2 Korin 10:1 - Caekäcai Kangthae (Lemi)

¹ Kai, Pawlae, lä Khrista üng bälung aemäneng kha äkäneng awng saite hai-a nang ce tea thui hethang ngai te vi. Khimi phütä ma, kai lä nang ce hai aeting te kätü-a, äkäneng-a awng ngaila, hanglaw-a awng te kätü-a lä nang ce tea pring vawng vi näkha kai üng phüng thui ö te vi.

Asang Khongso New Testament

¹ Nangcae hoiah ka oh nawn na-ah hnong kahoih moa lok kanaem, nangcae hoiah kanghla ah oh na-ah loa ka saeng ka prang tiah nang naa o ih kai Paul mah nangcae khaeah tahmenhaih kang hnit o. Khrih ih tuinom hoihhaih hoi palungnathaih ranghoiah

2 Korin 10:1 ပူးပေါင်းရင်းမြစ်များ

Mathai 11:29

Kai üng müngkäli phaw kha älo tängai kha kai üng äkähui-a aelawng ö. Kai lä änawngsa te hai bälung aemäneng saite vi. Tudylä nang üng bälung aehae saite dang tätang vi ai.

Mathai 21:5

“Säthaw ma buisaw tea Jerusalem märü üng khimi na tea ‘Kheng kae-e, nang ce üng sanphrang lä nang ce tea ly sälö dy. Äni lä bälung aemäneng kha cäphö känawkhing käsa hai, cäphö känawkhing käsa cäpi qawng-a aedang dy’ näkha thui pa ö näpa.”

Angtawtha 8:32

Honi mätawngky phai saite Caekäcai ping-a lä, “Khimi ce ma äni bung beram kätyng ra hethang nähai ö vi. Beram lä ämui ba saite khimi na üng maw-a, sitäri-a awng te kätyng äni lä täbawng aepho y käla awng pa vi.

Pawlae ma Rom märü üng kangkawng tähang tärü saite cae 10:20

Tukha buisaw Isaia ma, “Kai bung ha y saite ceng kälang na lä kai tea aeting ö vi dy. Kai üng phüng düng y saite khimi na tea kai ma bung mätü vi dy” näkha thui vawng pa vi.

Pawlae ma Rom märü üng kangkawng tähang tärü saite cae 12:1

Tukä dylä kai üng kangby jä-ai na ä, Säthaw lä mä-ai tea tengxyng y bäheng te phüng-a kai lä nang ce tea mäci hethang ngai te vi. Hing saite löci mawi kätyng nang ma ce ma Säthaw tea ae-a ö. Äni üng kälu sa hethang hai äni tea kawng hai hethang la ae-a ö. Hini nang ce üng ae-a saite lä Säthaw tea cäphaw tätang te vi.

Pawlae ma Rom märü üng kangkawng tähang tärü saite cae 15:15

Tungaila hini cae-a kai ma nang ce tea sädi py saite phütä tea hini kätyng kai lä cüngpra-a tärü vawng te vi dy. Säthaw ma kai tea tähang kähawi py te phüng-a vi.

1 Korin 2:3

Kai lä nang ce tea tyng te kätü-a, aethawdi kha ri te hai käsawtho te vi dy.

1 Korin 4:10

Kai ce lä Khrista tähang sa te phüng-a, khimi ce ma kai ce tea kangthö na näkha dawng ö te vi. Tungaila nang ce lä Khrista hai bungtä te phüng-a, bälungkähae awng vi näkha nang ce lä aedawng ö te vi. Kai ce tea haidae awng y. Nang ce lä ätete angxynlyng na sa hethang haidae awng näkha aedawng ö te vi. Khimi ce ma mä-ai tea mäthi y ngaila, nang ce tea äni ce lä tämö khai ö te vi.

1 Korin 4:21

Kai tyng saite kätü-a, nang ce lä kai tea äte älang hai-a sa hethang ngai hai te vi mei. Nang ce ae-ui ö y dylä, nang ce tea thingbyng hai kai ly vi ai. Tungaila nang ce ae-ui ö dylä, nang ce tea kai lä kangby jä-ai na kätyng bälung aevaw saite mätü vi ai.

2 Korin 10:10

Khimi phütä ma, “Pawlae lä äma üng cae na hai aenae mätü kha tengxyng y haidae awng te vi. Tungaila äma khekhe lä kai ce üng maw-a tyng te kätü-a, äni lä aethawdi kha älo na thui lä aetütü kae vi” näkha thui ö te vi.

2 Korin 10:2

Khimi phütä ma kai ce lä älawngpre üng älang kätyng awng te vi näkha kai ce phüng thui ö te vi. Kai ce tyng te kätü-a, hini khimi ce tea kai ce lä pring vawng ö vi ai. Hini kätyng nang ce tea kai ce lä pring he aely ngai y hethang näkha aesi aebai ö te vi.

