2 Korin 8:9 - Caekäcai Kangthae (Lemi)

⁹ Nang ce lä mä-ai üng Areng Isu Khrista üng tähang kähawi tea mäny ö te vi. Äni lä tawngnang ngaila, nang ce tähang kangtang-a aelawng te vi dy. Äni üng kangtang saite hai-a, nang ce lä tawngnang ö te vi dy.

Asang Khongso New Testament

⁹ Nangcae mah aicae Angraeng Jesuh Khrih ih tahmenhaih to na panoek o; anih loa angraeng parai e, nangcae hanih pongah kamtang ah a coengh, totiah a coenghhaih ih loa angmah ih amtanghaih hoiah nangcae to angraengsak han koeh pongah ni.

2 Korin 8:9 ပူးပေါင်းရင်းမြစ်များ

Mathai 17:27

Tungaila äni ce kädawtho y hethang nang lä tuilipui-a ly kha mawibawng lawi. Angcü-a dang mang saite mawi täbawng khawi kha kheng. Phawisae pjaetä dang ai mang. Honi phawisae pjaetä lä mä-ai ni maimö ko hethang aelo te vi. Honi phawisae la kha mä-ai ni tähang äni ce tea maimö py pa” näkha näpa.

Mathai 20:28

Kai, Khimi üng Cäpaw, tea khimi ce ma mawsawng sa hai hethang ly te y vi. Kai lä khimi ce üng mawsawng-a awng hethang hai khimi ce bung awng mang-a aeqang hethang hai Kai üng hing saite khaisö hethang ly te kae vi” näkha näpa.

Mathai 8:20

Isu ma äni tea “Kivae na lä äkhaw awng. Tävaw na lä täbö awng. Tungaila Kai, Khimi üng Cäpaw, lä älö qu nae mäteng awng te y” näkha näpa.

Marka 6:3

Äni lä lasämae kae be. Maeri üng cäpaw y vi nang mei. Jaeko, Josefae, Judae, hai Simon ce üng jä-ai y vi mei. Äni üng ticaw na lä mä-ai hai hi-a awng te y mei” näkha näpa. Tukätephüng-a äni ce lä Isu tea tämö khai pa ö y dy.

Luka 16:11

Tukätephüng-a nang ce lä älawngpre üng ingthawng tawng tea ae-y nae hawi y vi dylä dungtä ävang ting saite vyngsai-a la Säthaw ma nang ce tea ae-y ngang y vi.

Luka 2:7

Maeri lä äcäpaw cälö lawngtä aepeng pa dy. Äma lä äni bung libyng käsa hai säbang kha raebawi raca mäcaw te okö haetä thung-a khai pa dy. Angvüng aehae nae thung-a änini tähang mityng awng pa y te phüng-a Maeri lä hini kä sa te vi.

Luka 8:3

Herodae üng ingthawng rui saite mätawngky Kuza üng nawngpui Joana la qa by. Tukha Susana hai nawngmädi kälang na la hui ö by. Hini nawngmädi na lä äma ce üng vyngsai na hai-a Isu hai äkähui na tea säbawng pa ö dy.

Luka 9:58

Isu ma “Kivae na lä äkhaw awng. Tävaw na lä täbö awng. Tungaila Kai, Khimi üng Cäpaw, lä älö qu nae mäteng awng te y vi” näkha näpa.

Johan 1:10

Äni lä älawng-a awng kha Pä-ai lä älawng bung äni hai-a sa te vi. Tungaila älawng khimi na lä äni bung mäny y.

Johan 1:14

Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Johan 1:17

Säthaw lä Mosi te mang hai-a Ubädi lo py kha Säthaw üng bälung kähawi hai mitang khü lä Isu Khrista hai-a tyng dy.

Johan 12:30

Isu ma “Hini ätüng lä kai tähang y lyng. Nang ce tähang kae.

Johan 16:15

Pä-ai ma pyng saite angxynlyng na lä, Kai hai aesui bawi te vi. Tukätephüng-a Kai ma ‘Honi Muilaw Käcai lä Kai te üng dang saite älo na nang ce tea thui pa ai’ näkha Kai lä thui te dy.

Johan 17:19

Äni ce lä Säthaw tähang mä-ai ma bung aepy hethang tähang-a, Kai lä äni ce tähang Kai ma bung aemäthy ping te vi dy.

Pawlae ma Rom märü üng kangkawng tähang tärü saite cae 11:12

Judae khimi na üng hunghö sa saite phüng-a, älawngpre-a awng saite khimi kälang na tea tähang kähawi na dang hai mang ö te vi. Judae khimi na sa tämang te phüng-a, Säthaw lä ceng kälang na tea tähang kähawi na py mang te vi. Tudylä Säthaw ma re saite Judae khimi angxynlyng na yng te kätü-a, hini qawng-a cang y khimi angxynlyng na lä tähang kähawi dang ö rae vi ai.

Pawlae ma Rom märü üng kangkawng tähang tärü saite cae 15:3

Khrista lä äma üng aely kängai hui y lyng. Caekäcai thung-a, “Khimi ce ma nang tea käsi prawng saite lä tätang kai tea käsi prawng te vi dy” näkha tärü te kätyng vi.

Pawlae ma Rom märü üng kangkawng tähang tärü saite cae 5:8

Tungaila Säthaw lä mä-ai tea matangtä bälung aevaw mei näte mätü pyng te vi dy. Mä-ai lä hunghö sa te thüng-a, Khrista lä mä-ai tähang dü pa te vi dy.

