1 Timote 4:6 - Caekäcai Kangthae (Lemi)

⁶ Nang lä hini kai üng täru te lo yng saite khimi na tea mätu dylä nang lä Isu Khrista üng mawsawng kähawi-a aelawng ai mang. Nang lä nang ma üng yng saite hai tängai kha mätu saite kähawi hai Säthaw ma nang tea aethaw py vi ai.

Asang Khongso New Testament

⁶ Hi thuihtaekhaih ih loknawk hae taangcanawk khaeah na thuih nahaeloa Khrih Jesuh ih tamtoeh kahoih ah na om tih, nang doeh taanghaih lok hoi na pazui tangcae ih patukhaih kahmaan hoitoah pakhra bangah nangmah hoi nangmah to namcah boah.

1 Timote 4:6 ပူးပေါင်းရင်းမြစ်များ

Mathai 13:52

Isu ma äni ce tea “Säthaw ma pre pyng saite mäny te hai Säthaw üng angthang mätu saite yng te khimi qütä lä, äma üng ing-a vyng mätung saite khimi lawngtä hai aetawng vi. Äni lä ävang ting saite vyngsai kangrüng hai kangthae na mätho saite khimi hai aetawng vi” näkha näpa.

Luka 1:3

Tukätephüng-a kai ma la Areng Isu phüng angcü üng hai kähawi-a aedüng aethui pyng kha nang tähang älang kätüng-a tärü hethang hawi ai müng näkha dawng te vi.

Angtawtha 1:15

Kätü käni qae saite kätü-a, Isu tea Yng saite khimi lawng cungvai kuisytä na lä aekäcö ö kha awng ea Peterae lä aedaw kha älo thui pa dy.

Angtawtha 20:31

Tukätephüng-a kähawi-a aering ö. Kai lä nang ce lawng lawngtä tea säning thungtä tütü kärung käni minaw tui rui kha thui saite Angthang Kähawi mätu saite tea aedawng ö haile ba.

Angtawtha 20:35

Nang ce lä hini kätyng kälu sa kha mätang saite na tea säbawng hethang kätü qütä kai lä mätü te vi. Areng Isu ma ‘Khimi ce te üng dang te qawng-a, py saite lä tähang hawiky’ vi näkha thui saite lo tea aedawng haile ö ba” näpa.

Pawlae ma Rom märü üng kangkawng tähang tärü saite cae 15:15

Tungaila hini cae-a kai ma nang ce tea sädi py saite phütä tea hini kätyng kai lä cüngpra-a tärü vawng te vi dy. Säthaw ma kai tea tähang kähawi py te phüng-a vi.

1 Korin 4:17

Tukätephüng-a, kai lä Timothe bung nang ce tea mätaw te vi. Kai lä äni tea bälung aevaw kha cäpaw khekhe kätyng khai te vi. Äni lä Areng tea yng khü saite lawngtä vi. Timothe ma kai lä Khrista Isu hai bungtä lawng kha makä awng mei näte aedawng haile tyng hethang nang ce tea thui pa ai. Hini lä kai ma mityng qütä hai kangkawng qütä-a mätu pa te hai lä aebäla khaw te vi.

2 Korin 11:23

Äni ce lä Khrista üng mawsawng na mei. Kai lä hawiky saite mawsawng vi. Kai lä kangthö kätyng älo aepe te vi. Kai lä äni ce qawng-a cang y Khrista üng kälu mäsaexa te hai sa vi dy. Kai tea lä äni ce qawng-a cang y thawng thung-a pä-ung leilae te vi dy. Khimi ce ma kai tea lä äni ce qawng-a cang y boky te vi dy. Kai lä äni ce qawng-a cang y dü saite hai aeting leilae te vi.

2 Korin 3:6

Säthaw äma khekhe lä kai ce tea älo aenai saite kangthae üng mawsawng lawng hethang sakaw saite py vi dy. Honi älo aenai saite lä tärü saite ubädi hai aetawng te y. Honi lä Muilaw Käcai üng aenai saite lo vi. Tärü saite Ubädi lä mä-ai bung dü saite mang-a tha kha Muilaw Käcai lä mä-ai tea kähing py te vi.

2 Korin 6:4

Kai ce lä Säthaw üng mawsawng na lawng vi näte älang cawngkhang hai-a mätü ö te vi. Kai ce lä mätang bälai saite, rae saite na, xhuxa saite na hai aeting te kätü-a, änawngsa kha khung ö te vi.

Ephesi 6:21

Tukhika lä mä-ai üng bälung aevaw saite kangby vi. Äni lä Säthaw üng kälu mitang khü-a sa te vi. Äni ma kai üng phüng angxynlyng na nang ce tea thui pa ai mang ba. Tukätephüng-a nang ce lä kai üng sa saite na hai awng saite na phüng mäny ö ai.

