2 Korin 1:12 - Caekäcai Kangthae (Lemi)

¹² Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

Asang Khongso New Testament

¹² Kasae kahoih panoekhaih ih mah kamnoek ta-ah ang panoeksak o ih loa hae ni: hi longnui ah ka hingh o na thungah, lokpui koek ah nangcae hoiah angpaeh o na-ah hae kami ciinghaih hoiah uk ih kami ah ka om ai. Sithaw tahmenhaih ih tharahhaih hoi Sithaw mah paek ih palungthin thoenghaih hoi palungthin toenghaih hoiah uk ih kami ah ni ka oh o.

2 Korin 1:12 ပူးပေါင်းရင်းမြစ်များ

Angtawtha 23:1

Pawlae lä Sanhendrin kawngci na tea kheng bädiki ea “Kangby jä-ai na ä, kai lä vaini khytä Säthaw üng maw-a, caiping te bälung kaedawng hai-a awng kha kälu sa te vi” näpa.

Angtawtha 24:16

Tukätephüng-a kai lä Säthaw hai khimi ce maw-a, bälung käcai-a awng hethang käni qütä aethaw aesa kha awng te vi.

Pawlae ma Rom märü üng kangkawng tähang tärü saite cae 9:1

Khrista üng maw-a kai lä lo mitang thui te vi. Kai lä kaeling kaemae lo thui te y lyng. Kai thui saite lä tüng vi näte Muilaw Käcai ma pyng saite kai üng käsi kähawi mäny saite bälung ma kai tea thui khü te vi.

1 Korin 1:17

Khrista lä baptismae py hai hethang kai bung mätaw te y. Äni üng Angthang Kähawi khimi ce tea thui hai hethang kai bung mätaw te vi dy. Kai lä Angthang Kähawi thui te thüng-a, khimi ce üng bälungkähae lo hai-a thui te y lyng. Kai ma hini kätyng thui dylä, Khrista üng thinglang qawng-a dü saite angthang lä haidae awng haw y lyng.

1 Korin 12:8

Muilaw Käcai ma khimi lawngtä tea lä bälungkähae hai thuikaw saite py vi dy. Lawngtä tea lä äni ma mänykaw saite hai Säthaw üng Angthang Kähawi thuikaw saite py te vi dy.

1 Korin 15:10

Tungaila Säthaw üng tähang kähawi phüng-a, kai lä äni üng angtawtha-a lawng te vi dy. Kai tea Säthaw ma py saite tähang kähawi lä aetütü-a lawng te y vi. Kai lä angtawtha kälang na qawng-a aethaw saky te vi. Tungaila kai ma sa te y lyng. Säthaw üng tähang kähawi lä kai hai mangtä awng te phüng vi.

1 Korin 2:13

Tukätephüng-a kai ce lä hini phüng na khimi ce tea thui te kätü-a, khimi ce ma mätu te bälunghae saite lo na hai tawng ö te y. Muilaw Käcai ma mä-ai tea mätu te bälunghae saite lo na hai kai ce lä Muilaw Käcai hai aesui saite na tea thui mäcai ö te vi.

1 Korin 4:4

Kai mäny saite rytä, Khrista üng mawsawng kätyng kai lä sa tämang te awng y. Tungaila kai lä tämang y näkha mätü haw y. Kai ma sa saite kälu hawi te, hawi y te tea lä Areng lawngtä xyng ma tärae cei vi ai.

1 Korin 5:8

Tukätephüng-a, Säthaw üng Cäqengja saite pawi kätü-a, mä-ai lä hunghö hai käsi sa te phüng thui saite täkaw aepae te aesi kangrüng hai sa hethang kae y. Mä-ai lä täkaw aepae saite aesi qa y te hai pawi sa ö si. Kai lä cai saite hai lo mitang phüng thui hethang ngai te vi.

2 Korin 1:17

Kai lä hini kätyng sa hethang mawlang kaedawng awng te kätü-a, kai lä kähawi-a dawng y te vi mei. Kai lä älawngpre üng khimi na kätyng mawlang kaedawng awng kha qengtä ma “Älawng vi” “Älawng y vi” näkha kai thui vi näte nang ce lä dawng ö vi mei.

2 Korin 11:3

Tungaila Setan lawng saite bärui lä äma üng kaeling kaemae sa te hai Evi tea hunghö sa hai hethang the te kätyng khimi phütä ma nang ce tea älang tämang hai kha nang ce lä Khrista bung bälung aevaw saite tea kädephae ö ai näte kai lä bälung mawng te vi.

