2 Korin 5:20 - Caekäcai Kangthae (Lemi)

²⁰ Tukätephüng-a mä-ai lä Khrista üng angtawtha na lawng ö vi dy. Säthaw lä kai ce hai-a nang ce tea mäci te vi. Kai ce ma Khrista tähang-a nang ce lä Säthaw üng täre na üng hai äma üng rawijae na-a lawng ö hethang Säthaw ma kai ce hai-a mäci te kätyng aebai te hai mäci ö te vi.

Asang Khongso New Testament

²⁰ Topongah Sithaw angmah khaekhaeh mah kaicae ang patohhaih hoiah ang pacae ih batiah Khrih zuengah lok ka thuih o. Khrih zuengah kang pacae o: Sithaw mah a misa ah kaom nangcae to angmah ih ampui ah coengsak o na soe!

2 Korin 5:20 ပူးပေါင်းရင်းမြစ်များ

Luka 10:16

Isu ma äkähui na tea “Nang ce üng lo tängai saite khimi lä kai lo tängai te dy. Nang ce tea lady y saite khimi lä kai tea lady y te vi. Kai tea lady y dylä, kai bung mätaw saite Säthaw tea lady y te by kae dy” näpa.

Luka 14:23

Tukätephüng-a ingkung ma mawsawng tea ‘Märü ärang mang üng lolang cäpi, käleng na mang jung ly kha kai üng ing-a kawi hethang-a khimi ce bung ka cü.

Johan 20:21

Tupyng-a Isu ma thui pa haile te lä “Nang ce tea awngneng te awng sy. Pä-ai ma kai bung mätaw te kätyng-a, nang ce bung la kai mätaw te vi dy” näkha näpa.

Pawlae ma Rom märü üng kangkawng tähang tärü saite cae 5:10

Jangni-a mä-ai lä Säthaw üng täre na-a lawng vai ö te vi dy. Tungaila äni üng Cäpaw dü saite hai-a, mä-ai tea äni üng kangby jä-ai na-a bälawng te vi dy. Vaihi mä-ai lä Säthaw üng kangby jä-ai na lawng ö vi dy. Khrista üng hing te hai-a Säthaw lä mä-ai bung aeqang tätang khaw vi ai.

2 Korin 12:10

Khrista üng tähang-a, aethawdi saite, mänui hai saite, mätang bälai saite, sakälö khü saite hai rae saite na kai aeting dylä, kai lä kawng te vi. Kai lä aethawdi te kätü-a, Khrista üng haidae lä kai tea awng te vi.

2 Korin 3:6

Säthaw äma khekhe lä kai ce tea älo aenai saite kangthae üng mawsawng lawng hethang sakaw saite py vi dy. Honi älo aenai saite lä tärü saite ubädi hai aetawng te y. Honi lä Muilaw Käcai üng aenai saite lo vi. Tärü saite Ubädi lä mä-ai bung dü saite mang-a tha kha Muilaw Käcai lä mä-ai tea kähing py te vi.

2 Korin 5:11

Mä-ai lä Areng tea tämö khai kha ri hethang kae te mäny te phüng-a, Angthang Kähawi tea yng hethang khimi ce tea mäci ö te vi. Säthaw lä mä-ai tea mäny king te vi. Nang ce üng bälung thung-a kai üng phüng la mäny ö phi by näkha kai lä aethang khai te vi.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

Ephesi 6:20

Kai lä Angthang Kähawi thui hethang Isu Khrista ma re saite angtawtha lawngtä vi. Hini kätyng sa te phüng-a kai bung lä thawng thung-a pä-ung te vi. Angthang Kähawi tea ri y käla ma thui he kae te kätyng thui haw hethang kai tähang Säthaw tea aetang pa ö jo.

Kolosa 1:20

Säthaw lä äma üng Cäpaw tähang hai Känipre-a awng saite angxynlyng na hai älawngpre-a awng saite angxynlyng na äma tea tyng hai hethang aely ngai te vi. Äma üng Cäpaw lä thinglang qawng-a äthi lawng hai te, hai äte angxynlyng na tea Säthaw lä äma hai aede hethang älang sa pa te vi dy.

1 Thesalon 4:8

Tukätephüng-a hini mätu saite na tea elekhei sa saite lä khimi tea e te y. Nang ce tähang äma üng Muilaw Käcai py saite Säthaw tea e te kae vi.