2 Korin 4:4 - Caekäcai Kangthae (Lemi)

⁴ Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

Asang Khongso New Testament

⁴ Anihcae mah taang han koeh o ai, kawmawtiah hi longnui ih kahoih ai sithaw mah anihcae ih palungthin to vinghaih thungah a suek toemoe pongah ni. Anihcae nuiah aanghaih ka aang to hnuh aiah a ohsak o, ato aanghaih loa Khrih lensawkhaih kawng hoitoah angzoh moa Khrih loa Sithaw batih tangtang ah a oh.

2 Korin 4:4 ပူးပေါင်းရင်းမြစ်များ

Mathai 13:22

Angling thung-a aeqa saite ämöti na lä Säthaw üng lo thai pyng saite khimi na tea thui te vi. Tungaila äni ce lä bälung mawng saite hai tawngnang saite hai ngai saite na phüng-a yng saite lä ryng kha äthai aethai haw y.

Johan 1:14

Älo lä khimi-a aelawng kha kai ce tea bälung aevaw te hai Säthaw üng bälung kähawi mitang khü-a mätü ea mä-ai hai mangtä awng. Kai ce lä äni üng phung-ang nung ö dy. Hini phung-ang lä Pä-ai Säthaw ma Cäpaw lawngtä xyng tea py saite phung-ang vi.

Johan 1:18

Ämi la Säthaw bung nung vai te y. Tungaila Pä-ai üng äteng-a awng saite Äcäpaw lawngtä xyng ma Säthaw bung khimi ce tea mäny hai pa te vi.

Johan 12:31

Vaihi ma älawngpre üng khimi na tea tärae cei he kätü lä tyng te dy. Säthaw ma hini älawngpre tea pyng saite Setan angra bung lä mäthoja vi ai.

Johan 12:35

Isu ma “Äkaevang lä nang ce tea tänaetä awng ai. Nang ce tea käving ma bäja y hethang kaevang awng te thüng-a ly ö lawi. Käving-a ly saite nang lä nang ma mani mityng-a ly mei näte mäny y.

Johan 12:40

Äni lä “Säthaw ma äni ce üng ämi bäjö hai pa te vi. Äni ce üng bälung la tangkö hai pa vi. Tukätephüng-a äni ce üng ämi na la nung haw ö y. Bälung hai la mäny haw y. Äni ce üng naw saite na hawi hethang kai tea aekö haile tyng ö y” näpa.

Johan 12:45

Kai bung nung te na lä kai bung mätaw saite Kung tea nung te by kae dy.

Johan 14:30

Älawngpre bung pyng saite Setan angra lä, ly sälö te phüng-a, Kai lä nang ce hai älo awng mang-a aepe haw y ai dy. Äni lä kai tea bäja haw y lyng.

Johan 15:24

Kai lä ämi la sa vai y saite kamarae äni ce maw-a sa y kha lä äni ce üng hunghö lä äni ce tea awng jawjaw hethang y. Vaihi äni ce lä hini kai sa saite kamarae na nung ngaila Kai hai Kai Pä-ai tea esäre ö te vi.

Johan 16:11

Säthaw lä älawngpre bung pyng saite Setan angra tea tärae cei pyng te phüng-a, äni ce lä tärae cei te phüng aedawng te tämang ö vi.

Johan 8:12

Tukha Isu ma khimipui na tea “Kai lä älawngpre khimi ce üng kaevang vi. Kai leithung hui saite na lä manila käving thung-a ly y dy lyng. Äni ce lä kähing py saite kaevang dang ö vi ai” näkha näpa.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

1 Korin 10:20

Tungaila mimi na tähang löci na sa saite lä angra na tähang löci aesa ö tätang te vi. Äni ce lä Säthaw tea löci na sa ö te y. Kai lä nang ce tea angra na hai kangby jä-ai aesa hethang ngai hai te y vi.

2 Korin 2:11

Setan angra ma mä-ai tea bäja haw y hethang kai ce lä hini kätyng sa hethang kae ö te vi. Mä-ai lä Setan angra üng käsi mawlang kaedawng tea mäny te vi.

2 Korin 2:12

Kai lä Troa märü-a Khrista üng Angthang Kähawi thui hethang tyng te kätü-a, Areng lä ho-a kälu sa hethang älang sa rüng pa vi dy.

2 Korin 3:11

Tänaetä khai saite älo aenai te kangrüng lä phung-ang awng vi dylä, dungtäsa awng saite älo aenai te kangthae lä phung-ang tengxyng y aesangky vi dy.

