2 Piter 1:2 - Caekäcai Kangthae (Lemi)

² Säthaw lä äma tea hai mä-ai üng Areng Isu Khrista bung nang ce üng mäny saite hai-a tähang kähawi hai awngneng saite lä nang ce tea cungrü-a py sy.

Asang Khongso New Testament

² Sithaw panoekhaih hoi aicae Angraeng Jesuh panoekhaih ranghoiah palungnathaih hoi monghaih loa kacung ta-ah nangcae khaeah oh na soe.

2 Piter 1:2 ပူးပေါင်းရင်းမြစ်များ

Luka 10:22

“Kai Pä-ai ma kai tea haidae hai bälungkähae py king vi dy. Säthaw üng Cäpaw näte ämi la mäny y. Pä-ai lawngtä xyng ni mäny te kae vi. Kai üng Pä-ai tea ämi la mäny y. Kai, äni üng Cäpaw ma qaitä mäny te kae. Kai, äni üng Cäpaw, ma mäny hai he ngai saite khimi phütä na lä Üngai tea mäny ö dy” näpa.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Pawlae ma Rom märü üng kangkawng tähang tärü saite cae 1:7

Säthaw ma bälung aevaw kha äma üng khimi na khe khe-a lawng hai hethang re saite Rom märü üng nang ce tea kai lä cae tärü te vi. Mä-ai üng Pä-ai Säthaw hai Areng Isu Khrista ma nang ce tea tähang kähawi hai awngneng saite py sy.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

Filipi 3:8

Hikä cang y kai üng Areng Isu Khrista tea mäny te lä honi ätete angxynlyng na qawng-a ävang tingky te phüng-a, honi na tea lä aetütü saite na kätyng-a kai lä dawng kae. Kai lä Khrista tähang-a äte angxynlyng na tea khaisö pyng te vi dy. Honi angxynlyng na tea kai lä angnüng angsaw kätyng dawng te kae vi dy. Kai lä Khrista bung kähawi-a mäny king haw hethang tähang vi.

1 Piter 1:2

Jangni üng hai ma Pä-ai Säthaw lä nang ce bung mäny kha re ea Äma üng Muilaw Käcai ma nang ce tea cai hai te vi dy. Tukätephüng-a nang ce lä Isu Khrista üng lo tängai kha äma üng äthi hai-a nang ce lä cai ö te vi dy. Säthaw ma nang ce tea lä tähang kähawi hai awngneng saite cungrü-a py sy.

2 Piter 1:3

Mä-ai lä Säthaw üng aely kängai-a hing haw hethang äma üng haidae hai angxynlyng na mä-ai tea py vi dy. Äni üng phung-ang hai hawi saite hai-a mä-ai bung re saite Säthaw tea mäny te hai-a honi angxynlyng na mä-ai lä dang ö te vi dy.

2 Piter 1:5

Tukätephüng-a nang ma ce üng yng saite tea hing saite täbawi hethang aethawsa ö he kae. Nang ce üng hini aeme aeqa saite käcai lä Säthaw bung mäny rae saite tea täbawi hethang aethawsa ö te vi.

2 Piter 1:8

Nang ce lä hini aeme aeqa saite käcai-a awng rae awng rae dylä, mä-ai üng Areng Isu Khrista bung mäny saite lä nang ce tähang aetütü-a lawng ö y vi ai. Tukha nang ce lä khimi ce tea kähawi-a säbawng haw ö vi ai.

2 Piter 2:20

Äni ce lä mä-ai üng Aeqangkung Areng Isu Khrista bung mäny te hai-a, hini älawngpre üng täphra saite käsi üng aelawi pyng-a, äni ce üng hini käsi dawng-a aemang kha pyng pa haile vi dylä, angcü üng Khrista tea yng y te kälang üng kätü qawng-a siky ö vi ai.

2 Piter 3:18

Tudylä mä-ai üng Aeqangkung Areng Isu Khrista üng tähang kähawi tea mänykaw rae kha äni bung mäny rae hethang aethawsa ö. Areng tea phung-ang käleng lä vai üng hai dungtäsa awng jawjaw sy. Amen.

Judae 1:2

Säthaw üng bäheng saite, awngneng saite hai bälung aevaw saite lä tengxyng y nang ce tea awng sy.

Lokphong 1:4

Hini cae lä Johan ma Asia pre cäpi-a awng saite kangkawng säritä tea tärü te vi. Vaihi awng saite, cangkhawng üng hai ma awng angci saite hai vaimaw mang-a la awng jawjaw kha tyng hethang awng saite Säthaw, Isu Khrista hai äma üng Areng aety nae maw-a awng saite Muilaw Käcai üng cungrü saite säritä te üng tähang kähawi hai awngneng saite lä nang ce tea awng sy.