2 Korin 3:5 - Caekäcai Kangthae (Lemi)

⁵ Kai ce lä hini kälu tea kai ma ce ma sa haw vi näkha thui ö haw te y. Säthaw ma kai ce tea hini kälu sa hethang sakaw saite py vi dy.

Asang Khongso New Testament

⁵ Hi tok hae ka sak o thai tiah taphong hanah kaimahcae khaeah hae tidoeh ka tawn o ai. Ka sak o thaihaih ih loa Sithaw khae hoi-ih kangzo ni;

2 Korin 3:5 ပူးပေါင်းရင်းမြစ်များ

Luka 21:15

Ätephüng-a mei nädylä nang ce tea nang ma ce üng bälungkae-i na ma e haw y hethang kai ma bälungkähae hai älo na py ai mang.

Luka 24:49

Üngai ma mätaw he aedo saite Muilaw Käcai bung nang ce tea kai mätaw ai mang. Tungaila Säthaw üng haidae nang ce dang y rytä lä hini Jerusalem märü-a aering ö re ba” näpa.

Johan 15:5

“Kai lä Cäpje kung hai aetawng vi. Nang ce lä cangpre na hai aetawng vi. Khimi lawngtä lä kai hai aesui kha kai lä äni hai aesui ea ni, äthai aethai mang vi ai. Kai ma nang ce tea säbawng y dylä nang ce äte la sa haw y lyng.

Pawlae ma Rom märü üng kangkawng tähang tärü saite cae 15:18

Kai hai-a Khrista lä makä sa mei näte xyngtä kai lä thui vawng te vi. Ceng kälang na lä Säthaw üng lo tängai hai hethang kai üng thui saite lo, kai üng sa saite kälu na, kamarae na üng haidae hai cangxei saite na tea Säthaw üng Muilaw Käcai hai-a sa saite na vi dy. Tukätephüng-a Jerusalem märü üng hai aetawng kha Ilirikum khö-a tyng saite mityng qütä-a Khrista üng Angthang Kähawi tea kai lä thui king te vi dy.

1 Korin 15:10

Tungaila Säthaw üng tähang kähawi phüng-a, kai lä äni üng angtawtha-a lawng te vi dy. Kai tea Säthaw ma py saite tähang kähawi lä aetütü-a lawng te y vi. Kai lä angtawtha kälang na qawng-a aethaw saky te vi. Tungaila kai ma sa te y lyng. Säthaw üng tähang kähawi lä kai hai mangtä awng te phüng vi.

1 Korin 3:10

Säthaw ma kai tea py saite tähang kähawi hai-a kai lä ing kähawi sakaw bärai saite kälu tea sa te vi. Kai lä Korin märü-a Angthang Kähawi thui kha Isu tea nang ce yng hethang säbawng te vi dy. Hini kätyng kai lä Säthaw üng ing aenyng nae sa vi dy. Hini pyng-a kai ma aetawng saite hini ing tea Khristen kangby jä-ai kälang na lä sa ö jawjaw te vi dy. Tungaila mä-ai angxynlyng na makä Säthaw üng ing tea sa hethang kae mei näte kähawi-a dawng ö qi hethang kae.

1 Korin 3:6

Kai lä ämöti mäthu saite khimi kätyng vi. Apolo lä aepra te äkung na tea tui baw saite khimi kätyng vi. Tungaila äkung na tea ryng kha leng hai hethang sa saite na lä kai ni y. Säthaw kae vi.

2 Korin 12:9

Tungaila Areng lä kai tea, “Kai üng tähang kähawi lä nang tähang aelo te vi. Nang lä aethawdi te kätü-a, kai üng haidae lä cungrü te vi” näkha mäthang vi dy. Tukätephüng-a kai üng aethawdi saite phüng anghawtho te hai kai lä aethaw vi ai. Tudylä Khrista üng haidae lä kai hai mangtä awng vi ai.

2 Korin 2:16

Tungaila Säthaw ma dengpy hethang awng saite khimi na tähang, mä-ai lä kädü üng tho saite ämui kärawng kätyng vi. Säthaw ma aeqang saite khimi na tähang, mä-ai lä hing saite üng ämui kähawi na vi. Tätang khaw-a thui hethang nädylä, ämi lawngtä la äma ma hai-a hini kälu tea lä sa haw y lyng.

2 Korin 4:7

Kai ce lä sui tangkae awng saite sätüng na kätyng vi. Hini hai-a kai ce lä äte angxynlyng na qawng-a lengky saite haidae lä Säthaw hai aesui te vi näte mätü te vi. Hini lä kai ce hai aesui te y.

Filipi 2:13

Ätephüng-a mei nädylä Säthaw lä nang ce üng bälung thung-a kälu sa jaw jaw te vi. Nang ce lä Säthaw üng aely kängai sa hethang hai äni üng kawng saite sa hai hethang äni lä nang ce tea säbawng te vi.

Filipi 4:13

Kai tea aethaw py saite Khrista hai-a kai lä äte angxynlyng na tea sa haw te vi.

2 Timote 2:2

Nang lä kai ma khimi awng mang saite na maw-a mätu saite Isu Khrista üng Angthang Kähawi tea thai pyng te vi dy. Nang lä khimi kälang na tea mätu hai hethang ae-y haw nae hawi saite khimi na tea hini angthang a ba.

Jako 1:17

Hawi saite hai cungrü saite lasawng qütä lä Känipre üng tho te vi. Känipre kaevang tea sa saite Säthaw lä mä-ai tea hini lasawng na py te vi. Äni lä aethui saite kaekhui kätyng aemäqa te y vi.