2 Korin 5:11 - Caekäcai Kangthae (Lemi)

¹¹ Mä-ai lä Areng tea tämö khai kha ri hethang kae te mäny te phüng-a, Angthang Kähawi tea yng hethang khimi ce tea mäci ö te vi. Säthaw lä mä-ai tea mäny king te vi. Nang ce üng bälung thung-a kai üng phüng la mäny ö phi by näkha kai lä aethang khai te vi.

Asang Khongso New Testament

¹¹ Kaicae loa Angraeng zit hae thuihkoehhaih ih timaw tito ka panoek o pongah mi kalahnawk doeh pacae hanah ka zom o toemoe. Sithaw mah kaicae hae ang panoek king, nangcae doeh palungthin thungah kai hae hoihdak ta-ah na panoek o toengh tih tiah oephaih ka tawnh.

2 Korin 5:11 ပူးပေါင်းရင်းမြစ်များ

Mathai 10:28

Khimi ce tea ri ö hang. Äni ce lä nang ce üng ätabung tea bädü haw ngaila nang ce üng muilaw tea lä bädü haw te y lyng. Honi jüng-a, nang ce lä Säthaw tea phai ri ö. Äni lä khimi ce üng ätabung hai muilaw na tea ngärei thung-a täphra haw vi.

Mathai 25:46

Tukha Säthaw ma honi khimi ce lä dungtäsa dengpy te mityng-a mätaw ai. Tungaila khimi cüng saite na lä dungtäsa hing saite mityng-a mätaw ai” näkha näpa.

Luka 12:5

Tungaila nang ce ri hethang aeteng saite lawngtä phüng kai thui ai. Ätabung bädü pyng ea nang ce bung ngärei-a käde haw saite Säthaw tea ri ö. Kai thui be thele ai. Äni tea ni ri hethang aeteng khaw te vi.

Luka 16:31

Abraham ma äni tea ‘Mosi üng Ubädi hai buisaw na ma thui saite älo tea äni ce tängai y dylä kädü thung üng khimi lawng lawngtä aetha tyng kha thui ea la äni ce yng ö y lyng’” näpa näkha thui pa.

Angtawtha 13:43

Judae na üng ingkäcai üng mätawngky na ma khimi ce bung vawi hai te kätü-a, Judae khimi na hai Judae na üng Säthaw tea cäphaw saite khimi na lä Pawlae ni Banaba leithung hui pa ö vi dy. Pawlae ni Banaba lä äni ce hai älo aepe kha Säthaw üng tähang kähawi phüng thui ea yng jawjaw hethang aethaw py pa hawi dy.

Angtawtha 18:13

Äni ce ma “Hini khimi lä Judae na üng Ubädi tea elekhei sa kha Säthaw tea cäphaw hethang khimi ce bung bäleng te vi” näkha thui pa.

Angtawtha 18:4

Aehae te Käni qütä Pawlae lä Judae na üng ingkäcai-a Judae khimi na hai Käri khimi na yng hethang äni ce hai Säthaw lo aedüng aethui ö dy.

Angtawtha 19:26

Hini Pawlae näsaite khimi lä, Ephesi märü üng khimi na angxynlyng tea äni üng lo yng rung khytä bäleng vi näte nang ce lä mäny ö vi dy. Äni lä Asia pre cäpi angxynlyng na-a hini kätyng sa vi. Pawlae ma thui saite lo lä khimi üng äkö hai sa saite lä Säthaw na tätang y näkha thui jawjaw vi.

Angtawtha 26:26

Hini phüng na lä Sanphrang nang ma mäny be ä. Tukätephüng-a kai lä äni üng maw-a thui vawng te vi. Hini phüng na lä khimi angxynlyng ma mäny ö te vi. Honi phüng angxynlyng na tea Sanphrang ma mäny king pyng vi dy näkha kai lä yng te vi.

Angtawtha 28:23

Tudylä äni ce ma Pawlae tea aeting hethang käni rui aedo pa ö dy. Aedo saite käni-a Pawlae üng ing-a khimi ce ly ö mang pa dy. Pawlae lä kädang üng hai kädüng khytä Säthaw üng pre phüng kähawi-a thui mäcai pa dy. Mosi üng Ubädi hai buisaw na tärü saite cae tea kheng kha Isu üng phüng la äni ce bälungva hethang kähawi-a bäleng kha thui pa vi.

2 Korin 2:17

Khimi awng mang saite na lä ävang dang hai hethang Säthaw üng lo thui ö te vi. Mä-ai lä hini khimi ce kätyng y. Säthaw ma mä-ai bung mätaw te phüng-a, mä-ai lä Säthaw üng maw-a bälung mitang khaw hai Khrista üng Angthang thui ö te vi.

2 Korin 5:20

Tukätephüng-a mä-ai lä Khrista üng angtawtha na lawng ö vi dy. Säthaw lä kai ce hai-a nang ce tea mäci te vi. Kai ce ma Khrista tähang-a nang ce lä Säthaw üng täre na üng hai äma üng rawijae na-a lawng ö hethang Säthaw ma kai ce hai-a mäci te kätyng aebai te hai mäci ö te vi.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

Galati 1:10

Vaihi kai lä khimi ce üng kängai-a sa te mei. Y lyng. Säthaw üng bälung aely kängai-a sa te kae. Kai lä khimi ce üng kängai-a sa te kae vi nädylä Khrista üng mawsawng lawng haw y dy lyng.

Ephesi 5:21

Nang ce lä Khrista tea tämö khai te phüng-a, nang ma ce tingtawi üng älo na aetängai ö.

Hebrai 10:31

Kähing Säthaw üng haidae täkui-a tyng saite na lä ri hethang hawi bärai vi.

Hebrai 12:29

Ätephüng-a mei nädylä, mä-ai üng Säthaw lä tätang kang hai saite mai kätyng vi.

Judae 1:23

Phütä na bung lä mai thung üng aetho dawde te kätyng ngärei thung üng aeqang ö ba. Sa tämang saite phütä na tea bäheng te kätü-a lä, sädi khai ö. Hunghö sa saite hai pawprae saite aekhu aena nae na tea lä esäre kha aela ö hang.

Lokphong 20:15

Dungtäsa kähing dang saite ämüng tärü te cae-u thung-a qa y saite khimi na bung lä Areng ma mai tuilipui thung-a kädephae pa ö vi dy.