2 Timote 3:2 - Caekäcai Kangthae (Lemi)

² Khimi ce lä äma ce tea xyng hai äma ce üng tangkae tea bälung aevaw ö ai. Äni ce lä aethaw te hai bälungleng kha khimi ce phüng käsi thui ö ai. Änä-awi äpä-ai üng lo tängai ö y ai. Säbawng saite khimi na tea kawng te lo thui y te hai, Säthaw tea tämö khai ö y ai.

Asang Khongso New Testament

² Kami paroeai loa angmahcae taham khueh ka dawn kami, kaoeloe ka koeh kami, kam-oek kami, palungthin kasang kami, mi pacaekhlaek kami, amno ampa lok tahngai ai kami, kawnhaih ka panoek thaih ai kami, bokhaih bangah tidoeh ka sah ai kami ah om o tih;

2 Timote 3:2 ပူးပေါင်းရင်းမြစ်များ

Mathai 15:6

Khimi lawngtä hikä sa dylä, änä-awi ni äpä-ai tea tämö khai hethang ngai y dy. Honi kätyng-a nang ce lä nang mäce reitae bäjui hethang Säthaw üng särilo tea tängai ö y.

Luka 12:15

Tupyng-a Isu ma äni ce tea “Sädi khai ö. Ingthawng na tea bädö ö hang. Khimi lawng lawngtä lä ingthawng awng mang te phüng-a kawng anghawtho te hai hing sa y lyng” näpa.

Luka 16:14

Tangkae ngaiphi saite Pharisai na lä hini lo angxynlyng na thai kha Isu tea mänui hai pa ö dy.

Luka 6:35

Nang ce üng täre na tea bälung aevaw kha äni ce tea kähawi phai sa pa ö ba. Äni ce te üng ätete dang haile tyng hethang aedawng y käla ma aekhi ö. Tudylä nang ce lä ävang käleng dang kha Aesangky Säthaw üng caw na-a aelawng ö ai mang. Ätephüng-a mei nädylä, Säthaw lä äma üng säbawng te tea mänykaw y saite na hai käsi sa saite khimi na tea la bälung hawi khai te vi.

Angtawtha 5:36

Jangni-a Thuda näsaite lä Rom aecörae tea täphra hethang täre mäsa hai kha äma lä ‘Kai lä khimi mätawngky dy’ näkha thui te vi. Äni lä khimi lawng cungvai bälitä na bung käcö te vi. Reisae na ma äni bung bädü pyng ea lä leithung hui saite khimi na lä awng ö xhixae kha äni üng sa saite na lä la king pa vi dy.

Pawlae ma Rom märü üng kangkawng tähang tärü saite cae 11:18

Tudylä nang ce lä tängang te cangpre na kätyng saite Isrelae khimi na tea mäthi y sa ö hang. Nang ce lä makä sa kha aethaw haw ö ai mei. Nang ce lä cangpre haetä kätyng kae vi. Nang ce lä cangpre kae vi kha angjüng na tea aethaw py te y. Angjüng na ni nang ce tea aethaw py te kae vi.

2 Korin 5:15

Khrista lä khimi angxynlyng na tähang dü pa te vi dy. Tukätephüng-a hing saite kangthae dang te khimi angxynlyng na lä äma ce üng tähang hing hethang kae te y vi dy. Äni ce tähang dü pa saite hai Säthaw ma mäning haile tyng saite Areng üng tähang, hing pa hethang lä aeteng khaw ö te vi.

Filipi 2:21

Khimi qütä lä Isu Khrista üng tähang aely leng saite phüng dawng y käla ma äma ce üng tähang aely leng saite na phüng xyng ni dawng ö te kae vi.

Kolosa 3:5

Tudylä nang ce lä bädö saite bälung üng kängai-a hui ö hang ba. Täkübäjang sa saite na, cai y saite na, deirei saite na, ngaiphi tüng y sa hethang ngai saite na, ae-aw saite bälung na awng ö vi hang lawi. (Ae-aw saite bälung näte lä mimi tea cäphaw te kätyng by vi.)

