2 Piter 2:1 - Caekäcai Kangthae (Lemi)

¹ Jangni-a buisaw käjüng aesa kha thui saite na lä Säthaw üng khimi na thung-a awng ö by vi. Honi kätyng nang ce thung-a käjüng sa kha mätu saite särae na awng ö vi ai. Äni ce lä khimi ce üng yng saite na tea täphra hethang kangru-a sa tämang saite na mätu ö vi ai. Hini särae na lä äma ce bung hunghö üng aelawi hai saite Areng tea mäteng ma aephae ö vi ai. Äni ce tea la Säthaw ma täphra phraw pa ö vi ai

Asang Khongso New Testament

¹ Zanghnii ah Israel kaminawk salak thungah tahma kalingnawk to tacawt o moa ato batih toengah patukkung kahmaan ainawk doeh nangcae salak thungah tacawt o toengh tih. Anihcae mah parohaih ih kahmaan ai tanghaih kungpui to tacawt o haih ueloa angmahcae pahlongkung Angraeng to takhoe o tih, topongah angmahcae nuiah amrohaih to poek aipuiah phasak o tih.

2 Piter 2:1 ပူးပေါင်းရင်းမြစ်များ

Mathai 10:33

Tungaila kai bung khimi ce maw-a aephae saite khimi tea lä Känipre üng kai Pä-ai maw-a äni lä kai üng äkähui y näkha aephae by vi ai.

Mathai 24:11

Tukha buisaw käjüng aesa saite khimi na lä tho kha khimi awng mang na tea kaeling sa ö vi ai.

Mathai 24:24

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Mathai 24:5

Khimi awng mang saite na lä kai üng ämüng aengang kha ly ö ai. Äni ce ma ‘Kai lä Mesia dy’ näkha thui ö vi ai. Äni ce lä khimi awng mang saite na tea kaeling sa ö vi ai.

Mathai 7:15

“Nang ce lä buisaw käjüng aesa saite khimi tea sädi khai ö. Äni ce lä beram käjüng aesa kha nang ce tea ly dy. Tungaila äni ce lä tätang khaw-a kei kha bädü saite käsui na kätyng vi.

Marka 13:22

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä Säthaw ma re saite khimi na tea yng te tämang rung khytä sa vi ai.

Luka 12:9

Tungaila kai bung khimi ce maw-a aephae saite khimi tea lä Säthaw üng angtawtha na maw-a Kai, Khimi üng Cäpaw, ma aephae haile tyng by ai.

Luka 21:8

Tukha Isu ma äni ce tea “Nang ce tea khimi ce ma kaeling kaemae sa y hethang kähawi-a kheng ö rüng. Ätephüng-a mei nädylä khimi ce ma ‘Kai lä Mesia dy’ näkha thui ö vi ai. Y dylä ‘Mesia tyng hethang kätü lä aenai dy’ näkha äni ce thui ö be ai rawng. Tungaila äni ce tea nang ce lä yng ö hang.

Luka 6:26

“Khimi angxynlyng ma nang ce tea bälaw dylä nang ce lä tähang si. Äni ce üng kangsi na lä buisaw kaeling na tea honi kätyng bälaw ö te by vi.

Pawlae ma Rom märü üng kangkawng tähang tärü saite cae 16:18

Äni ce lä mä-ai üng Areng Isu Khrista üng kälu sa saite na ö y lyng. Äma ce üng ngai saite na tea dang hethang sa ö te kae. Äni ce lä älo käneng na, mäthaw saite älo na hai khimi bälung kähawi na tea kaeling kaemae sa ö te vi.

1 Korin 11:19

Nang ce thung-a aetäphü saite na lä awng hethang kae. Hokä ea ni ämi lä Säthaw üng aely kängai-a awng mei näte mäny haw ai.

1 Korin 6:20

Säthaw lä nang ce bung ävang py kha rang te vi dy. Tukätephüng-a nang ce lä Säthaw üng phung-ang leng hethang nang ma ce üng ätabung tea tawng ö hethang kae.

1 Korin 7:23

Säthaw lä nang ce tähang ävang py kha nang ce bung rang vi dy. Tukätephüng-a nang ce lä khimi ce üng mawsawng tangnae na lawng ö hang.

