2 Korin 7:11 - Caekäcai Kangthae (Lemi)

¹¹ Säthaw ma bälungsi saite hai-a nang ce üng bälung thung-a äte sa mei näte aedawng ö. Nang ce lä Säthaw tähang aethaw rae ö phi te vi. Nang ce lä hunghö sa saite thung-a qa y näte mätü hethang aethawsa ö te vi dy. Nang ce lä hunghö sa saite khimi na tea kädawtho ö te vi. Nang ce lä Säthaw tea ri ö te vi. Nang ce lä kai tea aeting haile hethang ngai ö phi te vi. Nang ce lä kai tea awng mang-a säbawng hethang ngai ö te vi. Nang ce lä hunghö sa saite khimi tea bäjeng ö hethang ngai te vi dy. Nang ce lä honi hunghö sa saite na thung-a qa y näte mätü ö king te vi dy.

Asang Khongso New Testament

¹¹ Sithaw mah nangcae palungsethaih to kawbangmaw patoh tito khen o noek ah: kawkruk maw tha ang hmaesak o boah moa zaehaih na tawn o ai tito kawkruk maw amtuengsak han paroeai na koeh o hae! Palung na phui o, na tasoeh o, na poek na dawn o, palungthin nang paek o, sakzaehaih ih to dan paek mue mue han na koeh o! Hi hmuen boiboih ah nangcae loa sakzaehaih om ai tito namtuengsak o boah.

2 Korin 7:11 ပူးပေါင်းရင်းမြစ်များ

Marka 3:5

Äni ce lä bälung tangkö te phüng-a Isu lä kädawtho te hai äni ce te mang-a aehawi ea kheng pa. Tukha khimi känaw tea “Nang üng äkö bäjang lawi” näpa. Tukha äni lä äkö mätaw ea äni üng äkö la hawi ping pa vi dy.

Johan 2:17

Äkähui na lä Caekäcai ping thung-a tärü saite aedawng va ö dy. “Säthaw üng Ingkäcai tea bälung aevaw te lä kai üng bälung tea maikang te kätyng kae dy” näpa.

Angtawtha 17:16

Pawlae lä Athen märü-a, Saila hai Timothe ni bung aering kha awng te thüng-a, honi märü-a mimi na awng mang te nung ea lä, äni lä bälung hawi y vi dy.

Pawlae ma Rom märü üng kangkawng tähang tärü saite cae 11:20

Älawng mang. Judae khimi na lä yng y te phüng-a, äni ce lä cangpre tängang saite kätyng vi. Nang ce lä yng ö te phüng-a, aesätawng haw te kae. Tungaila aethaw ö hang. Ri saite bälung awng ö.

Pawlae ma Rom märü üng kangkawng tähang tärü saite cae 14:18

Hini älang hai-a Khrista üng kälu sa dylä, nang lä Säthaw tea anghawtho hai kha khimi ce ma la nang tea bälaw ö vi ai.

Pawlae ma Rom märü üng kangkawng tähang tärü saite cae 3:5

Tungaila khimi phütä ma, “Mä-ai üng hawi y sa saite na lä Säthaw üng sa saite kätüng tea mätü rae te vi” näpa. Mä-ai lä ätemakä thui haw ö ai mei. Khimi phütä na hokä dylä, “Säthaw ma mä-ai tea dengpy te lä tüng y vi” näkha thui ö ai. (Hini kätyng kai ma thui te lä khimi ce üng kaedawng kätyng thui te kae.)

1 Korin 12:25

Tudylä ätabung üng kaepreng na lä ätäphü hethang kae y. Kaepreng na lä haetä tea haetä aesäbawng hethang kae.

1 Korin 5:13

Kangkawng üng ärang-a awng saite khimi na tea lä Säthaw ma tätang tärae cei vi ai. Caekäcai thung-a honi phüng thui te lä, “Hawi y saite khimi bung lä nang ce thung üng mäthoja la” näkha awng vi.

1 Korin 5:2

Nang ce lä saerae kha bälungsi hethang awng ngaila, aethaw ö lae te vi. Hini khimi bung lä nang ma ce thung üng mäthoja hethang kae.

2 Korin 13:7

Nang ce äte haetä la sa tämang y hethang kai ce lä Säthaw tea aetang ö te vi. Kai ce lä Säthaw üng tüng saite angtawtha na vi näte khimi ce üng maw-a mätü hethang y. Tungaila nang ce kätüng sa saite lä aely leng te vi. Kai ce üng phüng khimi ce dawng saite lä aely leng te y.

2 Korin 2:6

Nang ce thung üng khimi awng mang saite na lä hunghö sa saite lawngtä tea bäjeng rüng pyng te vi dy. Hini bäjeng saite lä äni tähang aeteng khaw te vi.

2 Korin 6:4

Kai ce lä Säthaw üng mawsawng na lawng vi näte älang cawngkhang hai-a mätü ö te vi. Kai ce lä mätang bälai saite, rae saite na, xhuxa saite na hai aeting te kätü-a, änawngsa kha khung ö te vi.

2 Korin 7:1

Kangby jä-ai na ä, Säthaw üng hini aedo saite na lä mä-ai tähang vi te phüng-a, mä-ai ma tea ätabung hai bälung üng ngaiphi tüng y saite angxynlyng na tea lä aemäcai pang ö si. Mä-ai lä Säthaw tea ri kha tämö khai saite hai-a käcai ping-a awng ö si.

