2 Piter 1:1 - Caekäcai Kangthae (Lemi)

¹ Hini cae lä Isu Khrista üng mawsawng hai angtawtha lawng saite, kai, Simon Peterae, te üng vi. Kai lä Säthaw hai mä-ai üng Aeqangkung Isu Khrista üng cüng saite hai-a kai ce kätyng yng te ävang käting dang saite na tea cae tärü te vi.

Asang Khongso New Testament

¹ Jesuh Khrih ih kawkpatoeh hoi tamtoeh kai Simon Piter mah, aicae ih Sithaw katoeng hoi Pahlongkung Jesuh Khrih ranghoiah atho kaom taanghaih paek ih kaminawk khaeah hi ca hae kang tarik o.

2 Piter 1:1 ပူးပေါင်းရင်းမြစ်များ

Mathai 10:2

Angtawtha lawng hawlai netä üng ämüng na lä honi na dy. Angcü-a Peterae näsaite Simon, hai äni üng kangby Andru, Zebede üng cäpaw lawng netä Jaeko hai äni üng kangby Johan,

Mathai 4:18

Isu lä Kalile tuilipui teng-a aeke ea kangby jä-ai lawng netä bung nung vi. Änini lä Peterae näsaite Simon hai äni üng kangby Andru vi. Äni ce lä mawi ne saite khimi na te phüng-a tuilipui thung-a mawipry jae sälö te vi.

Luka 1:47

Kai bung Aeqangkung Säthaw phüng-a kai lä kawngphi vi dy.

Luka 11:49

Hini phüng-a Säthaw lä äma üng bälungkähae hai-a ‘Kai ma Isrelae khimi na tea buisaw na hai angtawtha na bung mätaw vi ai. Isrelae khimi na ma buisaw phütä na tea, mätangca-a sa pa. Buisaw kälang na tea la bädü pa vi ai’ näpa.

Johan 1:42

Tupyng-a äni lä Simon bung Isu tea nähai pa. Isu lä Simon tea kheng ea “Nang ämüng lä Johan üng cäpaw Simon. Tungaila ‘Kepha’ näkha ämüng mäthi vi ai” näpa. (Kepha lä Peterae näte dy.)

Johan 12:26

Kai üng mawsawng sa he ngai dylä kai leithung hui hethang kae. Kai awng te mityng-a lä kai üng mawsawng la awng by ai. Kai üng mawsawng na tea lä, Kai üng Pä-ai ma tämö mäsang vi ai.

Johan 20:21

Tupyng-a Isu ma thui pa haile te lä “Nang ce tea awngneng te awng sy. Pä-ai ma kai bung mätaw te kätyng-a, nang ce bung la kai mätaw te vi dy” näkha näpa.

Angtawtha 15:14

Simon ma Säthaw lä angcü-a ceng kälang khimi na thung üng phütä khimi na bung äma üng khimi-a aelawng hai hethang re te hai-a, äni ce bung re vi näte phüng thui mäcai pyng te vi dy.

Pawlae ma Rom märü üng kangkawng tähang tärü saite cae 1:1

Hini lä Khrista Isu üng mawsawng Pawlae te üng cae vi. Säthaw lä äma üng Angthang Kähawi thui hethang ka kha kai bung angtawtha-a re te vi dy.

Pawlae ma Rom märü üng kangkawng tähang tärü saite cae 1:12

Kai ma thui saite älawngsai lä nang ce hai kai lä hini kätyng aeting te kätü-a, mä-ai üng yng saite leng rae hethang mä-ai ma tingtawi aethaw aepy haw ö te vi.

Pawlae ma Rom märü üng kangkawng tähang tärü saite cae 1:17

Säthaw lä mä-ai tea makä sa kha khimi käcüng-a mäthi ai mei näte Angthang Kähawi hai mätü te vi. Honi lä angcü üng hai kangkhüng khytä yng saite hai-a dang te vi. Caekäcai thung-a, “Khimi käcüng lawngtä lä yng saite hai-a dungtäsa hing ai” näkha awng vi.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

1 Korin 15:9

Kai lä angtawtha na thung-a aely lengky y saite lawngtä vi. Kai lä Säthaw üng kangkawng tea mätangbälai hai te phüng-a, kai tea lä angtawtha näkha mäthi hethang mäteng ma aeteng te y.

1 Korin 9:1

Kai lä khimi kaelawi kha angtawtha lawngtä vi. Kai lä mä-ai üng Areng Isu bung kai ma üng ämi na hai nung khe vi dy. Kai üng kälu phüng-a, nang ce lä Areng hai aesui te vi.

2 Korin 4:13

Caekäcai thung-a, “Kai lä yng te phüng-a, thui te vi” näkha tärü te vi. Hini kätyng aetawng saite yng te hai kai ce lä Angthang Kähawi thui ö te vi.

2 Korin 5:21

Khrista lä manila äte hunghö sa vai te y vi. Tungaila Säthaw lä mä-ai üng tähang-a äni tea lä hunghö awng te kätyng mäthi te vi dy. Tukätephüng-a mä-ai lä Khrista hai bungtä awng ö dylä, Säthaw ma mä-ai tea lä khimi käcüng-a mäthi vi ai.

Galati 2:8

Ätephüng-a mei nädylä Peterae bung Judae na tea angtawtha hethang aethaw py saite Säthaw lä kai bung la ceng kälang na tea angtawtha hethang aethaw py te by vi dy.

Ephesi 3:5

Jangni üng dung-a Säthaw lä hini ho saite mawlang kaedawng khimi ce tea täphawng pa te y. Tungaila vaihi Säthaw lä äma üng angtawtha käcai na hai buisaw käcai na tea Muilaw Käcai hai-a hini mawlang kaedawng tea täphawng pa te vi dy.

