2 Korin 6:6 - Caekäcai Kangthae (Lemi)

⁶ Kai ce lä bälung cai saite, mänykaw saite, änawngsa saite hai khimi ce tea säbawng saite bälung hai-a Säthaw üng mawsawng na näte mätü ö te vi dy. Muilaw Käcai lä kai ce üng äthung-a aeta kha kai ce üng tätang bälung aevaw saite hai la vi.

Asang Khongso New Testament

⁶ Thoengcaihaih hoiah doehsoe, panoekhaih hoiah doehsoe, palungsawkhaih hoiah doehsoe, tahmenhaih hoiah doehsoe, Cai Pakhra hoiah doehsoe, amlunghaih hoiah doehsoe,

2 Korin 6:6 ပူးပေါင်းရင်းမြစ်များ

Pawlae ma Rom märü üng kangkawng tähang tärü saite cae 12:9

Nang ce üng bälung aevaw saite lä käjüng sa hethang kae y. Hawi y saite na tea lä esäre kha hawi saite tea lä aekhaw ceng ö.

1 Korin 12:8

Muilaw Käcai ma khimi lawngtä tea lä bälungkähae hai thuikaw saite py vi dy. Lawngtä tea lä äni ma mänykaw saite hai Säthaw üng Angthang Kähawi thuikaw saite py te vi dy.

1 Korin 13:4

Bälung aevaw saite khimi lä änawngsa te vi. Äni lä bälung hawi kha khimi kälang na tea säbawng te vi. Äni lä pä-e te, aethaw te hai bälungleng te awng y.

1 Korin 2:16

Caekäcai thung-a tärü te lä, “Ämi la Areng üng bälung thung-a dawng saite tea mäny haw y. Ämi lawngtä la Säthaw tea mätu haw y lyng” näkha awng te vi. Tungaila mä-ai yng saite khimi na lä Khrista kätyng aedawng ö te vi.

1 Korin 2:4

Kai lä nang ce tea Säthaw üng angthang thui te kätü-a, kai ma üng bälunghae saite hai thui te y vi. Nang ce tea the saite lo na tawng kha thui te y lyng. Kai lä nang ce tea Muilaw Käcai üng haidae mätü hethang ngai te vi dy.

2 Korin 1:23

Kai üng lo mitang hai thui saite tea mäny kha Säthaw lä kai üng sasi vi dy. Kai lä nang ce tea bälung aethawsi hai hethang ngai y te phüng-a, Korin märü-a aekö haile y vi ai dy.

2 Korin 11:11

Kai lä nang ce tea bälung aevaw y te phüng-a, hini kätyng thui te mei. Kai lä nang ce tea bälung aevaw vi näte Säthaw lä mäny te vi.

2 Korin 11:4

Khimi lawngtä lä nang ce tea ly kha kai ce ma Isu phüng thui saite hai aetawng y saite phüng thui dylä, nang ce lä anghawtho kha tängai ö te vi. Y dylä Säthaw ma nang ce tea py saite Muilaw hai aetawng y saite phüng tea khimi lawngtä ma thui dylä, nang ce lä lady ö vi. Nang ce yng saite hai aetawng y saite Angthang Kähawi tea khimi lawngtä ma thui dylä, nang ce lä jahaw-a yng ö vi.

2 Korin 11:6

Kai lä älo thuikaw phi saite y ngaila, ätete na mäny haw hethang bälungkähae awng te vi. Hini lä kai ce ma älang cawngkhang na hai nang ce tea mäny hai rüng ö pyng te vi dy.

2 Korin 12:15

Kai tea awng saite angxynlyng na nang ce tea py hethang tähang-a kai lä anghawtho vi ai. Kai lä nang ce tea säbawng he kai üng hing saite mäteng ma py hethang awng rüng te vi. Kai lä nang ce tea bälung aevaw phi te phüng-a, nang ce lä kai tea äje cäcaw bälung aevaw ö te vi mei.

2 Korin 13:10

Tukätephüng-a kai lä kähanglaw-a awng te thüng-a, hini phüng na cae tärü te vi. Tudylä kai tyng te kätü-a, kai lä Areng ma py saite aenae hai nang ce tea pring y lyng. Hini aenae lä nang ce üng yng saite lä aethaw awng hethang Areng ma kai tea py te vi. Nang ce tea aethawsi hai hethang y lyng.

2 Korin 2:10

Nang ce ma khimi ce üng hunghö na bälawi dylä, kai la äni ce tea bälawi te by vi. Hunghö bälawi hethang awng dylä, Khrista maw-a nang ce üng phüng-a kai lä hunghö bälawi pyng te vi dy.

2 Korin 2:4

Jangni üng cae tärü te kätü-a, kai lä bälungbi, bälung mawng kha minaw tui na rui te vi dy. Kai üng mawlang kaedawng lä nang ce tea bälungsi hai hethang y. Tungaila kai lä nang ce tea makätangtä bälung aevaw mei näte tea mäny hai hethang ngai te vi.

2 Korin 3:3

Khrista khekhe ma hini cae tea tärü kha kai ce hai-a tha te vi. Hini cae lä caetui hai tärü te y. Hing saite Säthaw üng Muilaw Käcai hai tärü te vi. Honi lä kälung phei na qawng-a tärü te y. Khimi ce üng bälung thung-a tärü te vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

2 Korin 7:2

Kai ce tea nang ce üng bälung aevaw kha lady ö. Kai ce lä ämi tea la sa tämang ö te y. Yng saite tämang hai ö te y. Kaeling kaemae la sa ö te y vi.

