2 Korin 11:3 - Caekäcai Kangthae (Lemi)

³ Tungaila Setan lawng saite bärui lä äma üng kaeling kaemae sa te hai Evi tea hunghö sa hai hethang the te kätyng khimi phütä ma nang ce tea älang tämang hai kha nang ce lä Khrista bung bälung aevaw saite tea kädephae ö ai näte kai lä bälung mawng te vi.

Asang Khongso New Testament

³ Pahui mah palunghahaih hoiah Evi to aling thaih batiah, nangcae palungthin to qong-ak moeng ueloa kacung hoi thoengcai ta-ah Khrih na patawnhaih o ih to na prawt o sut moeng tih tihae ka mawnh.

2 Korin 11:3 ပူးပေါင်းရင်းမြစ်များ

Mathai 24:24

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

Pawlae ma Rom märü üng kangkawng tähang tärü saite cae 12:8

Mä-ai üng sakaw saite khimi tea aethaw py haw dylä, aethaw py hethang kae. Khimi ce tea säbawng he awng dylä, mäsai y käla säbawng hethang kae. Mä-ai üng sakaw saite lä yng saite na üng mätawngky-a sa hethang dylä, ae-eng kha sa hethang kae. Mä-ai üng sakaw saite hai khimi ce tea bäheng haw vi dylä, anghawtho te hai bäheng hethang kae.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

2 Korin 11:20

Hini qawng-a cang y, nang ce tea mawsawng na kätyng pyng saite khimi qütä tea nang ce lä änawngsa ö te vi. Nang ce tea kaeling kaemae sa kha bäru saite na, mäthi y saite na, nang ce üng mimai na tea täbeng saite na tea nang ce lä khung ö te vi.

2 Korin 11:29

Kai lä aethawdi saite khimi phütä hai aeting te kätü-a, aethawdi saite khimi kätyng lawng te by. Kai lä hunghö sa hai hethang the pyng saite khimi phütä na hai aeting te kätü-a, hunghö sa hai saite khimi na tea kädawtho te vi.

2 Korin 2:17

Khimi awng mang saite na lä ävang dang hai hethang Säthaw üng lo thui ö te vi. Mä-ai lä hini khimi ce kätyng y. Säthaw ma mä-ai bung mätaw te phüng-a, mä-ai lä Säthaw üng maw-a bälung mitang khaw hai Khrista üng Angthang thui ö te vi.

2 Korin 4:2

Kai ce lä saerae hethang hai ho hethang hawi khaw saite kälu angxynlyng na tea khaisö ö vi dy. Kai ce lä ämi tea la kaeling sa te y kha Säthaw üng älo lä aemäqa te y vi. Kai ce lä lo mitang tea thui phrang ö te vi. Hini kätyng Säthaw üng maw-a cüng vi näte khimi angxynlyng na üng bälung thung-a mäny haw ö te vi.

Galati 1:6

Khrista üng tähang kähawi hai-a ka te Säthaw tea nang ce lä dawde-a khaisö ö te phüng-a, kai lä tengxyng y cangxei vi. Nang ce lä khimi ce ma kälang mätu saite mang-a hui ö lae te vi.

Galati 2:4

Tukä ea la yng te kätyng käjüng sa saite khimi phütä na lä Tita bung lengkhüng täke hai hethang ngai ö te vi. Honi khimi ce lä Isu Khrista hai-a, kai ce üng aelawi saite mäny hai hethang kangkawng thung-a kangru mang kung ö te vi. Äni ce lä mä-ai bung Judae khimi na üng reitae tea hui hai kha mawsawng kätyng lawng haile hethang ngai ö te vi.

Galati 3:1

Kalatia khö üng yng saite kangby jä-ai na ä, ätephüng-a nang ce lä kaerö na kätyng sa ö te vi mei. Nang ce tea ämi ma aedawi hai sa te mei. Kai lä nang ce tea Isu Khrista üng Angthang thui te thüng-a, äni ma thinglang qawng-a dü pa saite lä nang ce üng ämi hai nung ö khe te kätyng vi dy.

Galati 4:11

Kai lä nang ce tähang bälung mawng hai bärai vi. Kai ma nang ce thung-a sa pyng saite kälu angxynlyng na lä aetütü-a awng lae ai te phüng-a vi.

Ephesi 4:14

Tupyng-a mä-ai lä nade na kätyng y lyng. Kaesyng y-a mätu saite hai kaeling kaemae sa saite na lä mä-ai tea the haw ö y dy. Mä-ai lä aeli pui hai tuileng ma bäja rungrang saite bälawng haetä kätyng y vi dy.

Ephesi 4:22

Tukätephüng-a jangni Säthaw bung mäny y te kälang-a, nang ce üng aeme aeqa kha käsi sa jawjaw saite na tea lä khaisö ö lawi. Hini ngaiphi tüng y saite na lä nang ce tea kaeling kaemae sa hai kha täphra hethang ngai ö te vi.

Ephesi 6:24

Manila bynglei y saite bälung aevaw te hai-a, mä-ai üng Areng Isu Khrista bung bälung aevaw saite, nang ce angxynlyng na qawng-a Säthaw üng tähang kähawi lä tyng sy.

