2 Korin 4:17 - Caekäcai Kangthae (Lemi)

¹⁷ Mä-ai lä tänaetä tähang aeting saite hini mätang bälai te lä jahaw vi. Hini kätyng aeting saite hai-a, Säthaw lä mä-ai tea lengky saite dungtäsa phung-ang py vi ai.

Asang Khongso New Testament

¹⁷ Hi raihaih tetta hoi atue nawnetta thung aicae mah pauep o haih ih mah hae vaihi raihaih ih pongdoeh kalen aep dungzan lensawkhaih to na paek o tih.

2 Korin 4:17 ပူးပေါင်းရင်းမြစ်များ

Mathai 5:12

Kawng anghawtho ö. Säthaw ma nang ce tähang äma üng Känipre-a ävang käting py ai. Jangni-a buisaw na bung khimi ce ma nang ce tea sa te kätyng sakälö khü pa ö te by vi dy.

Luka 6:23

Nang ce hokä aeting dylä kawng te hai aebälü ö. Ätephüng-a mei nädylä Känipre-a lä nang ce üng ävang käting awng te phüng-a vi. Vaihi nang ce tea käsi sa saite khimi na üng kangsi na lä buisaw na tea mätangbälai sa pa ö te by vi.

Angtawtha 20:23

Tungaila Muilaw Käcai ma ‘Thawng thung-a pä-ung te hai mätangca saite na nang lä aeting vi ai’ näkha märü qütä-a thui rüng kha sädi py saite kai lä mäny vi.

Pawlae ma Rom märü üng kangkawng tähang tärü saite cae 2:7

Kähawi sa jawjaw te hai, Säthaw ma py te bälaw saite hai, ämüng leng saite hai dungtäsa kähing na ha saite khimi tea lä Säthaw ma dungtäsa kähing py vi ai.

Pawlae ma Rom märü üng kangkawng tähang tärü saite cae 8:18

Vaihi kätü-a mä-ai üng mätang bälaica saite lä vaimaw mang-a Säthaw lä mä-ai tea mätü saite phung-ang hai lä mätae haw y lyng näkha kai lä aedawng khü te vi.

Pawlae ma Rom märü üng kangkawng tähang tärü saite cae 8:34

Äni ce tea ämi ma dengpy ai mei. Isu Khrista lä mä-ai tea dengpy y lyng. Äni lä mä-ai tähang dü hai pa te cang y, Säthaw lä äni bung kädü thung üng mätha tyng pa te vi dy. Vaihi äni lä Säthaw üng bangtang mang-a awng kha mä-ai tähang Säthaw tea aetang pa te vi.

Pawlae ma Rom märü üng kangkawng tähang tärü saite cae 8:37

Mä-ai tea bälung aevaw saite Khrista hai-a mä-ai lä äte angxynlyng na tea bäja king te vi dy.

1 Korin 2:9

Tungaila Caekäcai thung-a, “Säthaw tea bälung aevaw saite khimi na tähang cangxei saite na jangni üng hai ma Äni lä sa rüng pyng vi dy. Honi na tea lä ämi la nung y kha honi na phüng ämi la thai ö y dy. Honi phüng ämi la dawng vai ö y vi dy” näkha tärü te vi.

2 Korin 3:18

Tukätephüng-a mimai tea täphung y saite mä-ai angxynlyng na lä Areng üng phung-ang tea nung kha khimi kälang na tea mätü ö te vi. Muilaw awng saite Areng üng phung-ang lä mä-ai bung mäqa ea Areng hai mangtä aetawng khaw hethang sa kha mä-ai üng phung-ang lä lengky rae lengky rae jawjaw te vi.

Filipi 1:19

Ätephüng-a mei nädylä, nang ce ma aetang ö pa te phüng-a hai Isu Khrista üng Muilaw ma säbawng te phüng-a Säthaw ma kai bung aeqang vi ai näte kai lä mäny te vi.

2 Thesalon 1:4

Tukätephüng-a kai ce ma nang ce üng phüng lä Säthaw üng kangkawng na tea aethaw ö te vi. Khimi ce ma nang ce tea mätang bälaica-a sakälö khü jawjaw te kätü-a, nang ce üng yng saite hai änawngsa haw saite phüng na kai ce lä thui ö te vi.

2 Thesalon 1:6

Säthaw lä kätüng khaw-a tärae cei te vi. Nang ce tea mätang bälai-a sa saite khimi na tea lä Säthaw ma tärawitha haile tyng ai.

2 Timote 2:10

Tukätephüng-a Säthaw ma re saite khimi na üng yng hethang tähang kai lä mätang bälai te angxynlyng na tea khung jawjaw te vi. Honi hai-a khimi ce lä Isu Khrista tea yng kha dungtäsa phung-ang hai aeqang saite dang haw ö ai.

Jako 1:12

Khimi lawngtä lä the saite hai käny saite aeting te kätü-a, äni üng yng saite cakhi dylä, äni lä anghawtho haw vi. Ätephüng-a mei nädylä Säthaw ma honi na tea bäja pyng saite khimi bung lä ävang käting dungtäsa hing saite py ai. Säthaw lä äma tea bälung aevaw saite khimi na tea lä ävang käting dungtäsa hing saite py hethang älo aedo te vi.

1 Piter 4:7

Hini älawngpre teng hethang kätü lä aenai vi dy. Tukätephüng-a nang ma ce tea aeküng kha canglailing te hai awng ö. Tudylä nang ce lä aetang haw ö ai.

1 Piter 5:10

Nang ce lä tänaetä mätang bälai pyng-a, tähang kähawi angxynlyng na üng Säthaw lä nang ce tea yng te cakhi hai kha aethaw awng hai ea cungrü hai ö vi ai. Äni lä Isu Khrista hai-a äma üng dungtäsa phung-ang thung-a qa hethang nang ce bung re te vi dy.

1 Johan 3:2

Kai üng bälung aevaw saite rawijae na ä, vaihi mä-ai lä Säthaw üng caw nade na ö vi. Tungaila vaimaw mang-a mä-ai lä ätemakä aelawng ai mei näte mäny ö te y rawng. Tungaila Khrista tyng haile te kätü-a, mä-ai lä äma kätyng aelawng ai näte mä-ai lä mäny ö te vi. Ätephüng-a mei nädylä äni üng tätang khaw lawng saite tea mä-ai lä nung ö ai.

Judae 1:24

Säthaw lä aethaw leng phi te phüng-a nang ce tea aetüng y rung khytä säbawng haw te vi. Nang ce tea sa tämang saite üng cai hai kha anghawtho phi saite hai-a äma üng phung-ang awng saite maw-a nähai haw te vi.