2 Piter 2:2 - Caekäcai Kangthae (Lemi)

² Säthaw üng khimi awng mang saite na lä äma ce üng saerae hethang hawi saite lang-a hui ö ai. Tukha yng y saite khimi kälang na lä älang kätüng phüng tea käsi na thui ö vi ai.

Asang Khongso New Testament

² Totiah oh o mataeng doeh kami paroeai mah angmahcae ih tuinuenh kahoih ai to pazui o toengtoeng tih, kawmawtiah a sakhaih o ih pongah mi kalahnawk mah Loktang Lam to kasae ah thui o tih.

2 Piter 2:2 ပူးပေါင်းရင်းမြစ်များ

Mathai 22:16

Äni ce lä äma ce üng äkähui phütä na hai Herodae üng äpy na bung Isu tea mätaw pa dy. Äni ce ma “Särae ä, nang lä kätüng khaw ni thui te kai ce lä mäny vi. Nang lä khimi ce Säthaw üng älang kätüng kätyng awng hethang mätu te vi. Khimi ce ma nang phüng aethang khai ngaila nang lä dawngcang te y. Khimi ce üng mimai tea la kheng y.

Mathai 24:24

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Mathai 7:14

Tungaila dungtäsa hing te mang-a tyng saite kätho lä cäpi kha lolang rae bärai. Tukätephüng-a khimi äjecäcaw ni honi lolang bung nung kae vi.

Marka 12:14

Honi khimi ce ma Isu tea ly ea “Särae ä, nang lä kätüng khaw saite älo ni thui te kai ce lä mäny. Khimi ce ma nang phüng makä dawng kha thui ngaila, nang lä dawngcang te y vi. Khimi üng mimai tea kheng y käla Säthaw üng älang tea kätüng khaw-a mätu te vi. Kai ce lä Sica sanphrang tea angko py sang mei, py sang y mei. Kai ce tea thui” näkha düng pa.

Marka 13:22

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä Säthaw ma re saite khimi na tea yng te tämang rung khytä sa vi ai.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Angtawtha 13:10

Äni ma “Nang lä Setan angra üng cäpaw, kätüng angxynlyng na üng täre. Nang lä Khimi ce tea kaeling sa jawjaw kha hawi y saite sa pa vi. Nang lä Säthaw üng kätüng sai phüng tea kaeling sa tütü vi.

Angtawtha 14:2

Tungaila yng he ngai y saite Judae khimi phütä na ma ceng kälang khimi na tea yng pa y hethang mäcü pa ö vi. Äceng kälang na lä käyng na tea kädawtho rung khytä thui kha bäleng pa ö vi.

Angtawtha 16:17

Honi nawngmädi mawsawng lä Pawlae hai kai ce leithung hui vi. Äni ma “Hini khimi ce lä aesangky saite Säthaw üng mawsawng na vi kha nang ce tea aeqang saite angthang thui pa” näkha ätüng käleng hai thui pa vi.

Angtawtha 18:26

Äni lä Judae na üng ingkäcai-a, ri y te hai älo thui vawng vi dy. Precila hai Akuila ni äni üng thui saite älo thai ea lä, äni bung ing-a kähyng kha Säthaw lä khimi ce tea ätemakä aeqang mei näte phüng na kähawi-a, thui mäcai hai pa vi dy.

Angtawtha 19:9

Tungaila khimi phütä na lä bälung tangkö kha yng he ngai ö pa y vi. Khimipui maw-a Areng üng mätu saite phüng na tea käsi thui pa ö vi. Tukätephüng-a Pawlae lä Judae na üng ingkäcai üng tho kha Yng saite khimi na bung nähai vi dy. Tairana näsaite khimi üng cae aetu nae mityng-a, käni qütä älo na aedüng aethui pa vi dy.

Angtawtha 22:4

Kai lä Areng Isu üng lolang bäjui saite khimi na bung bädü he khytä sakälö khü pa te vi. Nawngmädi nawngmäcaw na bung ne kha thawng thung-a pä-ung pa te vi dy.

Angtawtha 24:14

Tungaila kai ce üng kangsi na üng Säthaw tea cäphaw kha Areng Isu üng mätu saite älang kai lä bäjui te vi. Äni ce lä honi tea tämang saite vi näkha aedawng ö te vi. Tungaila Mosi üng Ubädi hai buisaw na tärü kha thui saite angxynlyng na tea kai lä yng vi.

Pawlae ma Rom märü üng kangkawng tähang tärü saite cae 2:24

Caekäcai thung-a, “Nang ce Judae khimi na phüng-a ceng kälang na lä Säthaw tea käsi thui ö te vi” näkha tärü te awng.

1 Timote 5:14

Tukätephüng-a lömai nä-awi säning käna na lä nawngpaw na nang haile ea caw nade na dang kha äma ce üng engthung na tea rui ö hethang kai lä mäci te vi. Tudylä mä-ai üng bälung kae-i na ma yng saite na tea cy hethang awng ö y ai.

