2 Piter 1:4 - Caekäcai Kangthae (Lemi)

⁴ Äni üng phung-ang hai hawi saite hai-a äma lä mä-ai tea lengphi saite hai ävang käting älo aedo saite na py te vi dy. Tukätephüng-a äni üng älo aedo saite na hai-a nang ce lä hini älawngpre üng ngaiphi tüng y saite hai-a täphra saite üng aelawi kha Säthaw üng käcüng aeme aeqa saite kätyng nang ce üng käcüng-a aeme aeqa saite thung-a la awng haw ö vi ai.

Asang Khongso New Testament

⁴ Totitoah angmah amaih ih langrae kalen phi hoi atho kaom parai to aicae han ang paek boah, ahi langraenawk ranghoiah longnui ih ka om ka paro thai takngan koehhaih thung hoitoah nangcae mah na loih o thai tih moa Sithaw a coenghhaih ih to na bo o thai tih.

2 Piter 1:4 ပူးပေါင်းရင်းမြစ်များ

Pawlae ma Rom märü üng kangkawng tähang tärü saite cae 9:4

Äni ce lä Säthaw üng re saite khimi vi. Säthaw lä Isrelae khimi na tea äma üng caw nade na-a lawng hai kha äma üng phung-ang tea mätü pa vi dy. Säthaw lä äni ce hai aenai saite na sa kha äni ce tea Ubädi py pa vi dy. Äni ce lä Säthaw tea cäphaw tätang hethang mäny kha Säthaw üng älo aedo saite na dang ö vi dy.

2 Korin 1:20

Säthaw ma mä-ai tea py te älo aedo saite angxynlyng na lä Khrista hai-a, “Älawng vi” näkha thui te vi dy. Tukätephüng-a mä-ai lä Säthaw üng phung-ang aesang hethang “Amen” näkha thui te kätü-a, mä-ai üng Areng Isu Khrista hai-a thui ö te vi.

2 Korin 3:18

Tukätephüng-a mimai tea täphung y saite mä-ai angxynlyng na lä Areng üng phung-ang tea nung kha khimi kälang na tea mätü ö te vi. Muilaw awng saite Areng üng phung-ang lä mä-ai bung mäqa ea Areng hai mangtä aetawng khaw hethang sa kha mä-ai üng phung-ang lä lengky rae lengky rae jawjaw te vi.

2 Korin 6:17

Areng ma, “Kai tea yng y saite khimi na thung üng tho ö la. Nang ce lä äni ce hai kängby jä-ai sa ö hethang kae y. Säthaw bung mäny y saite khimi na üng pawprae saite na tea lä aehi ö. Hini kätyng sa dylä, kai lä nang ce bung lady ai.

Galati 3:16

Säthaw lä Abraham hai äni üng kaepreng tea aedo saite älo py te vi. Caekäcai thung-a “Kaepreng” näte lä khimi awng mang saite na phüng tea thui te y lyng. “Nang üng Kaepreng” näte lo lä khimi lawngtä xyng tea thui te kae. Honi lawngtä lä Khrista vi.

Galati 6:8

Äma üng ngaiphi tüng y saite bälung hai ämöti hi te khimi lä dungtäsa dü saite tea ae ai. Tungaila Muilaw Käcai üng kängai kätyng-a ämöti hi saite khimi lä Muilaw Käcai te üng dungtäsa hing saite tea ae vi ai.

Ephesi 4:13

Tukätephüng-a Säthaw üng Cäpaw tea yng saite hai mäny saite hai-a mä-ai lä bungtä-a lawng ö vi ai. Mä-ai lä Khrista üng cungrü saite tea pha hethang ryng te khimi na-a aelawng ö ai.

Kolosa 3:10

Nang ce lä vaihi khimi kangthae-a aelawng ö te vi dy. Säthaw lä nang ce üng äthung-a kähawi aeme aeqa saite na mäkung kha äma üng ämaw äcae hai aetawng rung khytä sa te vi dy. Tukätephüng-a nang ce lä äni bung tätang khaw-a mäny ö ai.

Hebrai 12:10

Hini älawngpre-a mä-ai üng pä-ai na lä tänaetä äma ce üng kähawiky-a aedawng te kätyng mä-ai tea pring ö te vi. Tungaila Säthaw lä mä-ai üng kähawiky saite tähang pring te kae. Mä-ai lä äni üng cai saite thung-a qa haw ö hethang vi.

Hebrai 9:15

Tukätephüng-a Khrista lä Säthaw hai khimi ce säla-a kangthae aenai saite vi. Tudylä Säthaw ma ka saite khimi angxynlyng na lä Säthaw üng aedo saite dungtäsa tähang kähawi tea dang haw ö te vi. Khrista lä angcü üng aenai saite täkui-a hunghö sa saite khimi na bung bälawi hethang dü pa te vi dy te phüng-a, honi kätyng lawng te vi dy.

Jako 1:27

Mä-ai üng Pä-ai Säthaw ngai saite kälu na lä mätang bälai saite ruicaw na hai nawngmädi lömai na tea säbawng hethang vi. Tukha hini älawngpre khimi na üng käsi sa saite hai-a, nang ce lä pawprae y hethang aethawsa ö.

2 Piter 1:1

Hini cae lä Isu Khrista üng mawsawng hai angtawtha lawng saite, kai, Simon Peterae, te üng vi. Kai lä Säthaw hai mä-ai üng Aeqangkung Isu Khrista üng cüng saite hai-a kai ce kätyng yng te ävang käting dang saite na tea cae tärü te vi.

2 Piter 3:13

Tungaila Säthaw ma khimi käcüng na xyng awng hethang Känipre kangthae hai älawng kangthae sa ai näkha älo aedo saite tea mä-ai lä aering ö te vi.

2 Piter 3:9

Areng lä äma üng älo aedo saite kätyng sa hethang kätü tea mänawng te vi näkha khimi phütä na lä dawng ö te vi. Honi jüng-a nang ce tea änawngsa kha ämi lawngtä bung la pra hai hethang ngai te y vi. Äni lä khimi qütä tea äma ce hunghö sa saite ae-ui hai hethang ngai te vi.

1 Johan 2:25

Honi lä Khrista ma mä-ai tea py hethang älo aedo saite vi dy. Äni lä “Kai lä nang ce tea dungtäsa hing saite py ai” näkha älo aedo te vi.

1 Johan 3:2

Kai üng bälung aevaw saite rawijae na ä, vaihi mä-ai lä Säthaw üng caw nade na ö vi. Tungaila vaimaw mang-a mä-ai lä ätemakä aelawng ai mei näte mäny ö te y rawng. Tungaila Khrista tyng haile te kätü-a, mä-ai lä äma kätyng aelawng ai näte mä-ai lä mäny ö te vi. Ätephüng-a mei nädylä äni üng tätang khaw lawng saite tea mä-ai lä nung ö ai.