2 Korin 3:6 - Caekäcai Kangthae (Lemi)

⁶ Säthaw äma khekhe lä kai ce tea älo aenai saite kangthae üng mawsawng lawng hethang sakaw saite py vi dy. Honi älo aenai saite lä tärü saite ubädi hai aetawng te y. Honi lä Muilaw Käcai üng aenai saite lo vi. Tärü saite Ubädi lä mä-ai bung dü saite mang-a tha kha Muilaw Käcai lä mä-ai tea kähing py te vi.

Asang Khongso New Testament

⁶ Lokpaek kangtha tok na sahsak thaikung loa Sithaw Angmah hae ni. Ato lokpaek kangtha thungah ka omnawk loa tarik ih tawklok na ai ni, Pakhra to ni ka om. Tarik ih tawklok loa duekhaih to a sinh moa Pakhra mah loa hinghaih to ang tacawt haih.

2 Korin 3:6 ပူးပေါင်းရင်းမြစ်များ

Mathai 13:52

Isu ma äni ce tea “Säthaw ma pre pyng saite mäny te hai Säthaw üng angthang mätu saite yng te khimi qütä lä, äma üng ing-a vyng mätung saite khimi lawngtä hai aetawng vi. Äni lä ävang ting saite vyngsai kangrüng hai kangthae na mätho saite khimi hai aetawng vi” näkha näpa.

Mathai 26:28

Hini cäpje tui lä awng mang saite khimi na üng hunghö tähang bälawng te kai üng äthi vi. Hini äthi lä Säthaw hai khimi ce säla-a aenai saite vi.

Marka 14:24

Isu ma “Hini cäpje tui lä awng mang saite khimi na tähang bälawng te kai üng äthi vi. Hini äthi lä Säthaw hai khimi ce säla-a aenai saite vi.

Luka 22:20

Hini kätyng kädüngbö ca pyng ea lä Isu ma bynglyng la kha äni ce tea “Hini bynglyng thung-a awng saite cäpje tui lä nang ce tähang bälawng saite kai üng äthi vi. Hini kai üng thi lä Säthaw hai khimi ce säla-a awng kha älo aenai saite kangthae üng kamarae vi.

Johan 5:21

Pä-ai lä khimi kädü na bung mäning haile te kätyng-a Kai, Äcäpaw, la kai ma aely ngai saite na bung hing te py te by vi.

Johan 6:63

Säthaw üng Muilaw lä kähing py te vi. Khimi ce üng aethaw hai äte haetä la sa haw y. Kai thui te lo hai-a nang ce lä Säthaw üng Muilaw dang te vi. Honi Muilaw ma nang ce tea hing te py te vi.

Pawlae ma Rom märü üng kangkawng tähang tärü saite cae 1:5

Honi Areng hai-a Säthaw ma kai lä Khrista tähang mawsawng sa kha angtawtha lawng hai hethang tähang kähawi py te vi dy. Ceng angxynlyng üng khimi na lä yng kha tängai ö hethang Säthaw lä kai tea Angthang Kähawi thui hai te vi.

Pawlae ma Rom märü üng kangkawng tähang tärü saite cae 3:20

Hokä Ubädi thung-a awng saite kätyng sa te hai-a ämi la Säthaw üng maw-a cüng te y vi. Ubädi lä mä-ai tea hunghö sa saite mäny hai te vi.

Pawlae ma Rom märü üng kangkawng tähang tärü saite cae 4:15

Ubädi awng te phüng-a, Säthaw lä khimi ce tea kädawtho kha dengpy pa te vi. Tungaila Ubädi awng y dylä, Ubädi tea tängai y saite khimi la awng y lyng.

Pawlae ma Rom märü üng kangkawng tähang tärü saite cae 4:17

Caekäcai thung-a, “Kai lä nang tea pre cawngkhang khimi angxynlyng na üng pä-ai lawng hai vi” näkha näpa. Tukätephüng-a äni lä Säthaw üng maw-a mä-ai üng pä-ai vi. Abraham üng yng saite Säthaw lä dü saite na tea hing hai te vi. Hini Säthaw lä angcü-a awng y saite tea awng hai hethang särilo hai thui saite vi.