Galati 2:4

Tukä ea la yng te kätyng käjüng sa saite khimi phütä na lä Tita bung lengkhüng täke hai hethang ngai ö te vi. Honi khimi ce lä Isu Khrista hai-a, kai ce üng aelawi saite mäny hai hethang kangkawng thung-a kangru mang kung ö te vi. Äni ce lä mä-ai bung Judae khimi na üng reitae tea hui hai kha mawsawng kätyng lawng haile hethang ngai ö te vi.

Galati 3:13

Khrista lä mä-ai tähang angsawi lawi te hai-a, Ubädi üng angsawi lawi te üng mä-ai bung lä äni ma bälawi pa te vi dy. Hini phüng Caekäcai thung-a tärü te lä, “Thinglang qawng-a täheng kha mädü pa saite khimi qütä lä Säthaw üng angsawi lawi saite vi” näkha awng te vi.

Galati 4:17

Kätüng y mätu saite khimi na lä nang ce bung äma ce te mang-a qa hai hethang ngai ö phi te vi. Tungaila nang ce tähang lä hawi te y lyng. Äni ce lä nang ce tea kai ce üng kangby jä-ai-a lawng y hethang sa he ngai hai ö te vi. Äni ce üng lo tea tängai hai hethang ngai ö phi te vi.

Ephesi 1:7

Isu Khrista üng dü saite hai äthi phüng-a Säthaw lä mä-ai üng hunghö na bälawi kha mä-ai bung lawi hai te vi dy. Säthaw üng tähang kähawi lä tengxyng y leng bärai vi. Äni lä tähang kähawi hai-a mä-ai tea bälung kähae py kha äte angxynlyng na tea mäny hai king te vi dy.

Ephesi 4:14

Tupyng-a mä-ai lä nade na kätyng y lyng. Kaesyng y-a mätu saite hai kaeling kaemae sa saite na lä mä-ai tea the haw ö y dy. Mä-ai lä aeli pui hai tuileng ma bäja rungrang saite bälawng haetä kätyng y vi dy.

Filipi 3:19

Äni ce bung lä kangkhüng käni-a Säthaw ma ngärei thung-a täphra ö vi ai. Ätephüng-a mei nädylä äni ce lä äma ce üng ätabung kängai tähang hing ö te kae. Äni ce lä äma ce üng kaejae sa saite na tea aethaw ö te vi. Äni ce lä hini älawngpre üng aesui saite na tea dawng ö xyng te kae.

Kolosa 2:18

Särae kälang na lä sa tämang te hai aemäneng kha Känipre üng angtawtha na tea cäphaw hethang mätu pa te vi. Äni ce üng the saite mang-a hui ö hang ba. Honi kätyng hui dylä, nang ce üng aeqang saite vang lä laja ö ai. Honi särae na lä äsämai mang aetüng te phüng-a, Säthaw üng Angthang tea hawihai pailai thaikaw te vi näkha näte lä äni ce üng käjüng aesa ö saite na kae. Äni ce lä khimi ce üng kaedawng hai thui ea aethaw ö vi dy. Tungaila äni ce aethaw hai nae lä äte haetä la awng y lyng.

Kolosa 2:8

Ämi ma la nang ce tea mäthang sa kha ne y hethang sädi khai ö. Särae kälang na lä khimi ce üng reitae, käni khösang tea pyng saite Setan angra te üng ly te kaedawng hai bälung kähae na, nang ce tea mätu ö te vi. Honi kaedawng hai bälung kähae na lä Khrista hai aesui te y lyng.

1 Timote 5:8

Khimi lawngtä lä äma üng amäjy na tähang hai äma üng engthung khaw tea mäteng ma rui hethang ngai y dylä, äni lä Khrista tea yng y näkha mätü te vi. Honi khimi lä Khrista bung mäny y saite khimi qawng-a siky vi dy.

2 Timote 4:3

Khimi ce lä kätüng mätu te na tea tängai hethang ngai y te kätü lä tyng ai rawng. Äni ce lä äma ce üng ngaiphi tüng y saite mang-a hui ö ai. Tukha äni ce lä thai hethang ngai saite lo mätu te särae rangpui na tea ha ö vi ai.

Titas 1:11

Honi khimi ce tea lä mätu hai hethang py ö hang. Ätephüng-a mei nädylä äni ce lä mätu sang y saite hini cawngkhang na mätu te kätü-a, engthung rütä yng saite na tea mäne ö baw te vi. Äni ce lä khimi ce te üng tangkae dang hethang ngai te phüng-a, hini kätyng mätu ö te vi.

