kädü khaw üng aeqang pa te vi dy.

Hebrai 13:17

Nang ma ce üng mätawngky na älo tea lä tängai ö ba. Äni ce thui saite na kätyng sa ö. Äni ce lä nang ce üng bälung na tea aehae y käla rui khü ö te vi. Ätephüng-a mei nädylä, äni ce lä äma ce üng kälu na phüng Säthaw tea thui hethang kae ö te vi. Nang ce lä äni ce üng älo tea tängai dylä, äni ce lä äma ce kälu tea anghawtho te hai sa ö ai. Tungaila nang ce ma tängai y dylä, äni ce lä bälungsi saite hai kälu sa ö ai. Honi lä nang ce üng tähang äte la ävang ting y lyng.

1 Piter 1:13

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

Lokphong 3:2

I aelaw ö lawi. Nang ce üng aethaw äje cäcaw awng saite tea lä awng rae hethang aethawsa ö ba. Nang ce hokä sa y dylä, Säthaw ma py saite nang ce üng aethaw lä dü ö ai. Nang ce sa saite kälu na Säthaw üng maw-a lä cungrü y te kai lä nung vi.