Pawlae ma Rom märü üng kangkawng tähang tärü saite cae 8:32

Äma üng Cäpaw khekhe bung mäsai y käla, mä-ai angxynlyng tähang löci sa pa vi dy. Äcäpaw bung py saite Säthaw lä ngai saite angxynlyng na mä-ai tea py tätang khaw vi ai.

1 Korin 1:4

Kai lä nang ce tähang Säthaw tea kawng te lo thui jawjaw vi. Ätephüng-a mei nädylä Säthaw lä Isu Khrista hai-a nang ce tea tähang kähawi py te phüng-a vi.

1 Korin 15:47

Angcüky üng khimi Adam bung Säthaw lä hini älawngdi hai sa te vi. Khrista näsaite äbaeni üng Adam lä Känipre mang üng tyng te vi.

2 Korin 13:14

Areng Isu Khrista üng tähang kähawi, Säthaw üng bälung aevaw saite hai Muilaw Käcai üng aede saite lä nang ce angxynlyng na hai mangtä awng sy.

2 Korin 6:10

Kai ce lä bälungsi ngaila, anghawtho haw ö jawjaw te vi. Kai ce lä tangkae awng y ngaila, khimi awng mang saite na tea Säthaw üng tähang kähawi tha haw ö te vi. Kai ce lä äte haetä la awng ö y ngaila, Säthaw lä kai ce tea äte angxynlyng na py te vi dy.

Ephesi 2:7

Ätephüng-a mei nädylä äni lä vaimaw mang üng khimi na tea Säthaw üng tähang kähawi leng bärai saite mäteng ma mätü haw hethang tähang vi. Säthaw üng tähang kähawi lä äte kälang angxynlyng na qawng-a lengky te vi. Äni lä mä-ai hai Isu Khrista tea bungtä bälawng te hai-a äma üng tähang kähawi leng bärai saite mä-ai tea mätü te vi dy.

Ephesi 3:19

Khrista üng bälung aevaw saite lä leng bärai te phüng-a, khimi ce lä thaikaw haw king ö y lyng. Tungaila nang ce lä äni üng bälung aevaw saite tea mänykaw ö hethang kai lä aetang te vi dy. Tudylä Säthaw äma üng aeme aeqa saite na lä nang ce üng bälung thung-a awng kha cungrü haw ö vi ai.

Ephesi 3:8

Kai lä Säthaw üng khimi angxynlyng na thung-a aely leng y ky saite lawngtä vi. Tungaila Säthaw lä ceng kälang na tea Khrista üng tengxyng y tawngnang saite phüng thui hethang kai tea tähang kähawi py te vi dy. Hini Khrista üng tengxyng y tawngnang saite phüng lä khimi ce ma thaikaw saite qawng-a hawiky te vi.

Kolosa 1:24

Nang ce tähang mätang bälai saite phüng-a vaihi kai lä anghawtho te vi. Khrista lä kai bung mätang bälai hai he ngai te angxynlyng na tähang-a kai lä aerü rüng te vi dy. Khrista üng ätabung kätyng awng saite kangkawng tähang mätang saite tea äma üng aely kängai cungrü hai hethang kai lä mätang te vi.

1 Timote 6:18

Khimi ce tea säbawng hethang thui pa. Äni ce lä hawi saite kälu na sa hethang kae. Khimi ce tea mäsai y käla py hethang hai äma ce üng vyngsai na khimi kälang na tea bäri hethang äma ce üng ngai te kätyng äni ce tea mätu pa.

Hebrai 1:2

Tungaila vaihi kangkhüng käni-a lä Äcäpaw te mang hai-a mä-ai tea älo thui te vi dy. Säthaw lä Äcäpaw hai-a käni hai älawng sa kha äte angxynlyng na tea pyng hai hethang re vi dy.

Jako 2:5

Kai üng bälung aevaw saite kangby jä-ai na ä, tängai ö! Säthaw lä hini älawngpre-a khimi kangtang na bung re te vi. Äni ce lä Isu tea yng te phüng-a, tätang tawngnang saite na vi. Säthaw lä äma tea bälung aevaw saite khimi na tea lä äma üng pre py hethang älo aedo te kätyng khimi kangtang na tea äma üng pre dang te thung-a qa hai ö te vi.

Lokphong 2:9

Nang ce üng mätang te hai mätangca saite na kai lä mäny. Tungaila nang ce üng yng saite na lä tawngnang ö te vi. Mä-ai ma tea Judae khimi näkha thui saite na lä Säthaw ma re saite khimi na kätyng sa y te na ma nang ce tea käsi prawng saite na kai lä mäny vi. Äni ce lä Setan angra üng äkähui thung üng na kae.

Lokphong 21:7

Kai lä bäja saite khimi na tea hini angxynlyng na py ai. Kai lä äni ce üng Säthaw-a aelawng kha äni ce la Kai üng cäpaw na-a aelawng ö ai.

Lokphong 3:18

Tudylä nang ce lä Säthaw üng maw-a tawngnang hethang mai hai mäcai pyng saite sui tea kai te üng rang hethang nang ce tea kai lä thui he ngai te vi. Nang ce üng aekhu aena nae awng y saite tea saerae y hethang kai te üng kä-o kanglung käcai tea rang ö. Nang ce üng ämi nung hethang ämi aemäcai nae aesi la rang ö ba.