2 Korin 4:2 - Caekäcai Kangthae (Lemi)

² Kai ce lä saerae hethang hai ho hethang hawi khaw saite kälu angxynlyng na tea khaisö ö vi dy. Kai ce lä ämi tea la kaeling sa te y kha Säthaw üng älo lä aemäqa te y vi. Kai ce lä lo mitang tea thui phrang ö te vi. Hini kätyng Säthaw üng maw-a cüng vi näte khimi angxynlyng na üng bälung thung-a mäny haw ö te vi.

Asang Khongso New Testament

² Tamqu lamah sak ih hmuennawk boih hoi azat kathok hmuennawk boih to ka vah o king boah; mi alinghaih to ka sah o ai, Sithaw lok to doeh kaimahcae koeh ih batiah paqoi moa ka thui o ai. Sithaw ih mikhnuk ah loktang aanghaih thungah ka hingh o moa kawbatih kami ah maw ka oh o tito mi boih mah angmahcae ih kasae kahoih panoekhaih hoiah dawnsak hanah ka zom o.

2 Korin 4:2 ပူးပေါင်းရင်းမြစ်များ

Pawlae ma Rom märü üng kangkawng tähang tärü saite cae 1:16

Kai lä Angthang Kähawi tähang aejae te y. Honi Angthang Kähawi yng saite angxynlyng na tea aeqang hethang lä Säthaw üng haidae vi. Honi Angthang Kähawi lä angcüky-a Judae khimi na tähang hai honi pyng-a lä ceng kälang khimi ce tähang by vi.

Pawlae ma Rom märü üng kangkawng tähang tärü saite cae 6:21

Jangni-a nang ce sa saite na phüng-a vaihi nang ce lä saerae te dang ö vi dy. Honi na hai-a nang ce lä äte ävang na dang ö mei. Honi sa saite na üng ävang lä dü saite kae vi.

1 Korin 4:5

Tukätephüng-a Säthaw ma khai saite kätü tyng y te kälang-a lä, khimi ce tea tärae cei ö hang. Areng tyng haile te kätü-a, ämi lä kähawi-a sa mei, sa y mei, näte Areng ma thui vi ai. Äni lä käving thung-a ho saite na kaevang-a täphawng vi ai. Areng ma khimi ce lä äma ce üng bälung thung-a dawng saite na khimi qütä tea mäny hai vi ai. Honi kätü-a, Säthaw lä khimi qütä tea äma ce hai aeteng khaw te kätyng bälaw qi pa vi ai.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

2 Korin 11:3

Tungaila Setan lawng saite bärui lä äma üng kaeling kaemae sa te hai Evi tea hunghö sa hai hethang the te kätyng khimi phütä ma nang ce tea älang tämang hai kha nang ce lä Khrista bung bälung aevaw saite tea kädephae ö ai näte kai lä bälung mawng te vi.

2 Korin 11:6

Kai lä älo thuikaw phi saite y ngaila, ätete na mäny haw hethang bälungkähae awng te vi. Hini lä kai ce ma älang cawngkhang na hai nang ce tea mäny hai rüng ö pyng te vi dy.

2 Korin 2:17

Khimi awng mang saite na lä ävang dang hai hethang Säthaw üng lo thui ö te vi. Mä-ai lä hini khimi ce kätyng y. Säthaw ma mä-ai bung mätaw te phüng-a, mä-ai lä Säthaw üng maw-a bälung mitang khaw hai Khrista üng Angthang thui ö te vi.

2 Korin 5:11

Mä-ai lä Areng tea tämö khai kha ri hethang kae te mäny te phüng-a, Angthang Kähawi tea yng hethang khimi ce tea mäci ö te vi. Säthaw lä mä-ai tea mäny king te vi. Nang ce üng bälung thung-a kai üng phüng la mäny ö phi by näkha kai lä aethang khai te vi.

2 Korin 6:8

Khimi ce lä kai ce tea bälaw kha kai ce üng phüng käsi thui saite, cy saite hai hawi saite na thui ö te vi. Äni ce lä kai ce tea kaeling kaemae sa saite na vi näkha dawng ngaila, kai ce lä lo mitang tea qaitä thui ö te vi.

2 Korin 7:14

Kai lä nang ce üng phüng-a Tita tea aethaw jawjaw te vi dy. Hini aethaw te phüng-a, nang ce lä kai ce tea saerae hai ö te y. Kai ce lä nang ce tea kätü qütä lo mitang thui pyng ö te vi dy. Hini kätyng Tita tea kai ce lä aethaw kha thui pyng saite na la tätang khaw vi.

Ephesi 4:14

Tupyng-a mä-ai lä nade na kätyng y lyng. Kaesyng y-a mätu saite hai kaeling kaemae sa saite na lä mä-ai tea the haw ö y dy. Mä-ai lä aeli pui hai tuileng ma bäja rungrang saite bälawng haetä kätyng y vi dy.

Ephesi 5:12

Säthaw üng lo tängai y saite na lä kangru-a sa saite na phüng thui hethang mäteng ma saerae he hawi te vi.