2 Korin 4:7 - Caekäcai Kangthae (Lemi)

⁷ Kai ce lä sui tangkae awng saite sätüng na kätyng vi. Hini hai-a kai ce lä äte angxynlyng na qawng-a lengky saite haidae lä Säthaw hai aesui te vi näte mätü te vi. Hini lä kai ce hai aesui te y.

Asang Khongso New Testament

⁷ To-e hi pakhra tacong ka tawn aicae hae long laom romram batiah ni oh o, kawmawtiah kasang koek hmuensak thaihaih ih loa aicae ih na ai moa Sithaw ih ni tito amtuengsak hanah ni.

2 Korin 4:7 ပူးပေါင်းရင်းမြစ်များ

Mathai 13:44

“Säthaw ma pre pyng saite lä khimi lawngtä ma lai-a ho saite ävang käting amäjy hai aetawng vi. Khimi kälang lawngtä ma hini tea äni ma nung te kätü-a, lä ho haile tyng be vi. Äni lä äma te üng vyngsai angxynlyng na tengxyng y kawng te hai jaw kha honi lai tea rang vi dy.

Mathai 13:52

Isu ma äni ce tea “Säthaw ma pre pyng saite mäny te hai Säthaw üng angthang mätu saite yng te khimi qütä lä, äma üng ing-a vyng mätung saite khimi lawngtä hai aetawng vi. Äni lä ävang ting saite vyngsai kangrüng hai kangthae na mätho saite khimi hai aetawng vi” näkha näpa.

Johan 16:33

Nang ce lä Kai hai aesui kha awngneng hethang tähang hini phüng na Kai thui pyng te vi dy. Nang ce lä älawngpre-a mätangca saite na aeting ö vi ai. Tungaila aethaw aela kha awng ö. Kai lä älawngpre tea bäja te vi dy” näkha näpa.

1 Korin 1:28

Säthaw lä khimi ceng kaeneng na hai älawngpre üng khimi na ma mäthi y saite na, aetütü kätyng dawng saite na bung re te vi dy. Ätephüng-a Säthaw ma hikä sa te mei nädylä, älawngpre üng khimi na ma aely leng vi näsaite na tea täkhüja hethang vi.

2 Korin 10:10

Khimi phütä ma, “Pawlae lä äma üng cae na hai aenae mätü kha tengxyng y haidae awng te vi. Tungaila äma khekhe lä kai ce üng maw-a tyng te kätü-a, äni lä aethawdi kha älo na thui lä aetütü kae vi” näkha thui ö te vi.

2 Korin 13:4

Khimi ce ma Areng bung thinglang qawng-a täheng te kätü-a, äni lä aethawdi te vi dy. Tungaila vaihi äni lä Säthaw üng haidae hai hing te vi. Kai ce la äni hai bungtä vi te phüng-a, aethawdi ö ngaila, Säthaw üng haidae hai-a Isu hai mangtä hing kha nang ce tähang kälu sa ö ai.

2 Korin 4:1

Säthaw üng bäheng saite hai-a äni ma kai ce tea hini kälu sa hai hethang py vi dy te phüng-a, kai ce lä aethawdi ö te y vi.

2 Korin 5:1

Mä-ai ma üng hini ätabung lä tänaetä awng hethang taipung kätyng vi. Hini taipung aene te kätü-a, mä-ai lä khimi üng äkö hai sa y käla Säthaw ma mä-ai tähang sa pa saite Känipre dungtäsa ing-a awng haw vi ai näkha mäny ö te vi.

2 Korin 6:10

Kai ce lä bälungsi ngaila, anghawtho haw ö jawjaw te vi. Kai ce lä tangkae awng y ngaila, khimi awng mang saite na tea Säthaw üng tähang kähawi tha haw ö te vi. Kai ce lä äte haetä la awng ö y ngaila, Säthaw lä kai ce tea äte angxynlyng na py te vi dy.

Ephesi 2:5

Tudylä mä-ai lä Säthaw üng lo tängai y te phüng-a dü saite khimi na kätyng awng te kätü-a, äni ma mä-ai bung lä Khrista hai mangtä hing hai te vi dy. Säthaw lä tähang kähawi hai-a nang ce bung aeqang te vi dy.

Ephesi 3:8

Kai lä Säthaw üng khimi angxynlyng na thung-a aely leng y ky saite lawngtä vi. Tungaila Säthaw lä ceng kälang na tea Khrista üng tengxyng y tawngnang saite phüng thui hethang kai tea tähang kähawi py te vi dy. Hini Khrista üng tengxyng y tawngnang saite phüng lä khimi ce ma thaikaw saite qawng-a hawiky te vi.

Kolosa 1:27

Säthaw lä ceng kälang na tähang äma sa saite na matangtä cangxei hethang hawi mei näte äma üng khimi na tea mäny hai pa ö vi dy. Hokä sa saite lä khimi kälang na näsaite nang ce thung-a, Khrista la awng dy näte vi. Tukätephüng-a Säthaw üng phung-ang aesang saite tea nang ce la dang haw ai näkha aethang khai haw te vi.

Kolosa 2:12

Nang ce lä baptismae la te kätü-a, nang ce üng hunghö sa he ngai saite tea Khrista hai mangtä ö pyng te kätyng awng haw vi dy. Äni bung kädü thung üng mätha kha hing hai pa saite Säthaw üng phung-ang tea nang ce lä yng te phüng-a, Khrista hai mangtä dü saite thung üng nang ce la hing haile ö te by vi dy.

Kolosa 2:3

Säthaw lä ho saite bälungkähae hai ävang käting angthang tea Khrista ma nang ce tea mänykaw hai te vi.

1 Thesalon 1:5

Ätephüng-a mei nädylä kai ce lä Angthang Kähawi nang ce tea thui te kätü-a, älo na hai qaitä thui te y. Muilaw Käcai üng haidae hai-a la thui te by vi. Kai ce üng thui saite Angthang Kähawi lä tüng king te vi näte kai ce lä yng ö khü te vi. Nang ce hai mangtä awng te kätü-a, kai ce üng awng saite na tea nang ce lä mäny ö vi. Kai ce üng awng saite na lä nang ce tea säbawng hethang tähang vi.

1 Thesalon 4:4

Nang ce angxynlyng lä nang ma ce üng ätabung kängai na aeküng ö he kae. Khimi ce ma tämö khai haw hethang käcai-a awng ö hethang kae.

2 Timote 2:20

Ingkäleng pui haetä-a lä sui, tangkae hai sa te pangkae na awng vi. Älawng ngang, thingkawng na hai sa saite pangkae hai kaephi na la awng te by vi. Sui, tangkae hai sa saite na tea lä pawi käleng-a ävang käting na khai hethang khimi ce ma tawng ö dy. Tungaila älawng ngang, thingkawng na hai sa saite pangkae hai kaephi na tea lä pawprae saite na thae kha khimi ce ma tawng ö te vi.