2 Korin 2:12 - Caekäcai Kangthae (Lemi)

¹² Kai lä Troa märü-a Khrista üng Angthang Kähawi thui hethang tyng te kätü-a, Areng lä ho-a kälu sa hethang älang sa rüng pa vi dy.

Asang Khongso New Testament

¹² Khrih kawng Tamthang Kahoih to thuih hanah Troas ah ka phak na-ah toah to toksak hanah Angraeng mah lam ang paong tito ka hnuk.

2 Korin 2:12 ပူးပေါင်းရင်းမြစ်များ

Angtawtha 14:27

Antioh märü-a änini tyng te kätü-a, änini lä Yng saite khimi na bung aekäcö hai kha äma ni hai-a Säthaw ma sa saite kälu na läsy, ceng kälang khimi na yng hethang Säthaw ma kätü kähawi py te phüng-a läsy, änini ma thui hawi pa haile king te vi dy.

Angtawtha 16:11

Tukha kai ce lä Troa märü üng hai Samothrae angrai sälawng mang-a tui sangphaw aedang kha khawngdang mang-a lä Neapoli märü-a tyng ö vi dy.

Angtawtha 16:8

Tukätephüng-a äni ce lä Musi khö bung cäqeng kha Troa märü-a tyng ö vi dy.

Angtawtha 20:8

Kai ce aekäcö saite äqawng üng engthung-a lä, maibung thawng saite na awng mang vi.

Pawlae ma Rom märü üng kangkawng tähang tärü saite cae 1:1

Hini lä Khrista Isu üng mawsawng Pawlae te üng cae vi. Säthaw lä äma üng Angthang Kähawi thui hethang ka kha kai bung angtawtha-a re te vi dy.

1 Korin 16:9

Areng ma Säthaw üng kälu sa hethang kätho käleng haetä pä-awng vi dy. Tungaila kai tea elekhei sa saite khimi na lä awng mang ö te by vi.

1 Korin 9:12

Nang ce lä Khrista üng kälu sa saite khimi kälang na tea säbawng dylä, kai ce tea la nang ce lä säbawng he kae khaw ö te vi. Tungaila kai ce lä nang ce ma säbawng hethang kae saite tea kai ce lä la ö te y. Kai ce lä Khrista üng Angthang Kähawi tea mäkhang y hethang awng te phüng-a, mätangbälai saite na thung-a awng ö te vi.

1 Korin 9:14

Honi kätyng Angthang Kähawi thui saite khimi na lä honi Angthang thui te hai-a hing hethang kae näkha Areng ma särilo py pyng te vi dy.

1 Korin 9:16

Kai lä Angthang Kähawi thui te phüng-a, aethaw hethang awng te y vi. Säthaw ma kai tea hini lo thui hai pyng te vi dy. Honi Angthang Kähawi thui y dylä, kai lä tähang si vi ai.

2 Korin 10:14

Kai ce lä Säthaw ma särilo thui y saite mityng-a, kälu sa ö te y vi. Kai ce lä nang ce tea tyng te kätü-a, Säthaw ma särilo thui saite mityng-a kälu sa ö te vi dy. Kai ce lä nang ce awng te khytä ly kha Khrista üng Angthang Kähawi nang ce tea thui ö te vi dy.

2 Korin 11:4

Khimi lawngtä lä nang ce tea ly kha kai ce ma Isu phüng thui saite hai aetawng y saite phüng thui dylä, nang ce lä anghawtho kha tängai ö te vi. Y dylä Säthaw ma nang ce tea py saite Muilaw hai aetawng y saite phüng tea khimi lawngtä ma thui dylä, nang ce lä lady ö vi. Nang ce yng saite hai aetawng y saite Angthang Kähawi tea khimi lawngtä ma thui dylä, nang ce lä jahaw-a yng ö vi.

2 Korin 11:7

Kai lä nang ce tea äte ävang la y käla Säthaw üng Angthang Kähawi thui te vi dy. Kai lä aemäneng te hai-a nang ce tea aely leng hai te vi. Hini kätyng kai üng sa saite lä tämang te vi mei.

2 Korin 4:3

Kai ce thui saite Angthang Kähawi tea ho dylä, Säthaw ma täphra saite na tähang ho te vi.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

2 Korin 8:18

Angthang Kähawi thui te phüng-a kangkawng angxynlyng na ma bälaw saite kängby jä-ai lawngtä bung la Tita hai mangtä kai ce lä mätaw te by vi.

2 Korin 9:13

Nang ce lä Khrista hai aesui vi näte nang ce üng kälu kähawi sa te hai-a mätü ö te vi. Honi hai-a khimi awng mang saite na ma Säthaw tea bälaw ö ai. Nang ce lä Khrista üng Angthang Kähawi thui te qaitä y, äni tea hui hethang ngai saite bälung la awng vi näte nang ce üng bäsai y käla khimi qütä tea py te hai-a mätü ö te vi.

Kolosa 4:3

Nang ce lä kai ce tähang la aetang pa ö jo. Tudylä Säthaw lä äma üng angthang thui hethang kai ce tea kätho pä-awng vi ai. Tukätephüng-a kai ce lä jangni-a äni ce mäny vai y saite Khrista üng Angthang khimi ce tea thui haw ö ai. Hini Angthang thui te phüng-a kai bung lä vaihi thawng thung-a pä-ung te vi.

1 Thesalon 3:2

Hi-a kai ce awng te thüng-a, mä-ai üng kangby Timothe bung nang ce tea kai ce lä mätaw te vi dy. Äni lä Khrista üng Angthang Kähawi thui tea kai ce hai mangtä Säthaw üng kälu sa te vi. Nang ce üng yng saite na tea säbawng hethang hai aethaw py hethang äni bung kai ce ma mätaw te vi.