2 Timote 1:7 - Caekäcai Kangthae (Lemi)

⁷ Säthaw lä mä-ai tea ri saite bälung py te y vi. Honi jüng-a haidae awng te bälung, bälung aevaw saite hai mä-ai ma tea aeküng saite bälung py te vi.

Asang Khongso New Testament

⁷ Kawmawtiah Sithaw mah aicae han ang paek ih Pakhra loa aicae hae misa kasae ah ang sah ai; a Pakhra mah loa tharahhaih, amlunghaih hoi aimah hoi aimah anguk thaihhaih ih hoiah ang koisak o lat.

2 Timote 1:7 ပူးပေါင်းရင်းမြစ်များ

Luka 10:19

Tängai ö, kai ma nang ce tea py saite aenae phüng-a nang ce lä bärui na, känitä-ai na qawng-a thaw ea la naw ö y lyng. Setan angra üng haidae angxynlyng na bäja hethang nang ce tea haidae py pyng te vi dy. Nang ce tea äte naw saite tyng hai y ai mang.

Luka 15:17

Tukha äni aedawng mäkhüng te kätü-a lä, ‘Üngai tea kälu sa nae angxynlyng na lä bö ca lei y ea, kai lä hi-a böjo aelang te hai ma dü pawpae ai dy be hi ly.

Luka 24:49

Üngai ma mätaw he aedo saite Muilaw Käcai bung nang ce tea kai mätaw ai mang. Tungaila Säthaw üng haidae nang ce dang y rytä lä hini Jerusalem märü-a aering ö re ba” näpa.

Luka 8:35

Khimi ce lä ha-a makäte mei näte na kheng hethang ly ö dy. Isu üng maw-a tyng te kätü-a, angra kung vai saite khimi lä bälung cüng haile kha kä-o aelawng ea Isu maw-a aety te nung ö dy. Tukha äni ce lä ri ö phi dy.

Johan 14:27

“Nang ce bälung awng derui saite Kai ma khai pa dy. Kai üng awngneng saite nang ce tea py dy. Älawng üng khimi na lä hini awngneng saite py haw y. Nang ce lä bälungbi ö hang. Ri ö hang.

Angtawtha 1:8

Tungaila Muilaw Käcai nang ce tea tyng te kätü-a, nang ce lä haidae na dang kha Jerusalem märü, Judae khö angxynlyng hai Samari khö, khöteng täki khytä, khimi ce tea kai üng angthang thui ö ai” näpa.

Angtawtha 10:38

Nazare märü üng Isu lä Säthaw te mang üng Muilaw Käcai hai haidae dang te phüng nang ce lä mäny ö vi. Säthaw lä äni hai mangtä awng te phüng-a, äni lä mityng qütä-a ly kha kähawi sa ea khimi ce bung naw hawi hai te vi. Angra kung te khimi ce thung üng mätho kha Setan angra üng haidae thung mang üng äni ce bung bälawi pa vi dy.

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Angtawtha 21:13

Tungaila Pawlae ma “Nang ce lä ätephüng-a, hini kä raw kha kai tea bälungsi hai ö te vi mei. Kai lä Areng Isu tähang Jerusalem märü-a, aemäkhing hethang cang y, dü hethang mäteng ma, aerü rüng kha awng te vi” näkha mäthang pa.

Angtawtha 26:11

Kai lä Judae na üng ingkäcai-a ly kha äni ce tea bäjeng hai tütü te vi. Äni ce üng yng saite na khaisö hai hethang kai aethawsa te vi. Äni ce tea kai lä esäre phi te vi. Tukha kai lä pre kälang üng märü na mang-a ly kha äni ce tea sakälö khü pa te vi dy.

Angtawtha 26:25

Pawlae ma “Aecörae mätawngky Festus ä, kai lä mäthö te y vi. Nang tea mitang khü-a kai thui te kae vi.

Angtawtha 6:8

Stephen lä Säthaw üng tähang kähawi tea käcung-a, dang te hai haidae dang te khimi vi. Tukha cangxei te hai kamarae na khimi ce maw-a, sa pa saite lawngtä vi.

Angtawtha 9:22

Tungaila Sawlae lä aethaw awng te hai, Areng Isu lä Mesia tätang vi näte phüng khüsälü-a, thui pa te thai ea lä, Damasaka märü üng awng saite Judae khimi na lä cangxei ö vi dy.

Pawlae ma Rom märü üng kangkawng tähang tärü saite cae 5:5

Mä-ai lä aethang khai saite awng te phüng-a aethawsi ö te y. Ätephüng-a mei nädylä Säthaw ma mä-ai tea py saite Muilaw Käcai hai-a mä-ai üng bälung thung-a äni üng bälung aevaw saite mäkawi pa te phüng-a vi dy.

Pawlae ma Rom märü üng kangkawng tähang tärü saite cae 8:15

Säthaw ma nang ce tea py saite Muilaw lä nang ce bung mawsawng na lawng hai hethang y lyng. Ri hai hethang la y. Säthaw üng Muilaw lä nang ce tea äma üng caw nade na-a lawng hai te vi. Mä-ai lä Muilaw üng haidae hai-a Säthaw tea, “Äba, Üngai” näkha ka ö te vi.

1 Korin 2:4

Kai lä nang ce tea Säthaw üng angthang thui te kätü-a, kai ma üng bälunghae saite hai thui te y vi. Nang ce tea the saite lo na tawng kha thui te y lyng. Kai lä nang ce tea Muilaw Käcai üng haidae mätü hethang ngai te vi dy.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Kolosa 1:8

Muilaw Käcai te mang üng dang saite nang ce üng bälung aevaw saite phüng tea äni ma kai ni tea thui te vi.

Hebrai 2:15

Isu lä hini kätyng sa te phüng-a, khimi angxynlyng na tea mawsawng na kätyng awng saite thung üng aelawi hai pa vi dy. Khimi ce lä dü hethang ri te phüng-a, äni ce lä hing saite jungtä mawsawng na kätyng awng ö vi dy.

1 Piter 1:22

Nang ce üng lo mitang tängai saite hai-a, nang ce lä käcai na-a lawng ö te vi dy. Tukha nang ce lä nang ma ce üng yng saite äpy kälang na tea bälung aevaw khaw ö te vi. Lawng lawngtä tea bälung mäke hai bälung aevaw ö lawi.

1 Johan 4:18

Säthaw tea bälung aevaw saite khimi lä Säthaw üng tärae cei saite tea ri te y lyng. Cungrü-a bälung aevaw saite lä ri saite angxynlyng na tea mäthoja te vi. Säthaw ma tärae cei te tea ri saite khimi lä äma üng bälung aevaw saite cungrü te tea mäny te y vi.