2 Korin 8:7 - Caekäcai Kangthae (Lemi)

⁷ Nang ce lä tengxyng y äte angxynlyng na-a tawngnang ö vi. Nang ce üng yng saite, älo thuikaw saite, mänykaw saite, säbawng he ngai saite bälung hai kai ce tea bälung aevaw saite na awng ö vi dy. Tukätephüng-a nang ce lä hini bälung aevaw saite üng kälu tähang bäsai y käla py hai hethang kai ce lä ngai hai ö te vi.

Asang Khongso New Testament

⁷ Nangcae loa taanghaih, lokthuihhaih, panoek thaihaih, mi abom koehhaih hoi kaicae palunghaih ihnawk pongah nangraeng o parai. Topongah hi amlunghaih tok pongah to doeh kuuhoih hanah kang koeh o.

2 Korin 8:7 ပူးပေါင်းရင်းမြစ်များ

Mathai 25:22

“Tupyng-a sui phawisae sang netä, dang saite mawsawng lä ly ea ‘Särae ä, nang ma kai tea rui pa hethang py saite sui phawisae sang netä a vi. Kheng e, kai ma sang netä tea kaepai sa kha sang netä aepu hai rae dy’ näkha näpa.

Pawlae ma Rom märü üng kangkawng tähang tärü saite cae 15:14

Kai üng kangby jä-ai na ä, nang ce lä hawi saite na hai bälunghae saite angxynlyng na awng näte kai lä ae-y khü te vi. Nang ce lä nang ma ce tingtawi aemätu haw ö te vi.

1 Korin 1:5

Nang ce lä Khrista hai bungtä te phüng-a, Säthaw lä nang ce tea ngai saite angxynlyng na cungrü-a py pyng te vi dy. Säthaw lä nang ce tea äma üng Angthang Kähawi khimi kälang na tea thuikaw saite hai bälunghae saite angxynlyng na py te vi dy.

1 Korin 12:13

Honi kätyng-a, Säthaw ma mä-ai angxynlyng na, Judae khimi na, khimi ceng kälang na, mawsawng tangnae na hai, khimi kaelawi na tea lä Muilaw Käcai hai-a mä-ai bung ätabung haetä thung-a baptismae py te vi dy. Säthaw lä mä-ai üng bälung thung-a mangtä saite Muilaw Käcai bung mäkung pyng vi dy.

1 Korin 12:8

Muilaw Käcai ma khimi lawngtä tea lä bälungkähae hai thuikaw saite py vi dy. Lawngtä tea lä äni ma mänykaw saite hai Säthaw üng Angthang Kähawi thuikaw saite py te vi dy.

1 Korin 13:2

Kai lä buisaw lo thui haw te läsy, Säthaw üng ho saite lo angxynlyng na tea mänykaw te läsy, bälunghae saite angxynlyng na awng te läsy, me anghung na tea mäthuija haw te khytä yng te awng ngaila, kai üng kangby jä-ai na tea bälung aevaw y dylä, kai lä aetütü kae.

1 Korin 13:8

Bälung aevaw saite khimi lä dungtäsa bälung aevaw haw te vi. Tungaila buisaw lo thuikaw saite na, mäny haw y saite lo thuikaw saite na hai mänykaw saite angxynlyng na lä khimi ce ma tawng ö y vi ai dy.

1 Korin 14:12

Nang ce lä Muilaw Käcai üng py saite sakaw te na tea ngai ö phi te vi. Tukätephüng-a Khristen kangkawng aethaw awng hai hethang säbawng saite sakaw te na dang he nang ce lä ngaiphi te bälung awng ö.

1 Korin 4:7

Ämi lawngtä ma la nang ce bung lä khimi kälang na qawng-a aely lengky hethang sa y lyng. Nang ce tea awng saite angxynlyng na hai sakaw saite na lä Säthaw ma py vi dy. Tukätephüng-a nang ce lä nang ma ce tea aethaw hethang kae y. Nang ce tea awng saite hai sa haw saite lä Säthaw üng lasawng na vi.