Titas 3:10

Nang ce thung-a aetäphü saite khimi na tea lä qengtä, qeng netä pring pa. Tupyng dylä äni ce hai aebe hang.

Hebrai 10:29

Säthaw üng Cäpaw tea mäthi y saite khimi na lä ätemakä aelawng ai mei näte nang ce lä aedawng ö mei. Hunghö üng cai hai pa saite Säthaw üng aenai te üng äthi tea ävang käting y kätyng mäthi saite khimi hai tähang kähawi üng Muilaw Käcai tea cy saite khimi tea lä Säthaw ma honi qawng-a siky saite deng py ai.

1 Piter 1:8

Nang ce lä Khrista bung nung vai y ngaila, äni tea bälung aevaw ö te vi. Vaihi nang ce lä äni bung nung y ngaila, äni tea yng ö te vi. Nang ce üng anghawtho saite lä phung-ang hai kawi kha nang ce lä thui lei haw king ö te y vi.

2 Piter 2:3

Hini särae na lä ae-aw te bälung awng ö vi ai. Äni ce lä äma ce sa saite cäkae na thui te hai-a nang ce te üng tangkae dang hethang aethawsa ö ai. Jangni-a ma Säthaw lä äni ce tea tärae cei hethang sa rüng pa te vi dy. Säthaw lä äni ce tea täphra hethang aering vi ai.

1 Johan 2:26

Nang ce tea lang tämang hai hethang the saite khimi na üng phüng na kai lä tärü te vi.

1 Johan 4:1

Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.

Judae 1:18

Äni ce ma, “Kangkhüng üng käni-a lä Säthaw üng kängai y käla äma ce üng ngaiphi tüng y saite kätyng hui saite, aenui aepai hai thui saite khimi na lä nang ce tea tho ö vi ai” näkha thui pa.

Judae 1:4

Ätephüng-a mei nädylä Säthaw lo tängai y saite khimi phütä na lä nang ce thung-a kangru mang kung ö te vi ba. Äni ce lä Säthaw üng tähang kähawi phüng-a äma ce üng ngaiphi tüng y saite kätyng awng haw vi näkha mätu ö te vi. Äni ce lä mä-ai üng Areng hai Ingkung lawngtä xyng awng saite Isu Khrista tea aephae ö vi. Äni ce tea lä Säthaw ma dengpy ai näkha jangni üng hai ma tärü rüng pyng te vi dy.

Lokphong 13:14

Äni lä mawikäsi angcü üng tähang sa saite cangxei te na hai-a älawng qawng üng khimi angxynlyng na tea kaeling kaemae sa te vi. Aekei hai tämaw dang ngaila dü y käla hing saite honi mawikäsi tea tämö khai hai hethang khimi ce tea äni üng mimi sa hai pa te vi dy.

Lokphong 2:13

Nang ce lä Setan angra üng aety nae mityng-a awng saite tea kai lä mäny. Nang ce lä kai tea ae-y khü ö te vi. Setan angra üng awng saite nang üng märü-a kai üng lo sasi thui khü saite Antipa bung khimi ce ma sakälö khü kha bädü te kätü-a mäteng ma, kai tea yng saite nang ce lä khaisö ö te y vi dy.

Lokphong 2:9

Nang ce üng mätang te hai mätangca saite na kai lä mäny. Tungaila nang ce üng yng saite na lä tawngnang ö te vi. Mä-ai ma tea Judae khimi näkha thui saite na lä Säthaw ma re saite khimi na kätyng sa y te na ma nang ce tea käsi prawng saite na kai lä mäny vi. Äni ce lä Setan angra üng äkähui thung üng na kae.

Lokphong 3:8

Nang ce sa saite na tea kai lä mäny. Nang ce lä aethaw äje cäcaw xyng awng te kai mäny vi. Tungaila nang ce lä kai üng lo tängai kha kai tea aephae ö te y. Nang ce üng maw-a kai lä kätho pä-awng pyng te vi dy. Honi tea ämi la aekhae haw y vi.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.

Lokphong 6:10

Honi na lä, “Lengky saite Areng ä, nang lä cai saite hai ae-y nae hawiky saite Kung vi. Nang ma kai ce bung bädü saite älawng qawng-a awng saite khimi na tea tärae cei kha dengpy hethang lä matangtä qae ai rawng mei” näkha ätüng käleng hai hang ö vi dy.