2 Thesalon 2:4

Äni lä Säthaw tea elekhei sa kha khimi ce ma Säthaw näkha ka ea cäphaw saite angxynlyng tea mäsang vi ai. Tukätephüng-a äni lä Säthaw üng Ingkäcai thung-a mäteng ma aety kha äma tea Säthaw-a aemäthi ea khimi qütä tea thui pa vi ai.

1 Timote 1:20

Äni ce thung-a Humenai hai Alesanda ni la qa hawi te vi. Kai lä änini bung Setan angra üng kö thung-a a te vi dy. Honi hai-a Säthaw phüng änini ma käsi thui haw y hethang aetu hawi sy.

1 Timote 1:9

Säthaw lä khimi cüng saite na tähang Ubädi lä py te y näte mä-ai la mäny ö te by. Säthaw üng Ubädi tängai y saite khimi na, Säthaw tea elekhei saite khimi na, Säthaw tea tämö khai y saite khimi na, hunghö sa jawjaw saite khimi na, Säthaw kängai-a awng y saite khimi na hai Säthaw tea mäny hethang ngai y saite khimi na tähang lä Ubädi py te vi dy. Hini Ubädi lä äma ce üng nä-awi pä-ai na hai khimi kälang na tea bädü saite na, täkübäjang sa saite na, nawngmädi tingtawi, nawngmäcaw tingtawi mangtä i saite na, khimi ce bung ne kha mawsawng tangnae sa hai he khimi kälang na tea jaw saite na, kaeling lo thui saite na, älo mitang thui hethang äni ce aedo pyng saite kätü-a mäteng ma kaeling sa saite na, Säthaw phüng kätüng mätu te tea elekhei sa saite na tähang Säthaw lä Ubädi py te vi.

1 Timote 3:3

Äni lä Cäpje tui neipro hethang kae y. Aejaw aemang rungrang hethang y käla bälung kähawi awng te hai awng pü he kae. Tangkae tea ngai ngae he kae y.

1 Timote 6:10

Tangkae phawisae tea bälung aevaw te lä käsi angxynlyng na üng älangdüng vi. Khimi phütä na lä tangkae dang hethang ngai phi te phüng-a, äma ce yng saite na tea kädephae ö te vi. Äni ce lä mä-ai ma tea aeteng hai thung te kätyng nawphi rung khytä sa ö te vi.

1 Timote 6:4

Kätüng y mätu saite khimi na lä äte la mäny y käla bälung leng ö te vi. Äni ce lä ae-e hethang älo bälang na phüng aejaw aemang saite tea ngai ö xüng te vi. Honi älo na lä pä-e saite, ae-e saite, khimi ce phüng thui rungrang saite, khimi kälang na phüng käsi dawng saite, hai lawng lawngtä teng lei y te aekäsi saite na lawng ö te vi.

2 Timote 3:4

Äni ce lä äma ce rawijae na bung äma ce üng täre na tea a ö ai. Aedawng y käla sa rungrang te hai, khimi kälang na qawng-a hawiky näte aedawng ö ai. Säthaw tea bälung aevaw y käla äma ce üng ngaiphi tüng y saite tea bälung aevaw ö ky saite na vi.

Jako 2:8

Caekäcai thung-a awng saite lengky saite Sanphrang Säthaw üng Ubädi-a, “Nang ma tea nang ma bälung aevaw te kätyng nang üng kangby jä-ai tea bälung aevaw hethang kae” näkha thui te vi. Honi Ubädi tea nang ce tängai tätang dylä hawiky ö te vi.

Jako 4:16

Tungaila nang ce lä bälung aesang te hai aethaw ö te vi. Hini kä aethaw saite angxynlyng na lä sa tämang ö te vi dy.