2 Korin 2:17

Khimi awng mang saite na lä ävang dang hai hethang Säthaw üng lo thui ö te vi. Mä-ai lä hini khimi ce kätyng y. Säthaw ma mä-ai bung mätaw te phüng-a, mä-ai lä Säthaw üng maw-a bälung mitang khaw hai Khrista üng Angthang thui ö te vi.

2 Korin 4:2

Kai ce lä saerae hethang hai ho hethang hawi khaw saite kälu angxynlyng na tea khaisö ö vi dy. Kai ce lä ämi tea la kaeling sa te y kha Säthaw üng älo lä aemäqa te y vi. Kai ce lä lo mitang tea thui phrang ö te vi. Hini kätyng Säthaw üng maw-a cüng vi näte khimi angxynlyng na üng bälung thung-a mäny haw ö te vi.

2 Korin 8:8

Kai lä nang ce tea särilo thui y ngaila, yng saite khimi kälang na üng säbawng hethang aethaw awng saite mätü te hai-a nang ce üng bälung aevaw saite lä tätang mei, tätang y mei, näte mäny hai hethang nang ce tea käny te vi.

Galati 6:4

Khimi qütä lä mä-ai ma üng sa saite na tea aekheng haile tyng hethang kae. Tupyng-a mä-ai ma üng sa saite te kätüng tea lä aethaw haw mang. Khimi kälang na üng sa saite hai mä-ai ma üng sa saite tea lä mätae hang.

Ephesi 6:14

Tukätephüng-a nang ce lä aedung hethang aerü kha awng ö rüng. Säthaw üng lo mitang lä khabai hai aetawng vi. Honi hai angkeng tea kähawi-a aekheng ö ba. Säthaw üng cüng saite lä tatärang-a aedung hai saite süng kä-o kätyng vi. Honi tea nang ce lä aelawng ö.

Filipi 1:10

Tukätephüng-a nang ce lä kähawiky saite re haw ö ai. Tukha Khrista tyng haile saite käni-a, nang ce lä cai kha khimi ce ma cy haw ö y ai mang.

1 Thesalon 2:10

Kai ce lä nang ce yng saite na hai awng te thüng-a cai saite, cüng saite, cy nae awng y-a hing saite phüng lä Säthaw hai nang ce ma sasi tho haw ö khe te vi.

1 Timote 1:5

Hini särilo üng mawkung lä yng saite na üng lawng lawngtä tea bälung aevaw saite vi. Hini bälung aevaw te na cai saite bälung hai, käsi sa y näkha mäny saite hai kätüng yng saite bälung awng saite khimi na lä dang haw ai.

Titas 2:7

Nang ma lä sa saite qütä khimi ce tähang aetu nae-a lawng he kae. Tudylä nang lä Säthaw phüng mätu te kätü-a, bälung mitang khü hai khü sälü-a sa ba.

Hebrai 13:18

Kai ce tähang aetang ö jawjaw ba. Kai ce lä kai ma ce üng käsi kähawi mäny saite bälung kaedawng tea mänysy ö te vi. Kai ce lä kätü angxynlyng na tea kätüng khaw-a sa hethang ngai ö te vi.

Jako 4:6

Tungaila Säthaw ma mä-ai tea tähang kähawi py rae te vi. Tukätephüng-a Caekäcai-a, “Säthaw lä aethaw saite khimi na tea elekhei sa te vi. Tungaila aemäneng saite khimi na tea lä tähang kähawi py te vi” näkha thui vi.

1 Piter 3:16

Käsi kähawi mäny saite nang ce üng bälung tea käcai-a khai ö. Tudylä, nang ce üng Khrista leithung hui te phüng-a aeme aeqa saite kähawi tea käsi thui saite khimi na lä saerae ö vi ai.

1 Piter 3:21

Hini tui lä baptismae phüng tea thui te äsäny vi dy. Vaihi Säthaw ma nang ce tea lä baptismae hai-a aeqang te vi. Baptismae üng tui lä nang ce üng ätabung üng pawprae saite na tea mäse te y. Nang ce lä baptismae la te hai käsi kähawi mäny saite bälung käcai hai-a Säthaw tea älo aedo ö te vi. Honi baptismae phüng-a Isu Khrista üng aetha haile tyng saite hai-a Säthaw lä mä-ai bung aeqang te vi.