2 Korin 6:1 - Caekäcai Kangthae (Lemi)

¹ Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

Asang Khongso New Testament

¹ Topongah Sithaw hoiah nawnto toksahkung ah ka oh o pongah Sithaw ih tahmenhaih na hak o ih to azom ah na coenghsak o han aiah kang pacae o.

2 Korin 6:1 ပူးပေါင်းရင်းမြစ်များ

Mathai 23:37

“Jerusalem märü üng khimi na ä, nang ce lä Säthaw mätaw saite buisaw na bung bädü kha Säthaw mätaw saite angtawtha na bung lä kälung hai käde kha bädü ö te vi. Ae nä-awi ma äma üng mäkhi täkui-a käcüng ea äcaw na bung aw hai te kätyng, kai ma nang ce angxynlyng na tea kähawi-a aedung hai leilae hethang kai lä ngai bärai te vi. Tungaila nang ce lä kai tea ngai ö y.

Angtawtha 11:23

Äni lä honi märü-a tyng ea Säthaw üng tähang kähawi nung te kätü-a lä, anghawtho vi dy. Äni lä Areng Isu tea bälung mitang hai yng jawjaw hethang mätu pa vi dy.

Angtawtha 14:3

Pawlae hai Banaba ni la honi mityng-a käqae-a awng kha Areng üng phüng ri y te hai ma thui vawng hawi pa vi. Areng Isu ma änini tea cangxei saite na hai kamarae na sa haw hethang haidae py pa vi. Änini ma thui saite Säthaw üng tähang kähawi lä tüng vi näte mätü hethang hikä sa hai pa te vi.

Pawlae ma Rom märü üng kangkawng tähang tärü saite cae 12:1

Tukä dylä kai üng kangby jä-ai na ä, Säthaw lä mä-ai tea tengxyng y bäheng te phüng-a kai lä nang ce tea mäci hethang ngai te vi. Hing saite löci mawi kätyng nang ma ce ma Säthaw tea ae-a ö. Äni üng kälu sa hethang hai äni tea kawng hai hethang la ae-a ö. Hini nang ce üng ae-a saite lä Säthaw tea cäphaw tätang te vi.

1 Korin 3:9

Kai ni lä Säthaw üng kälu tea sa saite kangby jä-ai na vi. Nang ce la Säthaw üng lai kätyng vi. Nang ce lä Säthaw üng Ingkäcai kätyng by vi.

2 Korin 10:1

Kai, Pawlae, lä Khrista üng bälung aemäneng kha äkäneng awng saite hai-a nang ce tea thui hethang ngai te vi. Khimi phütä ma, kai lä nang ce hai aeting te kätü-a, äkäneng-a awng ngaila, hanglaw-a awng te kätü-a lä nang ce tea pring vawng vi näkha kai üng phüng thui ö te vi.

Galati 2:21

Säthaw üng tähang kähawi tea kai lä khaisö haw y lyng. Ubädi tea hui te phüng-a Säthaw ma kai tea khimi käcüng-a khai dylä, Khrista üng dü pa saite lä aetütü kae vi dy.

Galati 3:4

Nang ce lä Angthang Kähawi yng te phüng-a mätang bälai saite awng mang ö te vi dy. Nang ce üng mätang bälai saite lä aetütü y te vi näte kai lä aethang khai te vi.

1 Thesalon 3:5

Tukätephüng-a kai lä Timothe bung mätaw hethang kae te vi. Kai lä änawngsa haw y vi dy. Nang ce üng yng saite phüng mäny hethang tähang äni bung kai ma mätaw te vi dy. Setan angra ma nang ce tea the haw te hai mä-ai üng kälu sa saite angxynlyng na lä aetütü lawng ai te tähang-a kai lä bälung mawng phi vi dy.

Titas 2:11

Ätephüng-a mei nädylä Säthaw lä khimi angxynlyng na bung aeqang hethang äma üng tähang kähawi aetüng hai pa pyng te vi dy.

Hebrai 12:15

Säthaw üng tähang kähawi thung üng thoja y hethang sädi khai ö. Angjüng khaw saite äkung kätyng la aelawng y hethang sädi khai ö. Khimi lawngtä honi kung kätyng awng dylä nang ce thung-a käsi na awng mang-a sa haw te vi. Honi hai-a yng saite khimi awng mang te na tea Säthaw üng maw-a pawprae hai haw ö te vi.

Hebrai 12:25

Tukätephüng-a thui saite khimi lawngtä üng älo tea tängai y hethang sädi khai ö. Hini älawngpre-a Säthaw üng älo thui saite lawngtä üng lo tea tängai y saite khimi na tea lä Säthaw ma deng py vi. Mä-ai lä Känipre üng hai thui saite Areng üng älo tea khaisö vi dylä, Säthaw ma deng py saite thung üng ämi lä aelawi haw y lyng.

Hebrai 4:1

Säthaw lä mä-ai tea Äma aehae saite mityng-a kung haw hethang älo aedo te awng vi. Tukätephüng-a nang ce thung üng ämi la Äni üng aehae nae tea mäqaw y hethang sädi khai ö.

1 Piter 4:10

Khimi qütä tea lä Säthaw ma py te sakaw saite cawngkhang na awng qi ö te vi. Nang ce üng sakaw saite na lä khimi kälang na tea säbawng hethang kähawi-a rui khü saite khimi na kätyng tawng ö qi hethang kae.