Titas 2:5

Bälung cai kha mä-ai ma üng kängai tea aeküng hethang hai äma ce üng engthung-a aethaw rae kha awng hethang kae. Khimi kälang na tea bäheng hethang hai äma ce nawngpaw na üng älo na tängai hethang mätu he kae. Tudylä ämi ma la Säthaw üng lo Angthang tea lä käsi prawng haw y vi ai.

Titas 2:8

Nang lä khimi ce ma cy haw y hethang älo kätüng saite mätu pa ba. Tukäte hai-a nang tea elekhei-a sa hethang ngai saite na lä saerae lae ö vi ai. Ätephüng-a mei nädylä, äni ce lä mä-ai tea käsi thui hethang dang haw ö pa y te phüng-a vi.

1 Piter 2:12

Säthaw tea mäny y saite khimi na thung-a nang ce lä cy y rung khytä hing ö. Tudylä äni ce lä nang ce tea sa tämang hethang cy ngaila, nang ce üng kälu kähawi na tea lä nung haw ö ai. Hini hai-a, äni ce lä Areng ly haile te käni-a Säthaw tea bälaw haw ö ai.

2 Piter 2:12

Tungaila hini khimi na lä äma ce mänykaw y saite na tea käsi thui ö te vi. Äni ce lä aedawng kaw y kha ngaiphi tüng y saite bälung xyngtä awng saite tawngbawi kärai na kätyng vi. Äni ce aepeng te lä khimi ce ma ne kha bädü ö hethang xyng kae. Hini särae na bung lä tawngbawi na kätyng Säthaw ma bädü ö by vi ai.

2 Piter 2:15

Äni ce la kätüng sa saite lang mang-a hui ö y vi dy. Äni ce lä lolang tämang ö te kätyng vi. Äni ce lä Beor üng cäpaw Balam üng lolang mang-a hui ö te vi. Balam lä tangkae ngaiphi te phüng-a tämang saite sa te vi.

2 Piter 2:18

Äni ce lä aethaw kha aetütü saite lo na aepe ö te vi. Äni ce lä mimi na bung khaisö kha tänaetä Khrista tea yng saite khimi na tea ngaiphi tüng y saite bälung hai-a hunghö sa hethang the pa ö te vi.

2 Piter 2:21

Äni ce lä älang käcüng tea mäny y dylä, hawiky te vi. Säthaw üng älang mäny pyng-a, äma üng äkähui na ma mätu saite caiping te särilo käcai khaisö haile vi dylä, äni ce lä tähang siky ö te vi.

2 Piter 2:7

Säthaw lä khimi käcüng Lawtae bung aeqang pa vi dy. Lawtae lä honi khimi ce ma Säthaw üng Ubädi tängai y kha lawng lawngtä täkübäjang sa te phüng-a, tengxyng y bälung hawi pa y vi dy.

Judae 1:10

Tungaila hini kätüng y mätu saite na lä äma ce mänykaw y saite angxynlyng na tea käsi prawng ö vi. Äni ce lä tawngbawi käpryng na kätyng-a äma ce üng aedawng kaw y käla mäny saite honi na sa te phüng-a Säthaw ma äni ce tea täphra pa te vi.

Judae 1:15

Honi lä khimi angxynlyng na lä Säthaw üng lo tängai y saite na hai, äni ce üng käsi sa saite na hai, Säthaw tea tengxyng y käsi prawng saite angxynlyng na tea lä Säthaw ma tärae cei kha dengpy ö ai näkha thui rüng te vi” näkha näpa.

Judae 1:4

Ätephüng-a mei nädylä Säthaw lo tängai y saite khimi phütä na lä nang ce thung-a kangru mang kung ö te vi ba. Äni ce lä Säthaw üng tähang kähawi phüng-a äma ce üng ngaiphi tüng y saite kätyng awng haw vi näkha mätu ö te vi. Äni ce lä mä-ai üng Areng hai Ingkung lawngtä xyng awng saite Isu Khrista tea aephae ö vi. Äni ce tea lä Säthaw ma dengpy ai näkha jangni üng hai ma tärü rüng pyng te vi dy.

Judae 1:7

Sodom, Komorae märü käleng hai särawng dawngpa märü üng khimi na tea aedawng haile ö ba. Äni ce la honi Känipre üng angtawtha na kätyng hunghö sa ö te by vi. Honi märü na lä nawngmäcaw tingtawi täkübäjang aesa linglawng ö te vi. Säthaw lä äni ce angxynlyng tea dungtäsa mai hai dengpy ai. Äni ce tea dengpy saite lä mä-ai tea sädi py te vi dy.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Lokphong 13:14

Äni lä mawikäsi angcü üng tähang sa saite cangxei te na hai-a älawng qawng üng khimi angxynlyng na tea kaeling kaemae sa te vi. Aekei hai tämaw dang ngaila dü y käla hing saite honi mawikäsi tea tämö khai hai hethang khimi ce tea äni üng mimi sa hai pa te vi dy.

Lokphong 13:8

Hini älawngpre-a awng saite khimi angxynlyng na lä hini mawikäsi tea cäphaw ö ai. Älawngpre sa y kälang üng hai dungtäsa kähing dang hethang ämüng lä bädü saite Beram caw üng cae-u thung-a tärü saite khimi na xyngtä ni mawikäsi tea cäphaw ö y vi ai.