2 Korin 5:14 - Caekäcai Kangthae (Lemi)

¹⁴ Khrista lä khimi qütä tähang dü pa te phüng-a, khimi angxynlyng na lä äni hai mangtä dü vi dy näte mä-ai lä mäny ö khü te vi dy. Tukätephüng-a mä-ai tea lä Khrista üng bälung aevaw saite ma pyng te vi.

Asang Khongso New Testament

¹⁴ Kami longto to mi boih hanah a duek moa a duekhaih ih pongah mi boiboih to a duek o toengh tito panoek o pongah aicae hae Khrih amlunghaih mah ang uk o.

2 Korin 5:14 ပူးပေါင်းရင်းမြစ်များ

Mathai 20:28

Kai, Khimi üng Cäpaw, tea khimi ce ma mawsawng sa hai hethang ly te y vi. Kai lä khimi ce üng mawsawng-a awng hethang hai khimi ce bung awng mang-a aeqang hethang hai Kai üng hing saite khaisö hethang ly te kae vi” näkha näpa.

Luka 15:24

Hini kai üng cäpaw lä dü kha hing haile te kätyng vi dy. Äni lä la kha kai hai aeting haile tyng te vi dy hei’ näpa. Tukätephüng-a äni ce lä anghawtho te hai ma pawi sa ö dy.

Luka 15:32

Tungaila kai ce lä kawng te hai pawi sa he kae te vi. Ätephüng-a mei nädylä hini nang üng kangby lä dü kha hing haile te kätyng vi dy. Äni lä la kha mä-ai hai aeting haile te phüng-a kawng he hawi te vi baw’” näkha thui pa.

Luka 24:29

Tukha äkähui ni ma Isu tea “Kai ni hai aehae jo kae by. Kätü la mätü vi dy. Ving ai dy to” näkha mäkhang hawi pa. Tudylä Isu lä änini hai aehae hethang ly pa by dy.

Johan 1:29

Khawngdang mang üng käni-a Isu lä äni te mang-a ly te nung kha Johan ma “Älawng khimi ce üng hunghö la pa saite Säthaw üng beram caw tea kheng ö e.

Johan 11:25

Isu ma “Kai lä khimi ce bung hing hai kha mätha haile tyng saite Kung vi. Kai tea yng saite khimi na lä dü ngaila, hing haile tyng vi ai.

Johan 5:25

“Tängai ö, khimi kädü na lä Säthaw üng Cäpaw ätüng thai saite kätü lä tyng vi ai. Honi kätü lä vaihi ma tyng te vi dy. Kai, Äcäpaw, üng ätüng thai saite khimi na lä hing haile ö vi ai.

Angtawtha 18:5

Saila hai Timothe ni lä Makedonia khö üng tyng te kätü-a, Pawlae lä Angthang Kähawi kätü qütä thui jawjaw kha Areng Isu lä Mesia vi näte phüng Judae khimi na tea kähawi-a thui mäcai pa ö vi dy.

Pawlae ma Rom märü üng kangkawng tähang tärü saite cae 2:2

Säthaw lä honi hunghö sa saite na tea tärae cei te lä tüngkhaw vi näte mä-ai lä mäny ö te vi.

Pawlae ma Rom märü üng kangkawng tähang tärü saite cae 5:15

Tungaila Säthaw üng lasawng hai Adam üng hunghö sa te lä tengxyng y lang kyng te vi. Adam näsaite khimi lawngtä üng hunghö sa te phüng-a, khimi awng mang saite na lä dü hethang kae näte lä tätang khaw vi. Tungaila Säthaw üng tähang kähawi lä lengky kha khimi awng mang saite na tea tyng saite lasawng lä lengky te by vi. Säthaw üng lasawng lä Isu Khrista näsaite lawngtä üng tähang kähawi hai-a tyng pa te vi.

Pawlae ma Rom märü üng kangkawng tähang tärü saite cae 6:13

Nang ce üng ätabung kaepreng na tea käsi sa hethang a ö hang. Honi jüng-a kädü thung üng nang ce bung mäning haile tyng pa saite Säthaw tea nang ma ce bung ae-a ö. Käcüng sa hethang nang ce üng ätabung kaepreng na lä äni tea a ö.

Pawlae ma Rom märü üng kangkawng tähang tärü saite cae 6:6

Jangni-a Säthaw bung mäny y saite mä-ai lä Khrista hai mangtä thinglang qawng-a dü ö te vi dy näkha mäny ö te vi. Honi kätyng Säthaw lä mä-ai üng hunghö sa hethang ngai saite bälung tea täphra pa vi dy. Tukha mä-ai lä hunghö üng mawsawng na lawng ö y vi dy.

