2 Korin 3:14 - Caekäcai Kangthae (Lemi)

¹⁴ Säthaw lä Isrelae khimi na üng bälung na tea tangkö hai pa te vi dy. Tukätephüng-a, äni ce lä vaihi khytä, aenai saite älo kangrüng üng ubädi phai te kätü-a, khimi ce üng bälung lä känih haetä hai khu te kätyng awng vi. Khimi lawngtä Khrista tea yng dylä, Khrista ma honi känih tea mäthuija pa te vi.

Asang Khongso New Testament

¹⁴ Anihcae ih palungthin thok loa angkhah caeng; vaihni khoekto paipi kangquem cabu to a kroek o kruekah ato kahni mah anihcae ih palungthin to a khuk toengtoeng vop. Kami loa Khrih hoiah angpaeh na-ah khueh ni ato kahni to hlaeh ah a oh.

2 Korin 3:14 ပူးပေါင်းရင်းမြစ်များ

Mathai 13:11

Isu ma äni ce tea “Säthaw ma pre pyng saite phüng ho saite na nang ce tea mäny hai dy. Tungaila khimi kälang na tea lä mäny hai y.

Mathai 16:17

Isu ma äni tea “Jonae üng cäpaw Simon ä, nang lä tähang hawi. Makäte phüng-a mei nädylä hini kätüng phüng lä khimi ma nang tea mätu te y, Känipre-a Kai üng Pä-ai ma nang tea mäny hai te vi.

Mathai 6:23

Tungaila nang ämi hawi y dylä, nang üng ätabung angxynlyng na lä käving thung-a awng kha Säthaw üng kängai mäny haw y dy.

Johan 12:40

Äni lä “Säthaw ma äni ce üng ämi bäjö hai pa te vi. Äni ce üng bälung la tangkö hai pa vi. Tukätephüng-a äni ce üng ämi na la nung haw ö y. Bälung hai la mäny haw y. Äni ce üng naw saite na hawi hethang kai tea aekö haile tyng ö y” näpa.

Johan 12:46

Kai tea yng saite angxynlyng na lä, käving thung-a awng y hethang kai lä kaevang-a aelawng kha älawng qawng-a cäqa te dy.

Johan 8:12

Tukha Isu ma khimipui na tea “Kai lä älawngpre khimi ce üng kaevang vi. Kai leithung hui saite na lä manila käving thung-a ly y dy lyng. Äni ce lä kähing py saite kaevang dang ö vi ai” näkha näpa.

Angtawtha 13:15

Mosi üng Ubädi hai buisaw na tärü te cae na phai pyng ea lä, ingkäcai mätawngky na ma äni ce tea “By jä-ai na ä, khimi ce tea aethaw py hethang awng dylä, vaihi älo thui ö” näkha khimi bung mätaw kha äni ce tea thui hai pa dy.

Angtawtha 15:21

Ätephüng-a mei nädylä vaicaw üng hai ma aetawng kha Mosi üng Ubädi cae bung Aehae te Käni qütä Judae na üng ingkäcai na thung-a phai te hai Mosi üng älo phüng märü qütä-a thui ö vi dy.

Angtawtha 16:14

Äni ce thung-a Lidia näsaite nawngmädi lawngtä awng vi. Äni lä Thetaria märü üng ly kha ävang ting saite äsae kangthing na rang kha jaw te nawngmädi lawngtä vi. Äni lä Säthaw tea cäphaw kha awng vi. Pawlae thui saite angthang na tängai khü hethang Areng Isu ma äni üng bälung tea mäny hai va pa vi dy.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

2 Korin 3:15

Vaihi khytä Isrelae khimi na lä Mosi üng ubädi phai te kätü-a, äni ce üng bälung na lä hini känih hai khu saite kätyng vi.

2 Korin 3:6

Säthaw äma khekhe lä kai ce tea älo aenai saite kangthae üng mawsawng lawng hethang sakaw saite py vi dy. Honi älo aenai saite lä tärü saite ubädi hai aetawng te y. Honi lä Muilaw Käcai üng aenai saite lo vi. Tärü saite Ubädi lä mä-ai bung dü saite mang-a tha kha Muilaw Käcai lä mä-ai tea kähing py te vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

Ephesi 4:18

Äni ce lä Säthaw lo mitang tea thaikaw king haw ö y vi. Äni ce lä Säthaw ma py te hing saite hai hanglaw bärai ö te vi. Ätephüng-a mei nädylä äni ce lä bälung tangkö kha Säthaw bung mäny haw ö y.