1 Timote 4:1 - Caekäcai Kangthae (Lemi)

¹ Muilaw Käcai ma aenysy-a thui saite lä kangkhüng üng käni-a, khimi phütä na lä kätüng khaw yng saite tea khaisö ö ai. Äni ce lä kaeling sa saite angra na üng lo tängai ea, angra na üng mätu saite na te mang-a hui ö vi ai.

Asang Khongso New Testament

¹ Hnukkhuem tue bangah loa kami thoemto mah taanghaih to prawt o sut tih, tiah Pakhra mah kacaipin ah a thuih; amsawn amlai pakhranawk ih lok to tahngai o ueloa taqawknawk ih patukhaih ih to pazui o tih.

1 Timote 4:1 ပူးပေါင်းရင်းမြစ်များ

Mathai 18:7

Khimi ce tea yng saite pra hai te na awng te phüng-a khimi ce qawng-a tähang käsi tyng vi ai. Yng te pra hai te amäjy na lä awng jawjaw vi ai. Tungaila yng te pra hai saite äni lä tähang si vi.

Luka 17:1

Isu ma äkähui na tea “Khimi ce tea hunghö sa hai hethang khimi kälang na lä awng tätang vi ai. Tungaila khimi lawngtä ma khimi kälang tea hunghö sa hai dylä tähang si.

Johan 16:13

Tungaila Säthaw üng älo mitang phüng mätu saite Muilaw Käcai tyng ea lä, nang ce tea älo mitang angxynlyng phüng na täphawng pa ai mang. Honi Muilaw Käcai lä äma ngai te kätyng-a thui he y. Äma thai saite phüng na ni nang ce tea thui hethang kae. Ämaw mang üng phüng na äni ma nang ce tea thui rüng vi ai.

Angtawtha 13:2

Äni ce lä Areng tea cäphaw kha böjae te hai awng ea, Muilaw Käcai ma “Sawlae hai Banaba bung kai üng kälu sa hethang tähang-a khai ö ba” näkha näpa.

Angtawtha 17:18

Epikura üng bälung käcüng aedawng saite hai Satu-i üng bälung käcüng aedawng saite Särae na hai la, Pawlae lä aedüng aethui vi dy. Honi thung üng khimi phütä na ma “Hini lopu lä äte na thui hethang ngai te mei” näkha düng pa. Äkälang khimi na ma “Äni lä ceng kälang na üng angra na phüng thui te ngaw müng” näkha näpa. Ätemakä mei nädylä, Pawlae lä Areng Isu phüng hai äni dü te üng aetha te Angthang Kähawi thui te phüng-a vi.

Angtawtha 20:23

Tungaila Muilaw Käcai ma ‘Thawng thung-a pä-ung te hai mätangca saite na nang lä aeting vi ai’ näkha märü qütä-a thui rüng kha sädi py saite kai lä mäny vi.

Angtawtha 21:11

Tukha äni lä kai ce tea ly ea Pawlae üng khabai la kha äma üng äkö hai äkho tea aemäkhing vi. Tupyng-a Akapu lä “Muilaw Käcai lä hini kätyng thui te vi. Jerusalem märü-a Judae khimi na ma hini khabai üng äkung bung hini kätyng mäkhing kha ceng kälang khimi na tea a vi ai” näkha näpa.

Angtawtha 28:25

Pawlae thui pyng te kätü-a Judae khimi na lä äma ce tingtawi ae-e kha vawi ö vi dy. Pawlae kangkhüng-a thui saite älo lä, “Buisaw Isaia hai nang ma ce üng kangsi na tea Muilaw Käcai ma thui te lä tätang khaw vi.

1 Korin 10:20

Tungaila mimi na tähang löci na sa saite lä angra na tähang löci aesa ö tätang te vi. Äni ce lä Säthaw tea löci na sa ö te y. Kai lä nang ce tea angra na hai kangby jä-ai aesa hethang ngai hai te y vi.

1 Korin 11:19

Nang ce thung-a aetäphü saite na lä awng hethang kae. Hokä ea ni ämi lä Säthaw üng aely kängai-a awng mei näte mäny haw ai.

1 Korin 12:11

Säthaw üng lawngtä xyng saite Muilaw lä hini sakaw saite angxynlyng na py te vi. Muilaw Käcai lä äma ngai te kätyng yng saite khimi qütä tea aetawng y saite sakaw te na py te vi.

1 Korin 2:10

Tungaila Säthaw lä äma üng Muilaw Käcai hai-a honi ho saite na mä-ai tea mäny hai te vi dy. Muilaw Käcai lä äte angxynlyng na tea täphawng kha Säthaw ma ho saite mawlang kaedawng tea la täphawng ea mä-ai tea mäny hai vi dy.