2 Korin 10:7

Nang ce lä ärang mang kheng kha ämaw äcae haetä tea xyng nung ö te vi. Nang ce thung üng phütä lä äma ma tea Khrista üng äkähui vi näkha ae-y khü dylä, äni lä Khrista hai aesui te kätyng kai ce la Khrista hai aesui ö te vi näkha dawng te lä hawi khaw te vi.

2 Korin 11:21

Kai ce lä nang ce tea hini kä sa hethang aethaw awng y kha saerae te hai thui hethang kae te vi. Tungaila khimi lawngtä lä hae haetä phüng tea aethaw vawng dylä, kai la aethaw vawng te by vi. Kai lä kangthö kätyng thui te vi.

2 Korin 11:30

Kai aethaw hethang kae te lä, kai üng aethaw awng y näte phüng na tea mätü hethang aethaw ai.

2 Korin 12:5

Kai lä honi khimi phüng tea aethaw haw te vi. Tungaila kai ma üng phüng lä aethaw y lyng. Kai ma üng aethawdi saite phüng xyngtä aethaw vi ai.

2 Korin 3:12

Mä-ai lä älo aenai saite kangthae lä awng jawjaw ai näkha aethang khai te phüng-a, thui vawng ö te vi.

2 Korin 5:20

Tukätephüng-a mä-ai lä Khrista üng angtawtha na lawng ö vi dy. Säthaw lä kai ce hai-a nang ce tea mäci te vi. Kai ce ma Khrista tähang-a nang ce lä Säthaw üng täre na üng hai äma üng rawijae na-a lawng ö hethang Säthaw ma kai ce hai-a mäci te kätyng aebai te hai mäci ö te vi.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

2 Korin 7:4

Kai lä nang ce tea bälung ae-y phi kha nang ce phüng tengxyng y aethaw te vi. Mätang bälai saite aeting te kätü-a, nang ce ma kai ce tea aethaw py kha tengxyng y anghawtho te vi.

Galati 4:13

Kai lä angcü üng Angthang Kähawi nang ce tea thui saite kätü-a, kai üng ätabung aethawdi saite phüng nang ce lä aedawng haile ö te vi.

Galati 5:2

Tängai ö, kai, Pawlae, ma thui te dy. Nang ce ma lengkhüng täke saite tea ae-y dylä, nang ce tähang Khrista ma dü pa saite lä ävang ting y dy lyng.

Ephesi 3:1

Tukätephüng-a ceng kälang na tea Isu Khrista üng Angthang Kähawi thui te phüng-a thawng thung-a pä-ung saite kai, Pawlae, lä nang ce tähang aetang pa dy.

Ephesi 4:1

Areng üng kälu sa te phüng-a kai bung lä thawng thung-a pä-ung te vi. Säthaw ma nang ce bung ka te hai kaeteng-a nang ce lä kähawi-a awng hethang kai lä aesi aebai te vi.

Filipi 4:5

Nang ce üng bälung käneng tea khimi angxynlyng na maw-a mätü ö. Areng ly haile he kätü lä aenai dy.

Kolosa 1:23

Nang ce lä Angthang Kähawi tea yng jawjaw kha khimi käcüng-a lawng ö hethang kae. Angthang Kähawi thai ea dang saite aethang khai te üng nang ce lä aemäqaja hethang kae ö te y. Nang ce thai pyng saite hini Angthang Kähawi lä älawngpre mityng qütä awng saite khimi na tea thui pa ö. Kai, Pawlae, lä honi Angthang Kähawi üng mawsawng lawng te vi dy.

2 Thesalon 3:17

Kai, Pawlae, ma hini kangkhüng üng cibai sa te lo kai üng kö hai nang ce tea tärü te vi. Hini lä kai te üng tha khe saite cae angxynlyng na üng säny vi dy.

Filemon 1:19

Onesimae ma py hethang awng saite lä kai, Pawlae, ma py haile tyng ai mang näte kai üng kö hai nang tea cae tärü te vi ba. Nang lä kai phüng-a dungtäsa hing saite dang te hai kai tea kälai awng vi näte tämang hang ba.

1 Piter 2:11

Bälung aevaw saite äpy na ä, hini älawngpre-a nang ce lä angvüng angvaw na kätyng awng kha ngaiphi tüng y saite na tea lä hui ö hang. Säthaw ma nang ce tea py te hing saite tea hini ngaiphi tüng y saite na lä aety jawjaw ö te vi.

Lokphong 1:9

Kai lä nang ce üng kangby jä-ai Johan vi. Isu üng äkähui qütä aeting saite mätang bälai te tea nang ce kätyng kai la aeting kha änawngsa te by vi. Khrista bung Sanphrang-a khai saite äma üng äkähui qütä lä mätang bälai saite aeting hethang kae. Kai lä Isu phüng hai Säthaw üng Angthang thui te phüng-a, khimi ce ma kai bung lä Patmos angrai sälawng-a tha te vi dy.