2 Korin 5:18 - Caekäcai Kangthae (Lemi)

¹⁸ Hini angxynlyng na tea lä Säthaw ma sa te vi dy. Mä-ai lä Khrista hai-a Säthaw üng täre na lawng saite üng hai äni üng kängby jä-ai na-a lawng ö vi dy. Tudylä äni ma mä-ai tea lä khimi kälang na bung la Säthaw üng kängby jä-ai na lawng hai by hethang kälu py te vi dy.

Asang Khongso New Testament

¹⁸ Hi boiboih hae Sithaw mah a sak king, Khrih ranghoiah Sithaw mah a misa ah kaom aicae hae angmah ih ampui ah ang sak pae moa mi kalahnawk doeh angmah ih ampui ah sak hanah tok to ang paek o.

2 Korin 5:18 ပူးပေါင်းရင်းမြစ်များ

Luka 10:5

Nang ce ma khimi lawng lawngtä ing-a paw te kätü-a ‘Säthaw ma hini ing tea awngneng saite py sy’ näkha thui ö mang ba.

Luka 24:47

Hini angthang lä Mesia üng aenae hai-a pre qütä awng saite khimi na tea thui ai. Ae-ui saite khimi na tea lä Säthaw ma hunghö bälawi pa vi ai. Äni ce lä hini angthang tea Jerusalem märü üng hai aetawng kha thui ö vi ai.

Johan 3:16

Säthaw lä älawng khimi ce tea bälung aevaw te phüng-a Äcäpaw lawngtä xyng bung py vi. Äcäpaw tea yng saite khimi angxynlyng na lä muilaw dü y käla dungtäsa hing te dang vi.

Johan 3:27

Baptismae Johan ma “Säthaw ma sa te y dylä, khimi ce tea äte la aecyng y lyng.

Angtawtha 10:36

Säthaw lä Isrelae khimi na tea mäny hai te angthang phüng, nang ce lä thai ö vi dy. Äte angxynlyng na üng Areng-a bälawng saite Isu Khrista lä khimi angxynlyng na tähang sa saite hai-a, mä-ai lä Säthaw hai aede haw vi dy. Honi lä Angthang Kähawi vi dy.

Pawlae ma Rom märü üng kangkawng tähang tärü saite cae 11:36

Areng lä äte angxynlyng na tea sa te vi. Angxynlyng na la äni phüng-a awng te kae. Angxynlyng na la äni tähang awng te kae vi. Säthaw üng phung-ang lä dungtäsa awng jawjaw sy. Amen.

Pawlae ma Rom märü üng kangkawng tähang tärü saite cae 5:1

Vaihi mä-ai lä yng saite hai-a Säthaw üng maw-a cüng ö te vi. Mä-ai üng Areng Isu Khrista hai-a Säthaw hai awngneng saite dang ö te vi dy.

1 Korin 1:30

Säthaw ma sa te phüng-a, nang ce lä Isu Khrista hai bungtä lawng ö vi dy. Säthaw lä Khrista bung mä-ai tähang bälunghae hai hethang sa te vi dy. Äni hai-a Säthaw ma mä-ai tea khimi käcüng-a dawng te vi. Äni hai-a mä-ai bung lä khimi käcai-a lawng hai vi dy. Äni lä mä-ai üng hunghö sa jawjaw y hethang bälawi te vi dy.

1 Korin 11:12

Nawngmädi bung lä Säthaw ma nawngmäcaw te üng sa ngaila, nawngmäcaw bung lä nawngmädi ma aepeng te vi. Tungaila angxynlyng na bung lä Säthaw ma sa te vi.

1 Korin 12:6

Säthaw lä älang cawngkhang na hai kälu sa ngaila, honi Säthaw lawngtä ma yng saite khimi qütä na thung-a kälu sa qi te vi dy.

1 Korin 3:5

Pawlae lä ämi mei. Apolo lä ämi mei. Kai ni lawng netä lä Isu Khrista tea nang ce yng hethang säbawng saite Säthaw üng mawsawng na kae. Areng lä mä-ai tea py saite aetawng y te kälu tea mä-ai ni lä sa haw qi hawi te vi.

1 Korin 8:6

Tungaila mä-ai tähang lä Säthaw lawngtä xyng kha äni lä mä-ai üng Pä-ai vi. Äni lä äte angxynlyng na tea sa vi dy. Äni tähang mä-ai lä hing ö te vi. Mä-ai tähang Areng lawngtä xyng awng kha äni lä mä-ai üng Areng Isu Khrista vi. Säthaw lä äte angxynlyng na tea äni hai-a sa vi dy. Äni hai-a mä-ai lä Säthaw tähang hing ö te vi.

Kolosa 1:22

Tungaila vaihi Säthaw üng Cäpaw lä khimi-a aelawng kha dü te hai-a nang ce lä Säthaw hai aede haile tyng vi dy. Ätephüng-a Säthaw ma hikä sa te mei nädylä nang ce bung äma maw-a ka te thüng-a, nang ce lä caiping ea hunghö awng y, sa tämang y saite thung-a awng haw hethang tähang vi.

Hebrai 2:17

Tukätephüng-a äni lä älang qütä-a äma üng khimi na kätyng aetawng hethang kae te vi. Hini kätyng äni lä mä-ai tea bäheng kha Säthaw üng ae-y khü saite Mäthykung Kälengky-a lawng haw te vi. Tukätephüng-a Säthaw lä khimi ce üng hunghö na tea bälawi haw te vi.

Jako 1:17

Hawi saite hai cungrü saite lasawng qütä lä Känipre üng tho te vi. Känipre kaevang tea sa saite Säthaw lä mä-ai tea hini lasawng na py te vi. Äni lä aethui saite kaekhui kätyng aemäqa te y vi.

1 Johan 2:2

Mä-ai üng hunghö na tea Säthaw ma bälawi hethang Khrista äma lä löci sa saite mawi-a aelawng vi dy. Äni lä mä-ai üng hunghö qaitä tähang kae y, hini älawngpre-a awng saite khimi angxynlyng na üng hunghö na tähang la löci aesa saite by vi.

1 Johan 4:10

Hini mitang khaw-a bälung aevaw saite lä mä-ai üng Säthaw tea bälung aevaw saite tea y vi. Äni ma mä-ai tea bälung aevaw saite lä Äcäpaw bung mä-ai üng hunghö na bälawi hai hethang mätaw saite vi.