Pawlae ma Rom märü üng kangkawng tähang tärü saite cae 7:6

Tungaila vaihi mä-ai lä pyng vai saite Ubädi thung üng aelawi ö te vi dy. Ubädi hai aesui kha mä-ai lä dü ö te phüng-a, Ubädi lä mä-ai bung thawng thung-a pä-ung hethang haidae awng y vi dy. Mä-ai lä tärü saite Ubädi üng älang kangrüng kätyng kälu sa hethang ngai ö y vi dy. Muilaw Käcai ma mätü kha säbawng saite älang kangthae kätyng Säthaw üng kälu sa haw ö te vi.

Pawlae ma Rom märü üng kangkawng tähang tärü saite cae 8:2

Ätephüng-a mei nädylä mä-ai lä Isu Khrista hai bungtä lawng te phüng-a, mä-ai tea kähing py saite Muilaw üng Ubädi lä mä-ai bung hunghö hai-a dü saite Ubädi thung üng bälawi pa te vi dy.

1 Korin 11:25

Honi kätyng, äni ce lä ca ö pyng-a, äni lä bynglyng la kha, “Hini bynglyng thung-a awng saite cäpje tui lä kai üng äthi vi. Kai üng äthi lä Säthaw hai khimi ce säla-a aenai saite kangthae üng kamarae vi. Kai tea aedawng haile tyng hethang hini kätyng nei ö jawjaw ba” näkha näpa.

1 Korin 12:28

Kangkawng thung-a Säthaw lä kaepreng na tea äma ce üng mityng py pyng te vi dy. Angcüky üng na tea äni lä angtawtha na-a khai te vi. Äbaeni üng na tea lä buisaw na, ämäthung üng na lä Säthaw üng mätu saite särae na-a khai ö vi dy. Honi pyng-a lä cangxei te na sa haw saite khimi na, honi pyng dylä känaw käsaw tea hawi sa haw saite na, khimi kälang na tea säbawng haw saite na, kangkawng tea bähawi saite na hai mäny haw y saite lo cawngkhang thui haw saite na tea äma ce üng mityng-a py pa vi dy.

1 Korin 15:45

Caekäcai thung-a, “Säthaw lä angcü üng khimi Adam bung sa te kätü-a, Adam lä hing saite khimi lawng vi dy” näkha awng vi. Khrista näte kangkhüng üng Adam lä kähing py saite Muilaw vi.

1 Korin 3:10

Säthaw ma kai tea py saite tähang kähawi hai-a kai lä ing kähawi sakaw bärai saite kälu tea sa te vi. Kai lä Korin märü-a Angthang Kähawi thui kha Isu tea nang ce yng hethang säbawng te vi dy. Hini kätyng kai lä Säthaw üng ing aenyng nae sa vi dy. Hini pyng-a kai ma aetawng saite hini ing tea Khristen kangby jä-ai kälang na lä sa ö jawjaw te vi dy. Tungaila mä-ai angxynlyng na makä Säthaw üng ing tea sa hethang kae mei näte kähawi-a dawng ö qi hethang kae.

1 Korin 3:5

Pawlae lä ämi mei. Apolo lä ämi mei. Kai ni lawng netä lä Isu Khrista tea nang ce yng hethang säbawng saite Säthaw üng mawsawng na kae. Areng lä mä-ai tea py saite aetawng y te kälu tea mä-ai ni lä sa haw qi hawi te vi.

2 Korin 11:23

Äni ce lä Khrista üng mawsawng na mei. Kai lä hawiky saite mawsawng vi. Kai lä kangthö kätyng älo aepe te vi. Kai lä äni ce qawng-a cang y Khrista üng kälu mäsaexa te hai sa vi dy. Kai tea lä äni ce qawng-a cang y thawng thung-a pä-ung leilae te vi dy. Khimi ce ma kai tea lä äni ce qawng-a cang y boky te vi dy. Kai lä äni ce qawng-a cang y dü saite hai aeting leilae te vi.

2 Korin 3:14

Säthaw lä Isrelae khimi na üng bälung na tea tangkö hai pa te vi dy. Tukätephüng-a, äni ce lä vaihi khytä, aenai saite älo kangrüng üng ubädi phai te kätü-a, khimi ce üng bälung lä känih haetä hai khu te kätyng awng vi. Khimi lawngtä Khrista tea yng dylä, Khrista ma honi känih tea mäthuija pa te vi.

