1 Timote 2:8 - Caekäcai Kangthae (Lemi)

⁸ Kai lä Säthaw tea cäphaw hethang aeting saite mityng qütä üng nawngmäcaw na tea käcai-a awng kha aetang hethang äkö na täryng hai hethang ngai te vi. Äni ce lä kädawtho y käla lawng lawngtä aejaw aemang y hethang kae.

Asang Khongso New Testament

⁸ Sithaw bokhaih hmuen kruekah nongpanawk mah khophoeh o na soe tihae ka koeh. Anihcae loa Sithaw khaeah takbum kangpaek ah oh o boah moa palungphuihaih hoi lok aekhaih om aiah ban pazang o soeloa khophoeh o na soe.

1 Timote 2:8 ပူးပေါင်းရင်းမြစ်များ

Mathai 21:21

Tupyng-a Isu ma “Tängai ö. Nang ce lä tätang mang mei näte bälung kaedawng awng y käla yng dylä, thaidö kung tea kai sa te kätyng sa haw ö vi ai. Honi qawng-a cang y me anghung tea la ‘Nang ma ma bung aethui kha pangle tui thung-a aekäde ja la’ näkha thui te kätyng awng vi ai.

Mathai 5:44

Tungaila vaihi nang ce tea kai ma: Nang ma ce üng täre na tea bälung aevaw ö. Nang ce tea mätang bälai-a sa saite khimi na tähang aetang pa ö.

Mathai 6:12

Kai ce tea tämang saite khimi na hunghö kai ce bälawi te kätyng-a, kai ce üng hunghö bälawi kü ba.

Luka 23:34

Isu ma “Üngai ä, Äni ce üng sa tämang saite na bälawi pa kü ba. Ätephüng-a mei nädylä äni ce lä äma ce sa saite na mäny ö y te kae vi” näpa. Tukha reisae na ma lä Isu üng kä-o na tea phui hai sa kha aeri ö xhixae pa vi dy.

Luka 24:50

Isu lä äkähui na bung Bethani vang teng-a tyng khytä nähai pyng-a äma üng kö hai bäjae kha äni ce tea tähang kähawi py pa vi dy.

Johan 4:21

Isu ma “Änang nawngmädi ä, kai üng thui te lo yng ba. Khimi ce lä hini anghung hai Jerusalem märü-a ly y käla ma mä-ai üng Pä-ai Säthaw tea cäphaw saite kätü lä tyng ai dy.

Angtawtha 10:2

Äni lä Säthaw tea dawngrütü saite khimi vi. Äni hai äni üng engthung rütä na la Säthaw tea tämö khai ö bärai vi. Khimi kangtang na tea tangkae py kha säbawng leilae vi. Säthaw tea la aetang jawjaw kha awng te vi.

Angtawtha 10:31

Äni ma ‘Konelia ä, nang üng aetang saite tüng lä Säthaw ma thai vi dy ecy. Nang ma kangtang na tea tangkae hai py leilae saite na lä Säthaw ma mäny te vi dy.

Angtawtha 10:4

Äni lä ri te hai-a Säthaw üng angtawtha tea kheng kha “Areng ä, äte mei” näkha näpa. Säthaw üng angtawtha ma “Nang üng aetang leilae te hai khimi kangtang na tea tangkae hai py vävawi saite na lä, Säthaw ma kawng hai vi dy.

Angtawtha 21:5

Tungaila käni säritä pyng ea lä, kai ce lä Jerusalem märü mang-a khölawng tho haile ö be dy. Käyng khimi angxynlyng na lä äma ce üng nawngpui cäpi caw nade na hai mangtä märü ärang pangle pyng khytä kai ce bung tha ö dy. Kai ce angxynlyng lä pangle pyng-a khokhö didü kha aetang ö dy.

Angtawtha 7:60

Tupyng-a äni lä khokhö didü kha “Areng ä, äni ce üng kai bung bädü te hunghö na bälawi pa ba” näkha ätüng käleng hai hang pyng ea dü pa vi dy.