2 Korin 7:7

Kai ce lä Tita tyng te phüng-a qaitä anghawtho te y. Nang ce ma äni tea säbawng te phüng-a la anghawtho ö te by vi. Nang ce ma kai ce hai aeting hethang ngai phi vi näte phüng, kai ce üng mätang bälai saite phüng, nang ce lä bälungsi te hai kai ce tea säbawng hethang ngai ö te phüng, Tita ma thui pa te phüng-a, kai la tengxyng y anghawtho bärai te vi dy.

2 Korin 8:6

Tukätephüng-a hini kälu aetawng saite Tita tea nang ce thung-a hini bälung aevaw saite üng kälu tea sa khüng hethang kai lä mäci te vi dy.

2 Korin 9:14

Säthaw ma nang ce tea py saite tähang kähawi käleng phüng-a, äni ce lä nang ce tea bälung aevaw phi kha nang ce tähang Säthaw tea aetang pa ö ai.

2 Korin 9:8

Säthaw lä nang ce tea tähang kähawi cawngkhang na py haw te vi. Tupyng-a nang ce lä äly ngai saite angxynlyng na awng kha kälu kähawi cawngkhang na sa haw hethang awng mai vi ai rawng.

Ephesi 4:29

Älo aetütü saite na hai khimi kälang na tea naw rung khytä aepe ö hang. Honi jüng-a, khimi kälang na aethaw dang saite lo na nang ce lä aepe ö. Thai saite na tähang aesäbawng saite lo na aepe ö ba.

Filipi 1:11

Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.

Filipi 1:9

Nang ce üng bälung aevaw saite hai bälungkähae hai kätüng mäny saite thung-a ryng rae ryng rae hethang tähang kai lä aetang te vi.

2 Thesalon 1:3

Yng saite kangby jä-ai na ä, kai ce lä nang ce tähang kätü qütä Säthaw tea kawng te lo thui jawjaw hethang kae ö te vi. Kai ce lä hikä sa hethang hawi khaw ö vi. Ätephüng-a mei nädylä, nang ce üng yng saite ryng rae, ryng rae kha lawng lawngtä tea bälung aevaw qi saite lä äkung na kätyng aepa phung jawjaw ö te phüng-a vi.

2 Timote 2:1

Timothe ä, nang, lä kai üng cäpaw kätyng vi. Isu Khrista ma nang tähang py saite tähang kähawi hai aethaw aela ba.

Hebrai 12:28

Ämi ma la tähüng haw y saite pre-a mä-ai lä dang te phüng-a, Säthaw tea kawng te lo thui ö si. Mä-ai lä Säthaw üng bälung kawng hai saite älang hai-a äni tea cäphaw ö si. Äni tea ri kha tämö khai ö si.

1 Piter 1:22

Nang ce üng lo mitang tängai saite hai-a, nang ce lä käcai na-a lawng ö te vi dy. Tukha nang ce lä nang ma ce üng yng saite äpy kälang na tea bälung aevaw khaw ö te vi. Lawng lawngtä tea bälung mäke hai bälung aevaw ö lawi.

2 Piter 3:18

Tudylä mä-ai üng Aeqangkung Areng Isu Khrista üng tähang kähawi tea mänykaw rae kha äni bung mäny rae hethang aethawsa ö. Areng tea phung-ang käleng lä vai üng hai dungtäsa awng jawjaw sy. Amen.

Lokphong 3:17

Nang ce ma, “Kai ce lä tawngnang vi. Ngai saite angxynlyng na awng vi dy. Täkang y dy lyng” näkha thui ö vi. Tungaila nang ce lä tähang si te hai bäheng hethang hawi ö te vi. Nang ce lä kangtang kanglai, ämi kangjö, hai aekhu aena nae awng ö te y vi. Tungaila honi na tea nang ce lä mäny ö te y.