2 Piter 3:2 - Caekäcai Kangthae (Lemi)

² Kai lä jangni-a Säthaw üng buisaw käcai na ma thui pyng saite lo na hai-a nang ce üng angtawtha na hai mä-ai üng Aeqangkung Areng Isu Khrista ma nang ce tea py saite särilo tea aedawng haile tyng hethang ngai hai te vi.

Asang Khongso New Testament

² Zanghnii tahma kacainawk mah thuih ih loknawk hoi nangcae ih kawkpatoehnawk patohhaih hoiah thuih ah kaom, Pahlongkung Angraeng khae hoi-ih lokpaek to na panoek o poe hanah kang koeh o.

2 Piter 3:2 ပူးပေါင်းရင်းမြစ်များ

Luka 1:70

Hini phüng Säthaw ma lä buisaw käcai na hai-a, cangkhawng üng hai ma thui rüng pa te vi.

Luka 24:27

Tukha Isu lä Mosi hai buisaw angxynlyng na ma äma phüng Caekäcai-a thui saite lo na hai aetawng kha änini tea thui mäcai pa dy.

Luka 24:44

Tupyng-a Isu ma äni ce tea “Kai lä nang ce hai mangtä awng te thüng-a thui saite lä ‘Mosi üng Ubädi hai buisaw lo na mang hai Sam cae-u mang hai kai üng phüng tärü saite angxynlyng na lä cung hai bawi he kae’ näte hini lo na lä vaini ma cung bawi te vi dy” näpa.

Angtawtha 10:43

Buisaw na angxynlyng ma, äni üng phüng thui rüng te vi. Isu tea Yng saite khimi angxynlyng na üng hunghö na Säthaw ma bälawi ai näte buisaw na ma thui te vi dy.”

Angtawtha 28:23

Tudylä äni ce ma Pawlae tea aeting hethang käni rui aedo pa ö dy. Aedo saite käni-a Pawlae üng ing-a khimi ce ly ö mang pa dy. Pawlae lä kädang üng hai kädüng khytä Säthaw üng pre phüng kähawi-a thui mäcai pa dy. Mosi üng Ubädi hai buisaw na tärü saite cae tea kheng kha Isu üng phüng la äni ce bälungva hethang kähawi-a bäleng kha thui pa vi.

Angtawtha 3:18

Tungaila Säthaw lä buisaw na hai-a, thui hai rüng te kätyng-a, Mesia lä mätang bälaica vi ai. Hini kätyng Säthaw ma thui saite lo lä cungrü hai te vi dy.

Angtawtha 3:21

Jangni-a Säthaw ma lä buisaw käcai na hai-a, älo aedo hai rüng te kätyng angxynlyng sa bälai bawi y te khytä Isu lä Känipre-a awng he kae vi.

Galati 6:2

Mätang bälai tyng te kätü-a lä, nang ma ce tingtawi aesäbawng ö ba. Nang ce hini kätyng sa dylä, Khrista üng älo na tea tängai ö te kae dy mang.

Ephesi 2:20

Nang ce la angtawtha na hai buisaw na üng aenyng nae qawng-a sa saite ing haetä kätyng vi. Isu Khrista äma lä ing tähang aely lengky saite ing aeling kätyng vi.

Ephesi 3:5

Jangni üng dung-a Säthaw lä hini ho saite mawlang kaedawng khimi ce tea täphawng pa te y. Tungaila vaihi Säthaw lä äma üng angtawtha käcai na hai buisaw käcai na tea Muilaw Käcai hai-a hini mawlang kaedawng tea täphawng pa te vi dy.

1 Timote 6:14

Sa tämang y käla Säthaw üng särilo tängai ba. Tudylä mä-ai üng Areng Isu Khrista ly haile tyng y rytä lä, ämi ma la nang tea cy haw y ai mang.

2 Piter 2:21

Äni ce lä älang käcüng tea mäny y dylä, hawiky te vi. Säthaw üng älang mäny pyng-a, äma üng äkähui na ma mätu saite caiping te särilo käcai khaisö haile vi dylä, äni ce lä tähang siky ö te vi.

2 Piter 3:15

Mä-ai üng Areng üng änawngsa saite hai-a äni ma nang ce bung aeqang hethang älang kähawi py ai näte nang ce lä aedawng ö ba. Mä-ai üng bälung aevaw saite kangby jä-ai Pawlae lä Säthaw ma äni tea bälung kähae hai-a nang ce tea hini kätyng tärü pyng te by vi dy.

2 Piter 3:16

Äni lä äma üng cae angxynlyng na thung-a hini na phüng tärü saite älawngsai lä mangtä kae. Tungaila äni üng cae na thung-a phütä lä mänykaw hethang rae bärai vi. Honi na mänykaw y kha yng te cakhi y saite na lä honi na tea kätüng y-a mätu ö te vi. Caekäcai thung üng phütä cae kälang äkädawng na tea lä hini kätyng sa ö te vi. Säthaw lä äni ce tea täphra ö vi ai.

1 Johan 4:6

Mä-ai lä Säthaw üng khimi na vi. Säthaw bung mäny saite na lä mä-ai üng mätu saite lo na tea tängai ö vi. Säthaw hai aesui y saite khimi na lä mä-ai üng mätu saite na tea tängai ö y. Hini kätyng khimi lawngtä lä lo mitang tea Muilaw hai-a thui te, y dylä khimi ce tea kaeling kaemae sa hethang Setan ma py saite haidae hai-a thui te tea mä-ai lä mäny haw ö te vi.

Judae 1:17

Ngai bärai saite rawijae na ä, mä-ai üng Areng Isu Khrista üng angtawtha na ma thui rüng saite tea lä aedawng haile ö ba.

Lokphong 19:10

Kai lä äni tea cäphaw hethang äni üng maw-a aebo vi dy. Tungaila äni ma, “Tukä lä sa hang. Kai lä nang ce hai yng saite kälang na kätyng mawsawng lawngtä by vi. Äni ce lä Isu üng täphawng saite lo mitang tea hui saite na kae vi. Säthaw tea phai cäphaw kae. “Isu Khrista üng täphawng saite lo mitang lä buisaw na tea thui hai pa te vi” näkha thui vi dy.