2 Korin 3:14

Säthaw lä Isrelae khimi na üng bälung na tea tangkö hai pa te vi dy. Tukätephüng-a, äni ce lä vaihi khytä, aenai saite älo kangrüng üng ubädi phai te kätü-a, khimi ce üng bälung lä känih haetä hai khu te kätyng awng vi. Khimi lawngtä Khrista tea yng dylä, Khrista ma honi känih tea mäthuija pa te vi.

2 Korin 3:18

Tukätephüng-a mimai tea täphung y saite mä-ai angxynlyng na lä Areng üng phung-ang tea nung kha khimi kälang na tea mätü ö te vi. Muilaw awng saite Areng üng phung-ang lä mä-ai bung mäqa ea Areng hai mangtä aetawng khaw hethang sa kha mä-ai üng phung-ang lä lengky rae lengky rae jawjaw te vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Ephesi 6:12

Mä-ai lä khimi ce hai täre aety ö te y. Käni khösang üng haidae hai aenae awng saite angra na, hini älawng käving pre tea pyng saite angra käleng na, älawng qawng-a aenae awng saite na hai täre aety ö te vi.

Filipi 2:6

Äni lä Säthaw kätyng awng king te vi. Tungaila äni lä Säthaw kätyng aelawng vi näte süng khü hethang aedawng te y.

Kolosa 1:15

Säthaw bung lä ämi la nung haw y ngaila, Khrista lä khimi ce tea Säthaw üng ämaw äcae mätü pa te vi dy. Khrista lä Säthaw üng Cäpaw cälö lawng kha Säthaw ma sa saite angxynlyng na qawng-a aenae awngky te vi.

Kolosa 1:27

Säthaw lä ceng kälang na tähang äma sa saite na matangtä cangxei hethang hawi mei näte äma üng khimi na tea mäny hai pa ö vi dy. Hokä sa saite lä khimi kälang na näsaite nang ce thung-a, Khrista la awng dy näte vi. Tukätephüng-a Säthaw üng phung-ang aesang saite tea nang ce la dang haw ai näkha aethang khai haw te vi.

1 Timote 1:11

Hini mätu saite kätüng lä cangxei saite Säthaw üng phung-ang phüng Angthang Kähawi hai mangtä aebäla te vi. Hini lä Säthaw ma kai tea sa hai saite kälu vi dy.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Hebrai 1:3

Äcäpaw lä Säthaw üng phung-ang matangtä cangxei hethang hawi mei näte tea mätü kha äma khekhe lä Säthaw üng aeme aeqa saite hai aetawng khaw te vi. Hini älawng hai käni äte angxynlyng na tea lä äma üng haidae awng saite lo hai äma ce üng mityng-a awng jawjaw hethang sa te vi. Äni lä khimi ce üng hunghö na tea mäcai pyng ea Känipre-a awng saite phung-ang kälengky Säthaw üng bangtang mang-a aety vi dy.

Hebrai 6:4

Mä-ai ma üng yng saite na khaisö te khimi na tea lä ae-ui hai hethang nähai haw y lyng. Äni ce lä Säthaw üng kaevang-a awng vai kha Säthaw üng pyng saite hing te kangthae tea mäteng pyng ö te vi dy. Äni ce hai yng saite khimi kälang na tea lä Säthaw ma Muilaw Käcai mangtä py ö te vi dy.

2 Piter 1:19

Tukha kai ce lä buisaw na ma thui pyng saite lo tea ae-y ö rae te vi. Nang ce lä buisaw na üng lo na tea tängai hethang aeteng khaw ö te vi. Ätephüng-a mei nädylä, buisaw na ma thui saite lo na lä käving thung-a maibung kätyng aevang te phüng-a vi. Honi kaevang lä khö aevang kha Khrista lä kädang Tengpaw kaevang kätyng nang ce üng bälung thung-a säde te khytä aevang vi ai.

1 Johan 2:11

Tungaila khimi lawngtä lä rawijae tea esäre dylä, käving thung-a awng te kae vi rawng. Äni lä käving thung-a aeke kha mamang-a ly te mei näte mäny y vi. Ätephüng-a mei nädylä käving lä äni tea ämi kangjö kätyng lawng hai pa te phüng-a vi.

1 Johan 2:8

Tungaila kai lä nang ce tea Ubädi kangthae la tärü te vi. Honi Ubädi üng tüng saite lä Khrista üng hing saite hai nang ce üng hing saite hai-a khimi ce ma nung haw ö te vi. Ätephüng-a mei nädylä käving hai sa tämang saite lä di kha kaevang tätang lä aevang sälö rüng te vi.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.