2 Timote 3:8 - Caekäcai Kangthae (Lemi)

⁸ Jangni-a Janne hai Jambre ni ma Mosi tea elekhei sa hawi vi dy. Honi kätyng sa tämang saite khimi na lä älo mitang tea elekhei sa ö te by vi. Äni ce lä aedawng kaw y kha kätüng-a yng ö y vi dy.

Asang Khongso New Testament

⁸ Jannes hoi Jambres mah Mosi to lok a aek hoi batih toengah hi kaminawk mah doeh loktang lok to a aek o. Anihcae loa poekdawnhaih ih palungthin mah tok ka sah thai ai hoi taanghaih bangah ka krah kaminawk ni.

2 Timote 3:8 ပူးပေါင်းရင်းမြစ်များ

Lokphong 2:20

Tungaila kai lä nang ce tea hae haetä cy hethang awng vi. Jangni-a sanphrang üng nawngpui Jerebel hai aetawng saite nawngmädi käsi tea nang ce lä änawngsa ö te vi. Äni lä äma tea Säthaw üng buisaw nawngmädi-a aengang vi. Äni lä kai üng mawsawng na bung mimi na tea löci sa saite löci mawi na ca kha täkübäjang sa hai hethang mätu pa ö te vi.

1 Timote 6:5

Hini kätüng y mätu saite särae na lä äma ce tingtawi ae-e hethang ngai jawjaw kha tüng te, tüng y te tea mäny haw y saite khimi na vi dy. Äni ce lä Säthaw phüng mätu saite lä tangkae dang hethang älang haetä vi näkha aedawng ö te vi.

Titas 1:16

Äni ce lä täbawng mang Säthaw tea mäny vi näkha thui ngaila aeme aeqa saite hai lä Äni tea aephae ö te vi. Äni ce lä känyng hethang hawi saite na hai kähawi sakaw y saite na kae vi.

1 Johan 4:1

Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.

2 Piter 2:14

Äni ce lä nawngmädi na hai täkübäjang sa hethang xyng aedawng jawjaw ö te vi. Äni ce lä hunghö sa te tea manila mängae vai ö te y vi. Äni ce lä Khrista tea yng khi y saite khimi na tea hunghö mang-a bähawi pa ö te vi. Äni ce lä tengxyng y ae-aw tätang saite na lawng ö vi dy. Säthaw lä hini khimi ce tea täking te vi dy.

2 Timote 4:15

Nang la äni tea sädi khai ba. Mä-ai üng mätu saite lo angxynlyng na tea äni lä tengxyng y elekhei sa phüng-a vi.

Ephesi 4:14

Tupyng-a mä-ai lä nade na kätyng y lyng. Kaesyng y-a mätu saite hai kaeling kaemae sa saite na lä mä-ai tea the haw ö y dy. Mä-ai lä aeli pui hai tuileng ma bäja rungrang saite bälawng haetä kätyng y vi dy.

1 Timote 4:2

Honi khimi ce lä älo mitang mätu hethang käjüng aesa kha kaeling thui ö te kae. Khimi lawngtä lä süng käbi phi hai äma kö kang dylä sa pitui kha naw te aeny y vi dy. Honi kätyng äni ce la käsi kähawi mäny saite bälung awng ö y vi dy.

1 Timote 1:19

Nang lä käsi sa y näkha mäny te hai Khrista tea yng khi ba. Khimi phütä lä käsi kähawi mäny saite bälung tea khaisö ö te vi. Tukätephüng-a äni ce lä yng haw ö y vi dy.

Pawlae ma Rom märü üng kangkawng tähang tärü saite cae 16:18

Äni ce lä mä-ai üng Areng Isu Khrista üng kälu sa saite na ö y lyng. Äma ce üng ngai saite na tea dang hethang sa ö te kae. Äni ce lä älo käneng na, mäthaw saite älo na hai khimi bälung kähawi na tea kaeling kaemae sa ö te vi.

Lokphong 2:6

Tungaila hini lä nang ce üng kähawi sa saite vi. Kai lä Nikola üng äkähui na sa saite na tea esäre te kätyng nang ce la esäre ö te by vi.

1 Johan 2:18

Kai üng bälung aevaw saite caw nade na ä, kangkhüng üng kätü lä tyng vi ai dy. Khrista üng täre kälengky lä tyng ai näte tea nang ce lä thai ö pyng te vi dy. Vaihi la Khrista üng täre na lä awng mang-a tho rüng pyng te vi dy. Tukätephüng-a kangkhüngky üng kätü lä aenai vi näsaite tea mä-ai lä mäny ö te vi.

Titas 1:10

Ätephüng-a mei nädylä kangkawng üng mätawngky lo na tängai y saite na lä awng mang vi. Äni ce lä älo aetütü na thui rungrang te hai yng saite na tea tämang hai te vi. Yng saite khimi qütä na lä lengkhüng täke hethang kae näkha thui te khimi na thung-a awng ö ky te vi.

Pawlae ma Rom märü üng kangkawng tähang tärü saite cae 1:28

Hini khimi ce lä äma ce üng bälung thung-a, Säthaw üng phüng mänykaw saite tea aedawng haile he ngai ö te y vi. Tukätephüng-a Säthaw lä äni ce sa hethang kae y saite na sa hai he äni ce üng aetütü te bälung kaedawng na a pa vi dy.

Angtawtha 15:24

Kai ce thung üng khimi phütä na lä kai ce üng älo täru y ta ma nang ce tea ly kha mätangbälai py ea bälungbi saite lo na thui te phüng kai ce lä thai vi dy.