2 Timote 4:1 - Caekäcai Kangthae (Lemi)

¹ Säthaw hai Isu Khrista üng maw-a, kai lä nang tea mäci te dy. Isu Khrista lä Sanphrang kätyng pre pyng hethang ly haile tyng te kätü-a lä, hing saite khimi na hai dü saite hai khimi na tea tärae cei ai.

Asang Khongso New Testament

¹ Kami kadueh hoi kahing lokcaekkung Khrih Jesuh hoi Sithaw hma-ah kana dakah kang pacae; kawmawtiah Khrih loa Sangpahrang batiah uk hanah angzo tih.

2 Timote 4:1 ပူးပေါင်းရင်းမြစ်များ

Mathai 16:27

Kai, Khimi üng Cäpaw, lä Äpä-ai üng phung-ang hai Säthaw üng angtawtha käcai na hai mangtä ly vi ai. Honi kätü-a khimi angxynlyng na äma ce sa te kätyng ävang py pa vi ai.

Luka 19:12

Isu ma “Tawngmang lawngtä lä khölawng kähanglaw-a ly hethang aerü vi dy. Äni tea lä sanphrang kälengky ma äma mityng üng sanphrang-a sa hai pa te vi. Tupyng-a äni lä äma üng mityng-a vawi haile hethang kae te vi.

Luka 19:15

“Tungaila hini khimi känang lä sanphrang aelawng kha äma üng pre-a vawi haile tyng vi dy. Tupyng-a äni lä äma üng tangkae py qi saite mawsawng lawng hawtä na bung ka dy. Äni lä äni ce tangkae hai mälaw kha majetä mawcawng ö mei näte mäny hethang ngai te vi.

Luka 23:42

Tupyng-a äni ma “Isu ä, Nang üng pre thung-a nang tyng te kätü-a lä, kai tea la bäheng kü jo ba” näpa.

Angtawtha 10:42

Kai ce ma nung khe saite hini na khimi ce tea thui hethang mätaw te vi. Säthaw ma Isu bung hing saite hai, dü saite khimi na tea tärae cei kha Areng-a awng hai hethang re pa te phüng-a, mä-ai lä honi phüng thui hethang kae te vi.

Angtawtha 17:31

Ätephüng-a mei nädylä, Säthaw ma re saite Areng hai-a, älawngpre üng khimi angxynlyng na tea kätüng-a, tärae cei saite kätü lä khai pa pyng te vi dy. Honi kätyng sa hethang, Isu bung kädü thung üng mätha haile te hai-a, khimi angxynlyng na tea sasi mätü te vi dy” näkha näpa.

Pawlae ma Rom märü üng kangkawng tähang tärü saite cae 2:16

Tudylä kai ma thui saite Angthang Kähawi kätyng Säthaw lä Isu Khrista hai-a khimi ce üng kangru-a dawng saite na tea tärae cei te Käni lä hini kä tyng vi ai.

Kolosa 3:4

Nang ce üng hing saite langdüng lä Khrista vi. Äni lä älawngpre-a ly haile te kätü-a, nang ce la äni üng phung-ang dang kha äni hai mangtä tho ö by ai.

2 Thesalon 2:8

Honi pyng-a Ubädi tea elekhei sa saite Kung lä tho ai. Tungaila Areng Isu ly haile be te kätü-a lä, särilo haetä hai Ubädi tea elekhei sa saite Kung tea täphra vi ai. Tukha Isu lä phung-ang hai ly kha Ubädi tea elekhei sa saite Kung tea haidae awng y king hethang sa pa vi ai.

1 Timote 5:21

Säthaw üng maw-a, Isu Khrista hai re saite Känipre üng angtawtha na üng maw-a, hini täru saite lo na tea täphü te awng y hethang hai, mimai kheng y hethang kai lä nang tea särilo hai thui khü te vi.

2 Timote 1:10

Vaihi Säthaw lä hini tähang kähawi mä-ai tea caiping-a täphawng hai pyng te vi dy. Mä-ai üng Aeqangkung Isu Khrista lä hi älawngpre-a ly kha mä-ai bung aeqang te phüng tea mätü te vi. Äni lä kädü mi tea täphra kha dungtäsa hing hethang Angthang Kähawi hai-a mä-ai tea täphawng te vi dy.

2 Timote 2:14

Hini mätu saite na yng te khimi na tea aedawng haile hethang thui pa. Älo älawngsai na phüng lawngtä hai lawngtä ae-e y hethang Säthaw üng maw-a äni ce tea sädi py pa ba. Honi ae-e saite lä aetütü kae. Tängai saite khimi na üng yng te tea täphra hai xyng te kae vi.

2 Timote 4:18

Areng lä kai bung khimi ce üng käsi sa te angxynlyng na thung üng aelawi hai pa ai. Äni lä äma üng pyng saite Känipre-a kai bung kähawi-a nähai ai. Äni tea mä-ai lä cäphaw kha dungtäsa bälaw ö khü si. Amen.

2 Timote 4:8

Kai lä kawng te hai äni üng lo tängai te phüng-a vaihi Säthaw ma kai tähang ävang käting khai rüng pa vi dy. Khimi angxynlyng na tea kätüng-a tärae cei saite Areng lä äma ly haile te honi Käni-a lä kai tea hini ävang käting py ai. Kai ma qaitä tea py hethang kae y. Äma ly haile te kätü tea aethang khai te hai aering saite khimi angxynlyng na tea la ävang käting py pa ö by ai.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

1 Piter 1:7

Hini käny saite na lä nang ce üng yng saite tätang vi näte tea mätü ai. Khimi ce lä pra haw saite sui tea mäteng ma mai hai säny kha mäcai ö te vi. Nang ce üng yng saite lä hini sui qawng-a ävang tingky te vi. Tukätephüng-a nang ce üng yng saite lä mätang bälai te hai-a käny dylä, nang ce üng yng saite lä cakhi ö vi ai. Nang ce lä hini kätyng yng dylä, Isu Khrista ly haile te kätü-a Säthaw ma nang ce tea bälaw vi ai. Tukha äni lä nang ce tea phung-ang hai tämö käleng khai saite na py vi ai.

1 Piter 4:5

Tungaila äni ce lä dü saite hai hing saite khimi angxynlyng na tea tärae cei hethang awng rüng saite Säthaw tea äma ce üng hing saite phüng lä thui hethang kae ö vi ai.

1 Piter 5:4

Beram rui te kung kälengky Khrista ly haile te kätü-a, nang ce lä phung-ang leng bärai saite ävang käting dang ö ai. Hini üng ang saite lä manila aemai y vi ai.

2 Piter 1:11

Säthaw lä nang ce tea mä-ai üng Aeqangkung Areng Isu Khrista üng dungtäsa pre thung-a kähawi-a lady vi ai.

2 Piter 1:17

Mä-ai üng Pä-ai Säthaw lä Isu tea tämö khai saite hai phung-ang py te vi. Äte angxynlyng na qawng-a lengky saite Säthaw ma Känipre mang üng ätüng hai-a, “Hini lä Kai ma bälung aevaw saite Kai üng Cäpaw vi. Äni lä kai tea anghawtho hai te vi” näkha thui te kätü-a kai ce lä awng ö te vi dy.

1 Johan 2:28

Kai üng bälung aevaw saite caw nade na ä, Khrista hai bungtä awng jawjaw ö ba. Hokä dylä Khrista ly haile tyng te käni-a, mä-ai lä äni üng maw-a ri hethang hai saerae hethang la ngai y dy lyng.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.