2 Korin 7:7

Kai ce lä Tita tyng te phüng-a qaitä anghawtho te y. Nang ce ma äni tea säbawng te phüng-a la anghawtho ö te by vi. Nang ce ma kai ce hai aeting hethang ngai phi vi näte phüng, kai ce üng mätang bälai saite phüng, nang ce lä bälungsi te hai kai ce tea säbawng hethang ngai ö te phüng, Tita ma thui pa te phüng-a, kai la tengxyng y anghawtho bärai te vi dy.

2 Korin 7:9

Vaihi kai lä anghawtho te vi. Nang ce lä bälungsi hai ö te phüng-a y lyng. Tungaila nang ce üng bälungsi saite hai-a, nang ce lä ae-ui ö te phüng-a vi dy. Säthaw lä nang ce üng bälungsi saite tawng kha nang ce tea hawi saite na-a mäqa pa te phüng-a, kai ce lä nang ce tea naw hai te y vi.

2 Korin 9:2

Nang ce lä säbawng hethang bälung awng ö vi näte kai lä mäny vi. Kai lä nang ce üng phüng hini Makedonia khö-a awng saite kangkawng na tea aethaw pyng te vi dy. Kai lä äni ce tea, “Jangni üng khösäning-a ma Käri pre üng Khristen na lä säbawng hethang aerü rüng ö pyng te vi dy” näkha näpa. Nang ce üng bälung aepy saite lä Makedonia khö üng Khristen na tea la bälung aethaw awng hai ö te by vi.

Ephesi 4:26

Nang ce kädawtho dylä, hunghö sa ö hang. Käni düng y te kälang-a ma kädawtho te aenawng ö lawi.

Ephesi 5:11

Käving thung-a awng saite khimi na lä ävang käting y sa ö te vi. Nang ce lä äni ce üng sa saite na thung-a qa ö hang. Honi jüng-a hikä käsi sa saite na tea lä täphawng pa ö.

Filipi 2:12

Hokä dylä kai üng yng saite rawijae na ä, kai hai awng te kätü-a nang ce lä kai lo tängai jawjaw te kätyng vaihi kai hai hanglaw ea la älo tängai hethang lä aely lengky rae te vi. Nang ce lä Säthaw tea käsawtho kha ri te hai ma nang ma ce üng aeqang saite cungrü hai hethang aethawsa ö jawjaw ba.

1 Thesalon 4:6

Hini kai ma thui te kätyng-a nang ce lä yng saite kangby jä-ai na tea kaeling kaemae hai sa tämang he kae y. Nang ce tea kai ce lä sädi py kha thui ö pyng te vi dy. Hokä sa saite khimi na tea lä Säthaw ma tärawitha tyng vi ai.

1 Timote 5:20

Hunghö sa saite mätawngky tea lä yng saite angxynlyng na üng maw-a pring pa. Honi kätyng sa dylä, mätawngky kälang na lä hunghö sa hethang ri ö ai mang.

2 Timote 2:15

Nang lä Säthaw üng maw-a aedaw ea äni üng kawng hai hethang aethawsa ba. Nang ma üng kälu tähang aejae y käla sa saite khimi-a lawng ba. Lo mitang tea kähawi-a mätu khü saite khimi-a lawng ba.

Titas 3:8

Hini lä ae-y nae hawi saite lo na vi. Hini na phüng kai lä nang ce tea kähawi-a thui hethang ngai te vi. Tudylä Säthaw tea yng saite khimi na lä kälu kähawi sa te hai äma ce üng kätü aepy haw ö ai. Hini mätu saite na lä khimi qütä tähang hawi la hawi, maw la cawng hai te vi.

Hebrai 4:1

Säthaw lä mä-ai tea Äma aehae saite mityng-a kung haw hethang älo aedo te awng vi. Tukätephüng-a nang ce thung üng ämi la Äni üng aehae nae tea mäqaw y hethang sädi khai ö.

Jako 3:17

Tungaila Säthaw te üng tho saite bälung kähae lä angcüky-a cai te vi. Honi lä awngneng saite, bälung hawi saite, khimi kälang na tähang aedawng kaw pa saite, bäheng saite hai kälu kähawi sa saite na vi. Honi lä khimi ce üng mimai kheng te hai käjüng sa te awng y.

1 Piter 1:17

Säthaw ma khimi ce tea tärae cei te kätü-a lä mimai kheng te y. Äni lä khimi qütä üng sa saite kätyng tärae cei vi ai. Nang ce aetang te kätü-a, hini Säthaw tea lä, “Mä-ai üng Pä-ai ä” näkha thui ö te vi. Tukätephüng-a nang ce lä hini älawngpre-a awng te thüng-a, Säthaw tea ri kha tämö khai ö.

1 Piter 2:2

Kangthae aepeng saite äby na lä känö tui aehe ö te vi. Hini kätyng Muilaw Käcai ma py saite känö tui tätang tea nang ce lä aehe ö jo. Honi känö tui tätang nei te hai-a Säthaw üng aeqang saite cungrü pyng te kätü-a, nang ce lä ryng haw ö te vi.

Judae 1:23

Phütä na bung lä mai thung üng aetho dawde te kätyng ngärei thung üng aeqang ö ba. Sa tämang saite phütä na tea bäheng te kätü-a lä, sädi khai ö. Hunghö sa saite hai pawprae saite aekhu aena nae na tea lä esäre kha aela ö hang.

Lokphong 3:19

Kai ma bälung aevaw saite khimi angxynlyng na tea kai lä dengpy kha pring te vi. Tudylä nang ce lä aethawsa kha ae-ui ö lawi.