2 Korin 13:11 - Caekäcai Kangthae (Lemi)

¹¹ Kai üng kängby jä-ai na ä, kangkhüng üng cibai sa saite lo lä nang ce lä nawsaw hawi kha anghawtho ö sy. Cungrü hethang aethawsa ö. Kai ma nang ce tea thui pyng saite tea tängai ea bälung haetä awng kha awngneng te hai-a ma awng ö. Hini kätyng nang ce sa dylä, bälung aevaw te hai awngneng te käpy Kung, Areng Säthaw, lä nang ce hai mangtä awng ai.

Asang Khongso New Testament

¹¹ Vaihi loa naukamzanawk, ngantui ta-ah om oah! Acunghaih hanah zom oah; kang pacaehaih ih hae tahngai oah; longto hoi longto palungdue oah; ka mong ta-ah om oah. Amlunghaih Sithaw hoi monghaih sithaw loa nangcae khaeah om tih.

2 Korin 13:11 ပူးပေါင်းရင်းမြစ်များ

Mathai 1:23

Buisaw Isaia ma “Anglaw käcai lä äjopawng ea cäpaw aepeng ai. Khimi ce ma Emanuela näkha ka ö ai.” Honi älawngsai lä “Säthaw lä mä-ai hai mangtä awng” näte vi näkha näpa.

Mathai 5:48

Tukätephüng-a Känipre üng Pä-ai Säthaw lä cungrü te kätyng nang ce la cungrü-a awng ö jo.

Marka 10:49

Isu lä aedaw ea “Äni bung ka lawi” näkha näpa. Tukätephüng-a äni ce lä ämi kangjö tea “Aethawsi hang. Aetha lawi. Areng ma nang bung ka dy” näkha näpa.

Marka 9:50

“Bälawi lä hawi. Tungaila bälawidae dylä nang ce lä makä sa kha bälawi lung haile tyng hethang sa haw ö ai mei. “Nang ma ce khekhe lä bälawi kätyng lung ö. Lawng lawngtä hai aede ö ba” näkha näpa.

Luka 9:61

Kälang lawngtä ma “Areng ä, kai lä nang leithung hui ai mang. Tungaila kai üng engthung na tea vawi kha aeprei te pawi sa mang re si ba” näpa.

Johan 17:23

Pä-ai, Nang, ma Kai hai aesui te kätyng Kai la äni ce hai aesui te by. Tukä ea ni äni ce lä käcung-a bungtä lawng ö vi ai. Tupyng-a Pä-ai, Nang, ma Kai bung mätaw kha Kai tea bälung aevaw te kätyng, äni ce tea la Pä-ai ma bälung aevaw saite älawngpre üng khimi angxynlyng na lä mäny haw ö bawi vi ai” näpa.

Angtawtha 15:29

Mimi tea löci sa saite mawi ca hang. Äthi lä ca hang. Känawngjang tära kha ra saite üng ängang lä ca hethang kae y. Aepawng y käla nawngpui nawngpaw kätyng awng vai y. Hini na tea aehi dylä hawiky te vi dy. Nawsaw hawi ö sy” näkha awng te vi.

Angtawtha 18:21

Tungaila Pawlae lä “Säthaw ma aely ngai vi dylä, nang ce tea kai ly haile tyng ai mang” näkha tui sangphaw-a paw kha Ephesi märü üng tho ja pa vi dy.

Angtawtha 23:30

Judae khimi na lä äni tea bädü hethang kangru-a aedüng ö te phüng-a, kai lä angthang thai kha äni bung nang tea mätaw praw te vi. Tärae ngai saite khimi na tea la nang üng maw-a täphawng hethang kai ma älo täru pa te vi dy. Nang lä nawsaw hawi sy ba” näkha tärü te vi dy.

Pawlae ma Rom märü üng kangkawng tähang tärü saite cae 12:16

Yng saite khimi qütä hai bälung mangtä aedü ö. Aethaw ö hang. Mätang saite khimi hai kangby jä-ai na aesa ö. Mä-ai ma tea mä-ai ma bälunghae te vi näkha aedawng ö hang.

Pawlae ma Rom märü üng kangkawng tähang tärü saite cae 12:18

Nang ce lä bäja te rytä khimi qütä hai awngneng saite hai-a hing hethang ae-eng ö.

Pawlae ma Rom märü üng kangkawng tähang tärü saite cae 14:19

Tukä dylä mä-ai lä awngneng hethang hai lawng lawngtä yng saite aethaw awng hethang aesäbawng ö jawjaw he kae.