Ephesi 4:11

Hini Areng lä äma üng kangkawng na tea sakaw saite cawngkhang na py pa te vi. Äni lä khimi phütä na tea angtawtha na-a lawng hethang sakaw saite na py kha kälang phütä na tea lä buisaw na-a lawng hethang sakaw saite na py pa te by vi. Phütä na tea lä Angthang Kähawi thui hethang sakaw saite na py pa te vi. Kälang phütä na tea lä yng saite na bung rui kha mätu hethang sakaw saite na py pa vi dy.

Ephesi 4:5

Mä-ai angxynlyng na lä Areng lawngtä, yng saite haetä awng kha baptismae haetä la ö te kae.

Filipi 1:1

Pawlae hai Timothe ni lä Isu Khrista üng mawsawng na vi. Kai, Pawlae, ma Philipi märü-a awng saite Säthaw üng khimi na hai kangkawng üng mätawngky na hai kangkawng-a säbawng saite khimi na tea cae tärü dy.

Filipi 1:29

Nang ce lä Khrista tea yng te cang y äni tähang mätang hethang Säthaw ma khai te vi.

Filipi 3:9

Tukha kai lä äni hai bungtä cung bawi-a awng haw hethang vi. Kai lä Ubädi lo tängai te hai-a kai ma tea khimi käcüng-a bälawng te y vi. Khrista tea yng te hai-a kai lä khimi käcüng-a aelawng te kae. Honi cüng saite lä kai lä Isu tea yng te phüng-a, Säthaw ma kai tea py saite kae vi.

2 Timote 1:5

Nang üng yng tätang saite tea kai lä aedawng haile te vi. Nang üng kangsi nä-awi Lo-i, hai nang nä-awi Euni ni lä Isu Khrista tea yng te cakhi hawi te vi. Nang la vaihi änini kätyng yng te cakhi by vi näte kai lä ae-y khü te vi.

Titas 1:1

Hini cae lä Säthaw üng mawsawng hai Isu Khrista üng angtawtha saite kai, Pawlae, ma tärü te vi. Säthaw ma re saite khimi na üng yng te aethaw awng hethang hai äni ce lä Isu üng mätu saite älo mitang tea mäny rae hethang Säthaw ma kai bung mätaw te vi. Tukha äni ce lä Säthaw tea tämö khai te mätü te älang-a awng ö ai.

Titas 1:4

Mä-ai üng yng saite sangrung hai-a kai üng cäpaw tätang kätyng awng saite Tita tea kai lä hini cae tärü te vi. Mä-ai üng Pä-ai Säthaw hai mä-ai üng Aeqangkung Isu Khrista ma nang tea tähang kähawi, bäheng saite hai awngneng saite py sy.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Jako 1:1

Säthaw hai Areng Isu Khrista üng mawsawng kai, Jaeko, lä mityng qütä-a aehi sangxang saite Isrelae ceng hawlai netä na tea kawng te lo thui te vi.

1 Piter 1:1

Hini cae lä, Isu Khrista üng angtawtha, kai, Peterae te üng vi. Ponta khö, Kalatia khö, Kapadokia khö, Asia pre cäpi hai Bethunia khö-a angvüng angvaw na kätyng aehi sangxang saite Säthaw üng khimi na tea kai lä cae tärü te vi.

1 Piter 1:7

Hini käny saite na lä nang ce üng yng saite tätang vi näte tea mätü ai. Khimi ce lä pra haw saite sui tea mäteng ma mai hai säny kha mäcai ö te vi. Nang ce üng yng saite lä hini sui qawng-a ävang tingky te vi. Tukätephüng-a nang ce üng yng saite lä mätang bälai te hai-a käny dylä, nang ce üng yng saite lä cakhi ö vi ai. Nang ce lä hini kätyng yng dylä, Isu Khrista ly haile te kätü-a Säthaw ma nang ce tea bälaw vi ai. Tukha äni lä nang ce tea phung-ang hai tämö käleng khai saite na py vi ai.

1 Piter 2:7

Hini lungphö lä yng saite nang ce tähang ävang ting te vi. Tungaila yng y saite khimi na tähang Caekäcai thung-a tärü te lä, “Ing sa saite kung na ma hini lungphö tea khaisö ngaila, aely lengky saite lungphö-a bälawng vi dy” näkha awng te vi.

1 Piter 5:1

Kai ma khekhe lä kangkawng üng mätawngky vi kha nang ce thung üng kangkawng mätawngky na tea mäci te vi. Kai lä Khrista üng mätang bälai saite na tea nung khe kha thui te vi. Säthaw ma Khrista üng phung-ang täphawng te kätü-a, hini phung-ang thung-a kai lä qa vi ai.

2 Piter 1:4

Äni üng phung-ang hai hawi saite hai-a äma lä mä-ai tea lengphi saite hai ävang käting älo aedo saite na py te vi dy. Tukätephüng-a äni üng älo aedo saite na hai-a nang ce lä hini älawngpre üng ngaiphi tüng y saite hai-a täphra saite üng aelawi kha Säthaw üng käcüng aeme aeqa saite kätyng nang ce üng käcüng-a aeme aeqa saite thung-a la awng haw ö vi ai.

Judae 1:1

Kai, Judae, Isu Khrista üng mawsawng hai Jaeko üng kangby ma hini cae tärü dy. Mä-ai üng Pä-ai Säthaw ma re ea äma üng bälung aevaw saite thung-a awng kha Isu Khrista ma aedung hai saite khimi angxynlyng na tea hini cae tärü te vi.