Filipi 2:20

Kai üng bälung kaedawng hai aedü saite Timothe lawngtä xyng ni awng te kae. Äni lä nang ce bung tätang khaw-a rui saite khimi vi.

Filipi 2:22

Timothe lä yng te cakhi te phüng mätü te nang ce lä mäny ö te vi dy. Äni hai kai lä mangtä äcäpaw hai äpä-ai kätyng Angthang Kähawi khimi ce thai hai hethang kälu sa hawi te vi.

Filipi 3:16

Ätemakä läsy, Säthaw ma mä-ai tea mätü pyng saite kätyng mä-ai lä sa kha awng ö hethang kae.

Kolosa 2:19

Äni ce lä ätabung üng älö kätyng awng saite Khrista tea aenyng ö te y vi dy. Khrista üng rui saite phüng-a, ätabung-a awng saite äxingxü na hai aethaw rui na lä aesätawng ea ca hethang dang kha Säthaw üng aely kängai-a ätabung angxynlyng na lä ryng ö te vi dy.

Kolosa 3:16

Khrista üng lo angthang tea kätü qütä aedawng ö ba. Nang ce lä lawngtä tea lawngtä Khrista üng Angthang aemätu kha bälunghae saite angxynlyng na hai aemäcü ö. Nang ce üng bälung mäke angxynlyng na hai Säthaw tea Sam ae-awi na, Säthaw tea bälaw saite ae-awi na, Säthaw üng Angthang hai ae-awi na thui kha kawng ö lawi.

Kolosa 4:7

Tukhika ma kai üng angthang na nang ce tea thui king pa ai mang. Äni lä kai üng bälung aevaw saite Khristen kangby, mitang khü-a kai hai mangtä Areng üng kälu sa te vi.

1 Thesalon 3:2

Hi-a kai ce awng te thüng-a, mä-ai üng kangby Timothe bung nang ce tea kai ce lä mätaw te vi dy. Äni lä Khrista üng Angthang Kähawi thui tea kai ce hai mangtä Säthaw üng kälu sa te vi. Nang ce üng yng saite na tea säbawng hethang hai aethaw py hethang äni bung kai ce ma mätaw te vi.

1 Timote 4:16

Nang üng hing saite hai mätu saite lo na tea lä sädi khai khü ba. Hini na tähang nang lä aethawsi y käla sa jawjaw ba. Hini kätyng nang sa dylä, nang hai nang üng lo tängai saite khimi na tea lä Säthaw ma aeqang vi ai.

1 Timote 6:3

Khimi phütä na lä tüng y saite älo na mätu ö vi. Honi na lä mä-ai üng Areng Isu Khrista ma mätu saite älo mitang na hai aebäla te y. Kätüng mätu saite na lä Säthaw üng kängai hing saite na tea säbawng ö te vi.

2 Timote 1:6

Hikäte phüng-a kai üng äkö na nang qawng-a thyng kha aetang te kätü-a, Säthaw ma py te sakaw saite tea tawng haile king hethang nang tea kai lä sädi py te vi.

2 Timote 3:10

Tungaila khimi ce tea kai ma mätu saite na nang lä kähawi-a mäny te vi. Nang lä kai üng awng saite na, mawlang tähang kaedawng saite, yng saite, änawngsa saite, bälung aevaw saite hai mätang bälaica pyng saite angxynlyng na mäny te vi dy.

2 Timote 4:3

Khimi ce lä kätüng mätu te na tea tängai hethang ngai y te kätü lä tyng ai rawng. Äni ce lä äma ce üng ngaiphi tüng y saite mang-a hui ö ai. Tukha äni ce lä thai hethang ngai saite lo mätu te särae rangpui na tea ha ö vi ai.

Titas 2:1

Nang lä älo mitang na hai kaebäla-a mätu hethang kae.

1 Piter 2:2

Kangthae aepeng saite äby na lä känö tui aehe ö te vi. Hini kätyng Muilaw Käcai ma py saite känö tui tätang tea nang ce lä aehe ö jo. Honi känö tui tätang nei te hai-a Säthaw üng aeqang saite cungrü pyng te kätü-a, nang ce lä ryng haw ö te vi.

2 Johan 1:9

Khimi lawngtä Khrista üng mätu saite kätyng awng y käla, äma üng kaedawng na kätyng sa dylä, Säthaw hai bungtä awng haw te y vi. Khrista ma mätu saite tea yng khü dylä mä-ai üng Pä-ai Säthaw ni Äcäpaw hai bungtä awng te vi.

Judae 1:5

Areng lä Isrelae khimi na bung Aikuta pre üng aelawi hai te vi dy. Tungaila honi pyng-a äni ma yng y saite khimi na bung lä täphra pa te vi dy. Nang ce lä honi na phüng mäny pyng ngaila nang ce tea aedawng haile ö tyng hai hethang kai lä ngai te vi ba.