2 Korin 3:3

Khrista khekhe ma hini cae tea tärü kha kai ce hai-a tha te vi. Hini cae lä caetui hai tärü te y. Hing saite Säthaw üng Muilaw Käcai hai tärü te vi. Honi lä kälung phei na qawng-a tärü te y. Khimi ce üng bälung thung-a tärü te vi.

2 Korin 3:7

Säthaw ma Mosi tea kälung phei qawng-a tärü saite Ubädi py te kätü-a, Säthaw üng phung-ang lä aetüng te vi dy. Mosi üng mimai qawng-a Säthaw üng phung-ang lä kangjai-a la ngaila, Isrelae khimi na lä Mosi üng mimai tea kheng haw ö te y vi dy. Mä-ai bung dü saite mang-a tha te Ubädi lä phung-ang käleng hai tyng te vi dy.

2 Korin 3:9

Ubädi hai-a Säthaw lä khimi ce tea dengpy te vi. Tungaila Ubädi lä phung-ang hai tyng te vi dy. Älo aenai saite kangthae hai-a Säthaw lä mä-ai bung khimi käcüng-a mäthi te vi. Älo aenai saite kangthae lä ubädi qawng-a tengxyng y phung-ang lengky te vi dy.

Galati 3:21

Ubädi lä Säthaw üng aedo saite älo tea elekhei sa te vi mei. Hokä y lyng. Ubädi lä khimi ce tea dungtäsa hing saite py haw vi nädylä, mä-ai lä Ubädi tängai te phüng-a, Säthaw ma khimi käcüng kätyng khai haw vi ai.

Ephesi 2:1

Jangni-a nang ce lä Säthaw üng lo tängai ö y kha hunghö sa te phüng-a, khimi kädü na kätyng vi dy.

Ephesi 2:5

Tudylä mä-ai lä Säthaw üng lo tängai y te phüng-a dü saite khimi na kätyng awng te kätü-a, äni ma mä-ai bung lä Khrista hai mangtä hing hai te vi dy. Säthaw lä tähang kähawi hai-a nang ce bung aeqang te vi dy.

Ephesi 3:7

Säthaw lä äma üng tähang kähawi hai haidae hai-a kai tea hini Angthang Kähawi thui hethang mawsawng-a bälawng te vi dy.

1 Timote 4:6

Nang lä hini kai üng täru te lo yng saite khimi na tea mätu dylä nang lä Isu Khrista üng mawsawng kähawi-a aelawng ai mang. Nang lä nang ma üng yng saite hai tängai kha mätu saite kähawi hai Säthaw ma nang tea aethaw py vi ai.

2 Timote 1:11

Säthaw lä hini Angthang Kähawi thui hai hethang kai bung angtawtha-a hai särae lawngtä-a re te vi dy.

Hebrai 12:24

Säthaw hai khimi ce üng säla-a aenai saite kangthae tea aerü rüng saite lä Isu tea tyng te vi dy. Nang ce lä Isu üng käthüng saite äthi tea tyng ö vi dy. Honi äthi lä Abela üng äthi qawng-a hawiky saite älo tea thui vi.

Hebrai 13:20

Awngneng py saite Säthaw lä beram rui te Kung käleng lawng saite mä-ai üng Areng Isu tea dü te üng mäning haile tyng pa vi dy. Honi lä Isu Khrista üng äthi hai-a sa te vi. Honi äthi lä dungtäsa aenai saite äsäny vi.

Hebrai 7:22

Säthaw ma hikä täking te phüng-a, Isu hai-a jangni üng qawng-a mä-ai lä hawiky saite älo aedo te dang kha bälung ae-y khü haw ö te vi dy.

Hebrai 8:13

Säthaw lä honi älo aedo saite tea älo aedo saite kangthae näkha mäthi te vi dy. Honi kätyng-a äni lä angcüky üng aenai saite älo tea lä aenai saite älo Kangrüng näkha mäthi te vi. Kangrüng tea lä tawng hethang dang y te phüng-a, qae y tea ma la ja vi ai.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

1 Johan 1:1

Angcü üng hai awng kha kähing py saite älo phüng kai ce ma nang ce tähang tärü ö te vi. Honi tea kai ce lä thai kha ämi hai kheng ea nung haw kha äkö hai aela khe ö saite vi.