2 Korin 11:3

Tungaila Setan lawng saite bärui lä äma üng kaeling kaemae sa te hai Evi tea hunghö sa hai hethang the te kätyng khimi phütä ma nang ce tea älang tämang hai kha nang ce lä Khrista bung bälung aevaw saite tea kädephae ö ai näte kai lä bälung mawng te vi.

Kolosa 2:18

Särae kälang na lä sa tämang te hai aemäneng kha Känipre üng angtawtha na tea cäphaw hethang mätu pa te vi. Äni ce üng the saite mang-a hui ö hang ba. Honi kätyng hui dylä, nang ce üng aeqang saite vang lä laja ö ai. Honi särae na lä äsämai mang aetüng te phüng-a, Säthaw üng Angthang tea hawihai pailai thaikaw te vi näkha näte lä äni ce üng käjüng aesa ö saite na kae. Äni ce lä khimi ce üng kaedawng hai thui ea aethaw ö vi dy. Tungaila äni ce aethaw hai nae lä äte haetä la awng y lyng.

2 Timote 3:13

Käsi sa te hai kaeling sa te khimi na lä sa tämang ö rae ai mang. Äni ce lä khimi ce tea kaeling sa te kätyng khimi kälang na ma la äni ce tea kaeling sa ö by ai.

2 Timote 4:4

Khimi ce lä älo mitang tea tängai hethang ngai ö y ai. Tukha äni ce lä tüng y saite cäkae kangrüng na tea tängai ö ai.

Jako 3:15

Hokä bälunghae saite lä Säthaw te üng tho te y. Säthaw üng Muilaw lä mä-ai tea hini kätyng bälunghae hai te y vi. Honi bälunghae hai saite lä älawngpre hai aesui kha Setan angra te üng tho te kae.

1 Piter 1:20

Säthaw lä älawng sa y te kälang üng hai ma Khrista bung lä re pyng te vi dy. Hini kangkhüng kätü-a, äni lä Khrista bung nang ce tähang täphawng pa te vi dy.

2 Piter 2:1

Jangni-a buisaw käjüng aesa kha thui saite na lä Säthaw üng khimi na thung-a awng ö by vi. Honi kätyng nang ce thung-a käjüng sa kha mätu saite särae na awng ö vi ai. Äni ce lä khimi ce üng yng saite na tea täphra hethang kangru-a sa tämang saite na mätu ö vi ai. Hini särae na lä äma ce bung hunghö üng aelawi hai saite Areng tea mäteng ma aephae ö vi ai. Äni ce tea la Säthaw ma täphra phraw pa ö vi ai

2 Piter 3:3

Aely lengky saite lä, nang ce lä hini kangkhüng üng dungpa-a mänui hai saite khimi na lä tho ai näte mäny ö hethang kae. Äni ce lä äma ce üng ngaiphi tüng y saite na tea hui kha nang ce tea mänui hai ö vi ai.

1 Johan 2:18

Kai üng bälung aevaw saite caw nade na ä, kangkhüng üng kätü lä tyng vi ai dy. Khrista üng täre kälengky lä tyng ai näte tea nang ce lä thai ö pyng te vi dy. Vaihi la Khrista üng täre na lä awng mang-a tho rüng pyng te vi dy. Tukätephüng-a kangkhüngky üng kätü lä aenai vi näsaite tea mä-ai lä mäny ö te vi.

1 Johan 4:6

Mä-ai lä Säthaw üng khimi na vi. Säthaw bung mäny saite na lä mä-ai üng mätu saite lo na tea tängai ö vi. Säthaw hai aesui y saite khimi na lä mä-ai üng mätu saite na tea tängai ö y. Hini kätyng khimi lawngtä lä lo mitang tea Muilaw hai-a thui te, y dylä khimi ce tea kaeling kaemae sa hethang Setan ma py saite haidae hai-a thui te tea mä-ai lä mäny haw ö te vi.

Judae 1:18

Äni ce ma, “Kangkhüng üng käni-a lä Säthaw üng kängai y käla äma ce üng ngaiphi tüng y saite kätyng hui saite, aenui aepai hai thui saite khimi na lä nang ce tea tho ö vi ai” näkha thui pa.

Judae 1:4

Ätephüng-a mei nädylä Säthaw lo tängai y saite khimi phütä na lä nang ce thung-a kangru mang kung ö te vi ba. Äni ce lä Säthaw üng tähang kähawi phüng-a äma ce üng ngaiphi tüng y saite kätyng awng haw vi näkha mätu ö te vi. Äni ce lä mä-ai üng Areng hai Ingkung lawngtä xyng awng saite Isu Khrista tea aephae ö vi. Äni ce tea lä Säthaw ma dengpy ai näkha jangni üng hai ma tärü rüng pyng te vi dy.