1 Korin 1:2

Korin märü-a awng saite Säthaw üng kangkawng, Säthaw ma Isu Khrista hai-a cai hai kha Säthaw üng khimi käcai-a Isu Khrista hai bungtä mäthi saite nang ce tea hini cae kai lä tärü te vi. Mityng qütä mä-ai üng Areng Isu Khrista tea cäphaw saite khimi angxynlyng na tähang hini kätyng sa te vi. Khrista lä äni ce hai mä-ai üng Areng vi.

1 Korin 7:7

Kai lä ingthawng sa y käla awng te kätyng, khimi qütä awng dylä, hawiky vi näkha kai lä dawng te vi. Tungaila khimi qütä tea lä Säthaw ma äma ce üng sakaw saite na py qi te vi. Säthaw ma khimi ce tea py te sakaw saite na lä haetä hai haetä aetawng te y vi.

2 Korin 2:14

Mä-ai üng Säthaw tea mä-ai bälaw ö si. Säthaw lä mä-ai bung Khrista üng bäja saite pawi-a qa hai jawjaw hethang phüng-a vi. Mä-ai ly saite mityng qütä-a, Säthaw lä Khrista üng Angthang Kähawi thui hai jawjaw te vi. Honi lä ämui kähawi kätyng lawng hai hethang vi.

Filipi 1:12

Kai üng kangby jä-ai na ä, kai aeting saite amäjy na phüng-a khimi nyng nyng na lä Angthang Kähawi thai hai te vi näte kai lä nang ce tea mäny hai hethang ngai te vi.

1 Thesalon 1:8

Ätephüng-a mei nädylä, nang ce üng yng saite phüng-a Areng üng Angthang Kähawi lä Makedonia khö hai Käri pre mang-a aethang haidü te vi dy. Nang ce üng Säthaw tea yng saite phüng kai ce ma thui hethang lä ngai näpi y vi dy. Mityng qütä khimi ce lä thai ö te vi dy.

1 Timote 5:14

Tukätephüng-a lömai nä-awi säning käna na lä nawngpaw na nang haile ea caw nade na dang kha äma ce üng engthung na tea rui ö hethang kai lä mäci te vi. Tudylä mä-ai üng bälung kae-i na ma yng saite na tea cy hethang awng ö y ai.

Titas 3:8

Hini lä ae-y nae hawi saite lo na vi. Hini na phüng kai lä nang ce tea kähawi-a thui hethang ngai te vi. Tudylä Säthaw tea yng saite khimi na lä kälu kähawi sa te hai äma ce üng kätü aepy haw ö ai. Hini mätu saite na lä khimi qütä tähang hawi la hawi, maw la cawng hai te vi.

Hebrai 10:22

Tukätephüng-a mä-ai lä Säthaw üng äteng-a mitang khaw saite bälung, yng khü te hai ly ö si. Khrista üng äthi lä mä-ai üng käsi kähawi mäny saite bälung kaedawng na tea mäcai pa te phüng-a, mä-ai üng sa saite hunghö na tea lä aedawng ö vi hang lawi. Mä-ai üng ätabung na tea lä tui käcai hai mäse pang vi dy.

Jako 4:8

Nang ce lä Säthaw äteng-a ly dylä, äni la nang ce äteng-a ly by ai. Hunghö sa saite nang ce lä nang ma ce üng sa saite na cai hai ö lawi. Yng vawng y saite nang ce lä cai saite kaedawng awng ö lawi.

1 Piter 3:7

Nawngpaw na ä, hini kätyng nang ma ce hai mangtä awng saite nawngpui na phüng mänykaw kha khüsälü-a dawng khü ö lawi. Nang ce kätyng aethaw awng y saite nawngpui na tea äpy na kätyng tämö khai ö. Ätephüng-a mei nädylä Säthaw lä nang ce hai nang ma ce üng nawngpui na tea hing saite kangthae mangtä py ö vi ai. Hini kätyng nang ce sa dylä, nang ce üng aetang saite na tea Säthaw lä mäthang vi ai.