2 Korin 11:10 - Caekäcai Kangthae (Lemi)

¹⁰ Kai üng bälung thung-a lä Khrista üng lo mitang awng te phüng-a, Käri pre angxynlyng-a ämi lawngtä la kai hini kätyng aethaw te tea mäkhang haw ö y ai.

Asang Khongso New Testament

¹⁰ Hi kamluehaih ih hae Akhaia prae thung vang kruekah amimah doeh pakaa thai mak ai tito ka thungih Khrih loktang lok kaom ranghoiah kam-aih.

2 Korin 11:10 ပူးပေါင်းရင်းမြစ်များ

Angtawtha 18:12

Kalio lä Käri pre-a, Rom aecörae üng mätawngky kälengky-a re kha pyng te thüng-a, Judae khimi na lä aekäcö kha Pawlae bung ne ea älo cei saite mityng mang-a nähai pa vi dy.

Angtawtha 18:27

Apolo lä Käri pre-a ly hethang ngai ea lä, Ephesi märü üng kangby jä-ai na ma äni tea aethaw py pa vi. Käri pre üng khimi na tea äni bung lady hethang cae tärü te hai-a säbawng pa dy. Äni lä ha-a tyng ea Säthaw üng tähang kähawi hai-a, yng saite na tea awng mang-a säbawng pa dy.

Pawlae ma Rom märü üng kangkawng tähang tärü saite cae 1:9

Säthaw üng Cäpaw Angthang Kähawi thui te hai-a kai lä Säthaw üng kälu tea bälung mäke angxynlyng na hai sa te vi. Kai lä nang ce tea aedawng jawjaw kha aetang te vi näte Säthaw ma mäny khe te vi.

Pawlae ma Rom märü üng kangkawng tähang tärü saite cae 16:5

Änini üng ing-a aecö saite yng te khimi ce tea la cibai sa te lo thui pa ba. Angcüky-a Asia pre cäpi üng Khrista tea yng saite khimi, kai üng bälung aevaw saite kangby jä-ai Epenetus tea la cibai sa te lo thui pa ba.

Pawlae ma Rom märü üng kangkawng tähang tärü saite cae 9:1

Khrista üng maw-a kai lä lo mitang thui te vi. Kai lä kaeling kaemae lo thui te y lyng. Kai thui saite lä tüng vi näte Muilaw Käcai ma pyng saite kai üng käsi kähawi mäny saite bälung ma kai tea thui khü te vi.

1 Korin 16:15

Kangby jä-ai na ä, kai lä nang ce tea mäci hethang ngai. Nang ce lä Stephana hai äni üng ingthung na phüng mäny ö te vi. Äni ce lä Käri pre-a angcüky üng yng saite khimi na vi dy. Äni ce lä Säthaw üng khimi na tähang kälu sa hethang äma ce bung ae-a ö te vi dy.

2 Korin 1:1

Hini cae lä kai, Pawlae hai mä-ai üng kangby Timothe te üng tha te vi. Säthaw lä äma üng aely kängai hai-a, kai bung Khrista Isu üng angtawtha lawng hethang re vi dy. Kai lä Korin märü-a awng saite Säthaw üng kangkawng hai Käri pre-a awng saite Säthaw üng khimi käcai angxynlyng na tea hini cae tärü te vi.

2 Korin 1:23

Kai üng lo mitang hai thui saite tea mäny kha Säthaw lä kai üng sasi vi dy. Kai lä nang ce tea bälung aethawsi hai hethang ngai y te phüng-a, Korin märü-a aekö haile y vi ai dy.

2 Korin 10:15

Kai ce lä Säthaw ma py saite kälu phüng xyng aethaw ö te vi. Kai ce lä khimi kälang na üng kälu phüng tea aethaw ö te y lyng. Kai ce lä nang ce üng yng saite ryng jawjaw kha nang ce thung-a kai ce kälu sa hethang lä leng rae ai näkha aethang khai ö te vi.

2 Korin 11:12

Kai lä vaihi sa saite kätyng sa jawjaw ai. Hini kätyng hai-a, käjüng sa saite angtawtha na ma äma ce üng sa saite kälu lä kai ce hai aetawng vi näkha aethaw jawjaw haw ö y vi ai dy.

2 Korin 11:31

Kai lä kaeling kaemae sa y näte Areng Isu üng Pä-ai Säthaw lä mäny te vi. Äni üng ämüng tea khimi ce lä bälaw ö jawjaw sy.

2 Korin 12:19

Ämi ma la kai ce tea cy haw y hethang älo thui saite na nang ce lä kätü qütä aedawng ö mei. Kai ce lä Khrista hai bungtä kha Säthaw üng maw-a älo thui ö te vi dy. Bälung aevaw saite kängby jä-ai na ä, kai ce sa saite angxynlyng na lä nang ce üng yng saite na ca rae hethang vi.

2 Korin 9:2

Nang ce lä säbawng hethang bälung awng ö vi näte kai lä mäny vi. Kai lä nang ce üng phüng hini Makedonia khö-a awng saite kangkawng na tea aethaw pyng te vi dy. Kai lä äni ce tea, “Jangni üng khösäning-a ma Käri pre üng Khristen na lä säbawng hethang aerü rüng ö pyng te vi dy” näkha näpa. Nang ce üng bälung aepy saite lä Makedonia khö üng Khristen na tea la bälung aethaw awng hai ö te by vi.

Galati 1:20

Kai tärü saite na lä tüngkhaw te vi. Kai lä kaeling thui y näte Säthaw ma mäny vi.

Galati 2:20

Kai lä Khrista hai mangtä thinglang qawng-a dü pyng te kätyng vi. Kai lä leithung jungtä üng kätyng hing te y vi dy. Vaihi Khrista lä kai üng bälung thung-a hing te vi. Vaihi hing te lä Säthaw üng Cäpaw tea ae-y kha hing te kae. Cäpaw lä kai bung bälung aevaw kha kai tähang äma üng hing saite py vi dy.

1 Thesalon 2:10

Kai ce lä nang ce yng saite na hai awng te thüng-a cai saite, cüng saite, cy nae awng y-a hing saite phüng lä Säthaw hai nang ce ma sasi tho haw ö khe te vi.

1 Thesalon 2:5

Nang ce ma mäny te kätyng, kai ce lä nang ce tea mäthaw te lo thui vai ö te y. Kai ce lä tangkae dang hethang tähang-a Säthaw lo käjüng sa kha thui te y. Hikä kai ce ma kätüng thui saite tea Säthaw la mäny khe te vi.

1 Timote 2:7

Honi phüng-a Säthaw lä ceng kälang na tea yng saite hai älo mitang phüng-a angthang thui hethang angtawtha-a kai bung re te vi. Kai thui saite lä lo mitang vi. Kaeling y lyng.