Galati 3:2

Nang ce tea kai lä älo haetä düng hethang ngai vi. Säthaw lä nang ce tea Muilaw Käcai bung makäte phüng-a py te mei. Mosi üng Ubädi tea hui ö te phüng-a mei. Y dylä Khrista üng Angthang Kähawi thai kha yng ö te phüng mei.

Galati 3:5

Säthaw lä Muilaw Käcai bung nang ce tea py kha nang ce thung-a cangxei saite na sa pa te lä, Ubädi tea nang ce hui ö te phüng-a mei. Tukä y lyng. Äni üng Angthang Kähawi thai kha yng ö te phüng-a kae.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

Ephesi 3:4

Hini tea phai te kätü-a Khrista üng ho saite angthang kai thaikaw saite tea nang ce la mäny ö ai mang.

Ephesi 4:2

Nang ce lä kätü qütä-a bälung aemäneng kha äkäneng-a awng ö. Änawngsa te hai lawng lawngtä tea bälung aevaw te hai khung kha awng ö jaw jaw ba.

Ephesi 4:32

Nang ce lä nang ma ce tingtawi aebäheng kha bälung aevaw ö ba. Säthaw lä Isu Khrista üng phüng-a nang ce üng hunghö na bälawi te kätyng-a, hunghö na tea nang ma ce tingtawi la aebälawi ö.

Kolosa 1:27

Säthaw lä ceng kälang na tähang äma sa saite na matangtä cangxei hethang hawi mei näte äma üng khimi na tea mäny hai pa ö vi dy. Hokä sa saite lä khimi kälang na näsaite nang ce thung-a, Khrista la awng dy näte vi. Tukätephüng-a Säthaw üng phung-ang aesang saite tea nang ce la dang haw ai näkha aethang khai haw te vi.

Kolosa 2:3

Säthaw lä ho saite bälungkähae hai ävang käting angthang tea Khrista ma nang ce tea mänykaw hai te vi.

Kolosa 3:12

Nang ce lä Säthaw ma re saite khimi na vi. Säthaw lä nang ce bung bälung aevaw kha khimi käcai-a bälawng te vi dy. Tukätephüng-a nang ce lä bäheng te, änawng hawi te, aemäneng te, bälung äkäneng awng saite hai änawngsa saite na hai-a awng ö.

1 Thesalon 2:10

Kai ce lä nang ce yng saite na hai awng te thüng-a cai saite, cüng saite, cy nae awng y-a hing saite phüng lä Säthaw hai nang ce ma sasi tho haw ö khe te vi.

1 Timote 4:12

Nang lä khösäning na te phüng-a, ämi ma la mäthi y te awng hang sy ba. Nang lä älo aepe saite, hing saite, khimi kälang na tea bälung aevaw saite, yng saite, sa tämang y käla awng saite hai yng saite khimi na tähang aetu hai nae lawng sy ba.

1 Timote 5:2

Nawngmädi mätawngky na tea lä änä-awi na kätyng tämö khai kha nang ma qawng-a nade saite nawngmädi na tea lä ticaw na kätyng älo aepe ea bälung käcai hai thui ba.

2 Timote 3:10

Tungaila khimi ce tea kai ma mätu saite na nang lä kähawi-a mäny te vi. Nang lä kai üng awng saite na, mawlang tähang kaedawng saite, yng saite, änawngsa saite, bälung aevaw saite hai mätang bälaica pyng saite angxynlyng na mäny te vi dy.

2 Timote 4:2

Angthang Kähawi thui ba. Kätü na hawi te läsy, hawi y te läsy, nang lä Säthaw üng lo thui hethang aerü rüng lawi ba. Khimi ce üng sa tämang te kätü-a, nang lä äni ce tea thui pa. Käsi sa te khimi na tea pring pa. Kätüng sa saite khimi na tea aethaw py pa. Honi kälu angxynlyng na tea nang lä änawngsa bärai te hai mätu te hai-a sa ba.

Titas 2:7

Nang ma lä sa saite qütä khimi ce tähang aetu nae-a lawng he kae. Tudylä nang lä Säthaw phüng mätu te kätü-a, bälung mitang khü hai khü sälü-a sa ba.

Jako 3:17

Tungaila Säthaw te üng tho saite bälung kähae lä angcüky-a cai te vi. Honi lä awngneng saite, bälung hawi saite, khimi kälang na tähang aedawng kaw pa saite, bäheng saite hai kälu kähawi sa saite na vi. Honi lä khimi ce üng mimai kheng te hai käjüng sa te awng y.

1 Piter 1:12

Äni ce üng kälu lä äma ce tähang y käla, nang ce tähang vi näte Säthaw ma hini buisaw na tea täphawng pa te vi dy. Känipre üng mätaw saite Muilaw Käcai üng haidae hai-a, Angthang Kähawi thui saite angtawtha na te mang hai vaihi nang ce lä thai pyng saite phüng na, äni ce lä thui ö te vi dy. Hini phüng na tea lä Känipre üng angtawtha na mäteng ma mäny hethang ngai ö te by vi.

1 Piter 1:22

Nang ce üng lo mitang tängai saite hai-a, nang ce lä käcai na-a lawng ö te vi dy. Tukha nang ce lä nang ma ce üng yng saite äpy kälang na tea bälung aevaw khaw ö te vi. Lawng lawngtä tea bälung mäke hai bälung aevaw ö lawi.

1 Johan 3:18

Kai üng bälung aevaw saite caw nade na ä, mä-ai üng bälung aevaw saite lä älo hai ma qaitä aecyng haw y. Mitang khaw saite hai kähawi na sa kha mä-ai üng bälung aevaw saite na tea mätü ö si ba.