Lokphong 13:14

Äni lä mawikäsi angcü üng tähang sa saite cangxei te na hai-a älawng qawng üng khimi angxynlyng na tea kaeling kaemae sa te vi. Aekei hai tämaw dang ngaila dü y käla hing saite honi mawikäsi tea tämö khai hai hethang khimi ce tea äni üng mimi sa hai pa te vi dy.

Lokphong 16:14

Äni ce lä kamarae na sa saite angra na vi. Äni ce lä älawngpre üng sanphrang angxynlyng na tea käcüng hethang tho ö vi dy. Äni ce lä äte angxynlyng na sa haw saite Säthaw üng käni pui-a täre aety ö ai.

Lokphong 18:2

Äni lä ätüng käleng hai, “Babilon märü käleng lä aene vi dy. Babilon märü Käleng lä aene vi dy. Honi märü-a angra na, khönan na hai känyng he hawi saite angxynlyng na awng vi. Kädü kärawng ngang na ca saite tävaw na üng mityng vi dy.

Lokphong 18:23

Nang ce lä manila maibung üng kaevang nung haile tyng ö y vi ai. Särai anglaw na aepawng saite ätüng na la thai ö y vi ai dy. Honi märü hai kaepai sa saite na lä älawngpre angxynlyng na thung-a aenae awngky ö vi dy. Honi märü lä älawngpre angxynlyng na üng khimi na tea angra üng haidae hai the vi dy” näkha nä vi.

Lokphong 19:20

Areng lä mawikäsi hai äni üng jüng-a cangxei mätü saite buisaw kaeling bung lä ne vi dy. Buisaw kaeling lä mawikäsi üng äsäny awng saite hai mawikäsi üng mimi tea cäphaw saite khimi na tea cangxei te na hai-a kaeling kaemae sa pa vi dy. Areng lä änini lawng netä bung keng maikang saite maipui tuilipui thung-a kanghing-a ma käde hawi mei pa vi dy.

Lokphong 2:11

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä äbaeni dü saite hai-a aeting hai pa y ai.

Lokphong 2:17

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä Känipre-a ho saite Mana täkaw phütä tea kai ma py ai. Äni tea ämüng kangthae tärü saite älung kanglung phei la py ai. Honi ämüng tea lä dang saite khimi qaitä ni mäny hethang kae.

Lokphong 2:29

“Muilaw Käcai ma kangkawng na tea thui saite lo känawkhing awng saite khimi lä thaikaw sy.

Lokphong 2:7

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi na tea lä Säthaw üng angkhaw thung üng kähing py saite thingkawng kung üng äthai ca hethang kai ma py ai” näpa.

Lokphong 20:10

Tupyng-a Säthaw lä äni ce tea kaeling kaemae sa saite Setan angra bung keng hai maikang saite tuilipui thung-a kädephae vi dy. Honi mityng-a lä mawikäsi hai äma üng buisaw käjüng aesa saite ni bung la kädephae pyng te by vi dy. Äni ce lä kärung käni dungtäsa naw mätang saite aeting jawjaw ö vi ai.

Lokphong 20:8

Setan angra lä älawngpre angxynlyng na qawng-a aehi sangxang saite üng khimi na tea kaeling kaemae sa hethang ly vi ai. Hini pre na üng Säthaw üng täre na tea lä Koka hai Makoka näkha khimi ce ma mäthi ö vi. Setan lä äni ce angxynlyng na tea täre aety hai hethang mangtä käcüng ö vi ai. Äni ce üng khimi rui na tea to dylä, pangle pyng üng täpung älawng ngangdi na kätyng vi.

Lokphong 3:13

“Muilaw Käcai ma kangkawng na tea thui saite lo känawkhing awng te khimi lä thaikaw sy.

Lokphong 3:22

“Muilaw Käcai ma kangkawng na tea thui saite lo känawkhing awng saite khimi lä thaikaw sy” näkha näte vi.

Lokphong 3:6

“Muilaw Käcai ma kangkawng na tea thui saite lo känawkhing awng saite khimi lä thaikaw sy.

Lokphong 9:20

Hini mätang bälai saite känaw käsaw na hai-a dü y saite khimi na lä äma ce üng sa tämang saite na tea ae-ui ö y lyng. Äni ce lä angra na tea cäphaw jawjaw ö te vi. Äni ce lä sui, tangkae, süng kangseng, kälung, thingkawng na hai sa saite mimi na tea cäphaw jawjaw ö te vi. Honi mimi na lä ämi la nung haw te y, känawkhing hai la thaikaw te y, aeke haw ö te y vi.