Pawlae ma Rom märü üng kangkawng tähang tärü saite cae 15:13

Nang ce tea aethang khai saite py te Säthaw lä nang ce üng yng te hai-a nang ce tea anghawtho saite angxynlyng hai awngneng saite na py sy. Muilaw Käcai üng haidae hai-a nang ce üng aethang khai saite lä leng rae haw vi dy.

Pawlae ma Rom märü üng kangkawng tähang tärü saite cae 15:33

Awngneng te py saite Säthaw lä nang ce angxynlyng hai mangtä awng jawjaw sy. Amen.

Pawlae ma Rom märü üng kangkawng tähang tärü saite cae 16:20

Awngneng te py saite üng Säthaw lä Setan angra bung nang üng kho täkui-a qae y tea ma ketibu vi ai. Mä-ai üng Areng Isu Khrista üng tähang kähawi lä nang ce hai mangtä awng jawjaw sy.

1 Korin 1:10

Kai üng kangby jä-ai na ä, mä-ai üng Areng Isu Khrista ma kai tea äma üng aenae hai thui hethang py vi dy. Nang ce lä lawng lawngtä ae-e ö hethang kae y dy lyng. Kangkawng thung-a aetäphü hethang kae y vi dy. Nang ce lä bälung mangtä, dawng saite la mangtä awng ö lawi näkha kai lä nang ce tea mäci khü te vi dy.

2 Korin 1:4

Äni lä mä-ai üng mätang bälai saite angxynlyng na thung-a mä-ai tea säbawng te vi. Tukätephüng-a mä-ai la mätang bälai saite na khimi ce aeting te kätü-a, äni ce tea säbawng haw ö te vi. Säthaw lä mä-ai tea säbawng te kätyng mä-ai la äni ce tea säbawng haw ö te by vi.

2 Korin 13:14

Areng Isu Khrista üng tähang kähawi, Säthaw üng bälung aevaw saite hai Muilaw Käcai üng aede saite lä nang ce angxynlyng na hai mangtä awng sy.

2 Korin 13:9

Kai ce aethawdi te kätü-a, nang ce aethaw awng dylä, kai ce lä kawng ö vi. Kai ce lä nang ce tea cungrü saite khimi na lawng hethang aetang ö te vi.

Ephesi 4:12

Khrista ma hini kätyng sakaw saite na py te lä Säthaw üng khimi na tea äma tähang kälu sa hethang aerü rüng hai te vi. Tudylä Khrista üng ätabung lawng saite Säthaw üng kangkawng angxynlyng na lä aethaw awng kha ryng ö rae vi ai.

Ephesi 4:3

Muilaw Käcai hai-a nang ce lä bungtä-a lawng te vi dy. Tukätephüng-a nang ce lä aebälung te hai awng jawjaw hethang aethawsa ö. Nang ce lä awngneng te hai awng dylä, hini kätyng lawng ö ai.

Ephesi 6:23

Mä-ai üng Pä-ai Säthaw hai Areng Isu Khrista lä nang ce yng saite na tea awngneng saite, bälung aevaw saite hai yng saite na py sy.

Filipi 1:27

Nang ce lä Khrista üng Angthang Kähawi yng saite tähang kaebäla-a awng hethang lä tätang aely leng te vi. Tukätephüng-a nang ce tea kai aeting haw y kha hanglaw mang nang ce üng angthang thai te läsy, aeting haw y te läsy, nang ce lä bälung mangtä aedü kha aedaw ö haw te kai lä mäny vi ai. Nang ce angxynlyng Angthang Kähawi üng yng saite tähang phüng-a aethaw mangtä aesa ea aety ö näte kai lä mäny vi ai.

Filipi 3:16

Ätemakä läsy, Säthaw ma mä-ai tea mätü pyng saite kätyng mä-ai lä sa kha awng ö hethang kae.

Filipi 4:2

Euodia hai Syntuki ä, nang ni lä Areng hai aesui hawi te phüng-a, lawng lawngtä bälung mangtä aedü hawi hethang nang ni tea kai la mäkai te vi.

Filipi 4:4

Areng hai aesui kha anghawtho ö jawjaw ba. Kai thui tynglyng be ai dy: anghawtho ö.

Filipi 4:9

Kai te üng aetu kha dang saite ätete angxynlyng na, kai üng thai saite na hai nung saite cawngkhang na, nang ce lä bäjui ö khü ba. Hokä dylä awngneng te py saite Säthaw lä nang ce hai mangtä awng ai mang.

1 Thesalon 3:10

Nang ce üng yng saite aely kängai säbawng haw hethang hai nang ce hai ämaw aeting khe hethang kai ce üng bälung angxynlyng na aepy kha kai ce lä Areng tea kärung käni aetang ö te vi dy.