1 Korin 16:22

Khimi lawngtä lä Areng tea bälung aevaw y dylä, äni lä täking aelawi sy. Mä-ai üng Areng ä, ly lawi ba.

1 Korin 2:14

Muilaw Käcai awng y saite khimi lä Säthaw üng Muilaw ma mä-ai tea mätu saite na tea yng hethang ngai te y vi. Hini mätu saite na lä kangthö lo na vi näkha äni lä dawng kha thaikaw haw y. Ätephüng-a mei nädylä Muilaw Käcai awng saite khimi qaitä ni Muilaw Käcai ma thui hai hethang ngai saite lo tea thaikaw haw te vi.

2 Korin 3:7

Säthaw ma Mosi tea kälung phei qawng-a tärü saite Ubädi py te kätü-a, Säthaw üng phung-ang lä aetüng te vi dy. Mosi üng mimai qawng-a Säthaw üng phung-ang lä kangjai-a la ngaila, Isrelae khimi na lä Mosi üng mimai tea kheng haw ö te y vi dy. Mä-ai bung dü saite mang-a tha te Ubädi lä phung-ang käleng hai tyng te vi dy.

2 Korin 3:9

Ubädi hai-a Säthaw lä khimi ce tea dengpy te vi. Tungaila Ubädi lä phung-ang hai tyng te vi dy. Älo aenai saite kangthae hai-a Säthaw lä mä-ai bung khimi käcüng-a mäthi te vi. Älo aenai saite kangthae lä ubädi qawng-a tengxyng y phung-ang lengky te vi dy.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

Ephesi 6:24

Manila bynglei y saite bälung aevaw te hai-a, mä-ai üng Areng Isu Khrista bung bälung aevaw saite, nang ce angxynlyng na qawng-a Säthaw üng tähang kähawi lä tyng sy.

Kolosa 2:13

Jangni-a nang ce lä hunghö sa kha reitae-a hui y saite khimi kälang na te phüng-a, dü saite na kätyng vi dy. Tungaila Säthaw lä Khrista hai mangtä nang ce tea hing hai te vi dy. Mä-ai üng hunghö angxynlyng na tea Säthaw lä bälawi vi dy.

Kolosa 3:3

Äte makäte phüng-a mei nädylä nang ce lä dü ö pyng te vi dy. Vaihi nang ce üng hing saite lä Säthaw tea Khrista hai mangtä ho ea khai te vi.

1 Timote 2:6

Äni lä khimi qütä aelawi hai hethang äma üng hing saite aepy kha dü pa te vi dy. Säthaw ma khai khaw te kätü-a, hini angthang lä khimi qütä tea thai hai te vi dy.

1 Timote 5:6

Tungaila äma üng kängai xyng-a awng kha Säthaw hai aesui y-a awng saite nawngmädi lömai lä hing ngaila dü rüng te vi dy.

Titas 3:3

Mä-ai la jangni-a lä kaerö te hai älo aetängai vai y saite na by vi. Tukha khimi ce lä mä-ai tea lolang tämang hai ö te vi. Mä-ai lä jangni-a ngaiphi tüng y saite cawngkhang na mang-a hui hethang aepä-üng haw ö y. Mä-ai lä kawng saite hai bädö saite amäjy angxynlyng na tea mawsawng na lawng te vi dy. Mä-ai lä kätü qütä käsi sa kha khimi ce tea pä-e ö te vi. Khimi ce lä mä-ai tea esäre kha mä-ai la äni ce tea esäre ö tyng te by vi dy.

Hebrai 2:9

Tungaila mä-ai lä Isu bung nung ö te vi. Säthaw lä Isu bung Känipre üng angtawtha na qawng-a tänaetä äje cäcaw kaeneng-a khai pa vi. Hini kätyng Isu lä Säthaw üng tähang kähawi hai-a khimi angxynlyng na tähang dü pa hethang kae te vi. Äni lä mä-ai tähang mätang bälaica-a dü pa te phüng-a Säthaw ma vaihi lä äni tea cangxei-a sa kha phung-ang py pa te mä-ai lä mäny ö te vi.

Hebrai 6:10

Säthaw lä cüng jawjaw te vi. Äma üng khimi na tea nang ce ma säbawng pyng saite na hai säbawng jawjaw saite na tea lä Säthaw ma aedawng haile tyng te vi. Nang ce lä Säthaw tea bälung aevaw ö kha äni tähang kälu sa saite tea äni lä tämang te y.

1 Piter 1:8

Nang ce lä Khrista bung nung vai y ngaila, äni tea bälung aevaw ö te vi. Vaihi nang ce lä äni bung nung y ngaila, äni tea yng ö te vi. Nang ce üng anghawtho saite lä phung-ang hai kawi kha nang ce lä thui lei haw king ö te y vi.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.