Jako 4:6

Tungaila Säthaw ma mä-ai tea tähang kähawi py rae te vi. Tukätephüng-a Caekäcai-a, “Säthaw lä aethaw saite khimi na tea elekhei sa te vi. Tungaila aemäneng saite khimi na tea lä tähang kähawi py te vi” näkha thui vi.

1 Piter 5:5

Honi kätyng, nang ce anghyngli na ä, nang ma ce üng mätawngky na üng älo na tängai hethang kae. Nang ce lä bälung aemäneng kha awng ö. Caekäcai thung-a, “Säthaw lä aethaw saite khimi na tea elekhei sa te vi. Tungaila aemäneng saite khimi na tea lä tähang kähawi py te vi” näkha nä vi.

2 Piter 2:10

Äma ce üng ngaiphi tüng y saite mang-a hui saite na hai Säthaw üng aenae tea mäthi y saite na tea Äni lä tengxyng y dengpy khaw vi ai. Käjüng sa saite särae na lä ri y käla aethaw ö te vi. Äni ce lä Känipre üng phung-ang awng saite na tea mäteng ma mäthi y käla käsi thui vawng ö te vi.

2 Piter 2:12

Tungaila hini khimi na lä äma ce mänykaw y saite na tea käsi thui ö te vi. Äni ce lä aedawng kaw y kha ngaiphi tüng y saite bälung xyngtä awng saite tawngbawi kärai na kätyng vi. Äni ce aepeng te lä khimi ce ma ne kha bädü ö hethang xyng kae. Hini särae na bung lä tawngbawi na kätyng Säthaw ma bädü ö by vi ai.

2 Piter 2:18

Äni ce lä aethaw kha aetütü saite lo na aepe ö te vi. Äni ce lä mimi na bung khaisö kha tänaetä Khrista tea yng saite khimi na tea ngaiphi tüng y saite bälung hai-a hunghö sa hethang the pa ö te vi.

2 Piter 2:3

Hini särae na lä ae-aw te bälung awng ö vi ai. Äni ce lä äma ce sa saite cäkae na thui te hai-a nang ce te üng tangkae dang hethang aethawsa ö ai. Jangni-a ma Säthaw lä äni ce tea tärae cei hethang sa rüng pa te vi dy. Säthaw lä äni ce tea täphra hethang aering vi ai.

Judae 1:16

Hini khimi na lä bälung tangkö phi te hai khimi kälang na tea cy jawjaw ö vi. Äni ce lä aethaw kha äma ce üng ngaiphi tüng y saite na mang-a hui ö te vi. Äni ce lä äma ce üng aely kängai dang hethang khimi kälang na tea mäthaw ö vi.

Lokphong 13:1

Näka käleng lä pangle tui teng-a aedaw vi. Tupyng-a mawikäsi metä lä pangle thung üng tho te kai lä nung vi dy. Honi lä täki hawtä hai älö säritä awng vi. Honi üng täki qütä qawng-a lä areng lökhu aekhu ö qi vi. Hini üng älö qütä qawng-a lä Säthaw tea käsi prawng saite ämüng tärü ö qi vi dy.

Lokphong 16:11

Äni ce lä äma ce üng angvawi hai naw saite na phüng-a, Känipre üng Säthaw tea täking ö vi dy. Tungaila äni ce lä äma ce üng hunghö tea ae-ui ö te y vi.

Lokphong 16:21

Caw ni nibu cungvaitä tingtang li saite ri aeke käleng na lä käni khösang mang üng hai khimi ce qawng-a aerui ö pa vi dy. Äni ce lä ri aeke käleng na phüng-a, Säthaw tea täking ö vi dy. Ätephüng-a mei nädylä äni ce lä tengxyng y mätang bälai ö phi pa te phüng-a vi dy.

Lokphong 16:9

Khimi ce tea lä tengxyng y äkäbi hai-a kang kha äni ce lä hini mätang bälai saite na tea pyng saite Säthaw üng ämüng tea täking ö vi dy. Tungaila äni ce lä äma ce üng hunghö ae-ui ö y. Säthaw üng leng saite tea la bälaw ö te y vi.