1 Thesalon 4:1

Kangkhüng-a lä yng saite kangby jä-ai na ä, nang ce lä Säthaw üng kängai-a makä sa kha awng ai mei näsaite phüng, kai ce lä mätu ö pyng te vi dy. Tätang khaw, nang ce lä hini kätyng awng ö te vi. Mä-ai lä Areng Isu hai bungtä te phüng-a, nang ce lä Säthaw üng kängai-a aeme aeqa rae hethang mäteng ma awng hethang kai ce lä vaihi aesi aebai kha mäci ö te vi.

1 Thesalon 4:18

Tukätephüng-a kai ma thui pyng saite phüng hai nang ce lä lawng lawngtä tea aethaw aepy ö ba.

1 Thesalon 5:13

Äni ce sa saite kälu na phüng-a, nang ce lä äni ce tea tengxyng y bälung aevaw phi te hai tämö khai pa ö. Nang ce lä lawng lawngtä hai aede ö.

1 Thesalon 5:16

Äte makäte la tyng mai sy, nang ce lä anghawtho jawjaw ö ba.

1 Thesalon 5:23

Awngneng te käpy Kung, Säthaw, lä nang ce te üng hing saite tea cai hai kha cungrü hai king vi ai. Mä-ai üng Areng Isu Khrista ly haile tyng te kätü khytä, nang ce tea cy y hethang Säthaw lä nang ce üng bälung hai hing saite ätabung na tea kähawi-a rui hethang kai lä aetang te vi.

2 Thesalon 2:16

Mä-ai üng Areng Isu Khrista hai Pä-ai Säthaw ma mä-ai tea bälung aevaw kha tähang kähawi hai-a, dungtäsa aethaw dang saite hai aethang khai saite py te vi. Mä-ai üng Pä-ai Säthaw lä nang ce üng bälung na tea aethaw py kha hawi saite angxynlyng na thui hethang hai, kälu sa khü jawjaw ö hethang säbawng sy.

2 Thesalon 3:1

Yng saite kangby jä-ai na ä, nang ce lä kai ce tähang aetang pa ö jo ba. Areng Isu üng Angthang Kähawi aepreng dawde kha nang ce ma Angthang Kähawi yng ea tängai te kätyng, thai saite khimi qütä la tängai haw hethang aetang pa ö jo.

2 Thesalon 3:16

Awngneng te kä py Kung, Areng Isu, ma nang ce tea aeting saite angxynlyng na thung-a awngneng saite py jawjaw sy. Areng lä nang ce angxynlyng hai mangtä awng sy.

2 Timote 2:22

Nang lä särai anglaw na sa hethang ngaiphi tüng y saite na tea aehi ba. Bälung käcai hai Areng tea cäphaw saite khimi na hai mangtä cüng saite, yng saite, bälung aevaw saite, awngneng saite awng hethang aethawsa ba.

Hebrai 12:14

Khimi angxynlyng na hai mangtä awngneng saite hai-a awng hethang aethawsa ö ba. Caiping saite thung-a hing ö. Caiping y saite khimi ämi la Areng bung nung haw y lyng.

Hebrai 13:20

Awngneng py saite Säthaw lä beram rui te Kung käleng lawng saite mä-ai üng Areng Isu tea dü te üng mäning haile tyng pa vi dy. Honi lä Isu Khrista üng äthi hai-a sa te vi. Honi äthi lä dungtäsa aenai saite äsäny vi.

Jako 1:4

Nang ce üng khung saite lä ryng te qawng-a ryng rae kha hing saite angxynlyng na tähang awng hethang kae. Tukä dylä nang ce üng aeme aeqa saite lä ryng kha cungrü ö ai. Tukha nang ce lä aethawdi ö y vi ai.

1 Piter 3:11

Nang ce lä käsi sa jawjaw y käla kähawi sa ö hethang kae. Nang ce lä lawng lawngtä awngneng hethang aethawsa he kae.

1 Piter 3:8

Kangkhüng-a, kai thui hethang ngai te lä, nang ce lä bälung kaedawng mangtä awng kha aebäheng tingtawi ö lawi. Lawng lawngtä tea Khristen äpy na kätyng bälung aevaw ö. Aebäheng kha aemäneng saite bälung na awng ö ba.

1 Piter 5:10

Nang ce lä tänaetä mätang bälai pyng-a, tähang kähawi angxynlyng na üng Säthaw lä nang ce tea yng te cakhi hai kha aethaw awng hai ea cungrü hai ö vi ai. Äni lä Isu Khrista hai-a äma üng dungtäsa phung-ang thung-a qa hethang nang ce bung re te vi dy.

Lokphong 22:21

Areng Isu üng tähang kähawi lä Säthaw üng khimi angxynlyng na tea awng sy.Amen.