Kolosa 2:18

Särae kälang na lä sa tämang te hai aemäneng kha Känipre üng angtawtha na tea cäphaw hethang mätu pa te vi. Äni ce üng the saite mang-a hui ö hang ba. Honi kätyng hui dylä, nang ce üng aeqang saite vang lä laja ö ai. Honi särae na lä äsämai mang aetüng te phüng-a, Säthaw üng Angthang tea hawihai pailai thaikaw te vi näkha näte lä äni ce üng käjüng aesa ö saite na kae. Äni ce lä khimi ce üng kaedawng hai thui ea aethaw ö vi dy. Tungaila äni ce aethaw hai nae lä äte haetä la awng y lyng.

Kolosa 2:4

Ämi ma la lo kätui hai nang ce tea kaeling kaemae sa ea bähawi haw y hethang, kai lä hini kätyng thui hethang ngai vi.

Kolosa 2:8

Ämi ma la nang ce tea mäthang sa kha ne y hethang sädi khai ö. Särae kälang na lä khimi ce üng reitae, käni khösang tea pyng saite Setan angra te üng ly te kaedawng hai bälung kähae na, nang ce tea mätu ö te vi. Honi kaedawng hai bälung kähae na lä Khrista hai aesui te y lyng.

1 Thesalon 3:5

Tukätephüng-a kai lä Timothe bung mätaw hethang kae te vi. Kai lä änawngsa haw y vi dy. Nang ce üng yng saite phüng mäny hethang tähang äni bung kai ma mätaw te vi dy. Setan angra ma nang ce tea the haw te hai mä-ai üng kälu sa saite angxynlyng na lä aetütü lawng ai te tähang-a kai lä bälung mawng phi vi dy.

1 Timote 1:3

Makedonia khö-a kai ly he aetawng te kätü-a, nang lä Ephesi märü-a awng hethang mäci te vi. Ätephüng-a mei nädylä nang lä kaesyng y-a mätu saite särae na tea mäkhang hethang särilo thui haw ai.

1 Timote 2:14

Setan lä Adam tea kaeling thui te y. Nawngmädi tea ni thui te kae. Tukha nawngmädi lä hunghö sa te kung-a aelawng te vi dy.

2 Timote 3:13

Käsi sa te hai kaeling sa te khimi na lä sa tämang ö rae ai mang. Äni ce lä khimi ce tea kaeling sa te kätyng khimi kälang na ma la äni ce tea kaeling sa ö by ai.

Titas 1:10

Ätephüng-a mei nädylä kangkawng üng mätawngky lo na tängai y saite na lä awng mang vi. Äni ce lä älo aetütü na thui rungrang te hai yng saite na tea tämang hai te vi. Yng saite khimi qütä na lä lengkhüng täke hethang kae näkha thui te khimi na thung-a awng ö ky te vi.

Hebrai 13:9

Angthang Kähawi y käla äte cawngkhang kätüng y kangthae mätu saite na tea hui y hethang nang ce lä sädi khai ö. Säthaw üng tähang kähawi hai-a mä-ai üng bälung thung-a aethaw awng hai hethang lä hawi ö te vi. Judae khimi na üng reitae kätyng ca hethang lä ävang ting te y vi.

2 Piter 3:17

Tungaila kai üng bälung aevaw te yng saite kangby jä-ai na ä, nang ce lä hini phüng mäny pyng ö te vi dy. Aerü ö rüng lawi. Tudylä Säthaw üng Ubädi tängai y saite khimi na lä äni ce üng sa tämang te hai-a nang ce bung kätüng y saite mang-a the haw y lyng. Nang ce üng yng te cakhi saite na te üng nang ce bung lä aethuija hai haw ö y vi ai.

2 Piter 3:3

Aely lengky saite lä, nang ce lä hini kangkhüng üng dungpa-a mänui hai saite khimi na lä tho ai näte mäny ö hethang kae. Äni ce lä äma ce üng ngaiphi tüng y saite na tea hui kha nang ce tea mänui hai ö vi ai.

1 Johan 2:18

Kai üng bälung aevaw saite caw nade na ä, kangkhüng üng kätü lä tyng vi ai dy. Khrista üng täre kälengky lä tyng ai näte tea nang ce lä thai ö pyng te vi dy. Vaihi la Khrista üng täre na lä awng mang-a tho rüng pyng te vi dy. Tukätephüng-a kangkhüngky üng kätü lä aenai vi näsaite tea mä-ai lä mäny ö te vi.

1 Johan 4:1

Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.

Judae 1:4

Ätephüng-a mei nädylä Säthaw lo tängai y saite khimi phütä na lä nang ce thung-a kangru mang kung ö te vi ba. Äni ce lä Säthaw üng tähang kähawi phüng-a äma ce üng ngaiphi tüng y saite kätyng awng haw vi näkha mätu ö te vi. Äni ce lä mä-ai üng Areng hai Ingkung lawngtä xyng awng saite Isu Khrista tea aephae ö vi. Äni ce tea lä Säthaw ma dengpy ai näkha jangni üng hai ma tärü rüng pyng te vi dy.

Lokphong 12:15

Näka käleng lä nawngmädi bung tuisaw-a bäja hai hethang äma üng täbawng mang tui tea tävaw käleng kätyng mätho pa vi dy.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Lokphong 20:2

Äni lä Näka cangkhawng üng bärui bung ne kha säning sangtä tähang süng rui hai mäkhing ea khai pa vi dy. Honi lä Setan angra vi.